Թեման՝ ‘Սահմանադրություն’

ՀԱՂԹԱՆԱԿ ԿԱՄ ՈՉԻՆՉ, ՀԱՂԹԱՆԱԿ ԵՎ ՈՒՐԻՇ ՈՉԻՆՉ

Փետրվար 20, 2013

Նիկոլ Փաշինյան

Ստորեւ ներկայացնում ենք Նիկոլ Փաշինյանի ելույթը` փետրվարի 20-ին Ազատության հրապարակում Րաֆֆի Հովհաննիսյանի հրավիրած հանրահավաքում:

Սիրելի ժողովուրդ, Հայաստանի Հանրապետության հպարտ քաղաքացիներ.

Նորից փետրվար է եւ մենք նորից այստեղ ենք՝ Ազատության հրապարակում: Սա նշանակում է, որ ի հեճուկս բազմամյա ջանքերի Բռնությունը չի կարողացել մեզ՝ Հայաստանի Հանրապետության քաղաքացիներիս հաղթել, չի կարողացել կոտրել: Խոստովանենք, սակայն. մեր այսօրվա հավաքի օրակարգը նշանակում է նաեւ, որ ժողովուրդը, Հայաստանի Հանրապետության քաղաքացին էլ դեռեւս չի կարողացել վերջնական, դե յուրե արձանագրված հաղթանակ տանել սեփական հայրենիքին տերը լինելու համար մղվող երկարատեւ պայքարում, չի կարողացել վերջնական հաղթանակ տանել բռնության եւ ապօրինության նկատմամբ: Կարդալ շարունակությունը …

ԵԼՈՒՅԹՆԵՐ, ՀՈԴՎԱԾՆԵՐ , , , , ,

ԸԸՀ, ԿՐԿԻ´Ն ՓՈՐՁԻՐ

Այսօր, ժամը 15.00-ին Երեւանի թիվ 7 ԸԸՀ-ում տեղի կունենա ԱԺ պատգամավորի թեկնածու Նիկոլ Փաշինյանի բողոքի քննարկումը` Սամվել Ալեքսանյանի (Լֆիկ Սամո) թեկնածությունը ուժը կորցրած ճանաչելու վերաբերյալ:

Հասցե` ք. Երեւան, Սվաճյան 92 մանկապարտեզ
Հեռ. 010-72-18-72

ՀՈԴՎԱԾՆԵՐ , , ,

Ի ԳԻՏՈՒԹՅՈՒՆ ԼՐԱՏՎԱՄԻՋՈՑՆԵՐԻ

Ապրիլ 27, 2012

Այսօր, ժամը 17.00-ին Երեւանի թիվ 7 ԸԸՀ-ում տեղի կունենա ԱԺ պատգամավորի թեկնածու Նիկոլ Փաշինյանի դիմումների քննարկումը: Դրանցից առաջինը վերաբերվում է ԱԺ պատգամավորի թեկնածու Սամվել Ալեքսանյանի գրանցումը ուժը կորցրած ճանաչելուն, իսկ երկրորդը նախընտրական քարոզչության իրավունք չունեցող անձանց կողմից քարոզչություն իրականացնելուն:

Հասցե` ք. Երեւան, Սվաճյան 92 մանկապարտեզ
Հեռ. 010-72-18-72

ՀՈԴՎԱԾՆԵՐ , , , ,

ՆԻԿՈԼԻ ՆԱՄԱԿԸ ԸՆՏՐՈՂՆԵՐԻՆ

Ապրիլ 25, 2012

Հաշվի առնելով հանրային ահռելի հետաքրքրությունը, որոշեցի հրապարակել Երեւանի թիվ 7 ընտրատարածքի ընտրողներին ուղղված իմ նամակը: Ասեմ, որ յուրաքանչյուր ընտանիքի հասցեագրված է հենց իրեն ուղղված նամակ. ծրարի վրա գրված է կոնկրետ հասցե եւ հասցեատեր:

Հարգելի Հարությունյաններ. Կարդալ շարունակությունը …

ՀՈԴՎԱԾՆԵՐ , , , ,

ՆԻԿՈԼ ՓԱՇԻՆՅԱՆԻ ՆԱՄԱԿԸ

ՀՀ ԱԺ նախագահ Սամվել Նիկոյանին

Պարոն Նիկոյան.

Երեւանի թիվ 7 ընտրատարածքի մանդատով ԱԺ պատգամավոր համարվող Սամվել Ալեքսանյանը չորրորդ գումարման ԱԺ գոյության ընթացում գումարված բոլոր տասը հերթական նստաշրջանների քվեարկությունների կեսից ավելիից բացակայել է: ՀՀ «ԱԺ կանոնակարգ օրենքի» տրամաբանությամբ չորրորդ գումարման Ազգային ժողովի գործունեության ընթացքում Ալեքսանյանը առնվազն տասն անգամ պետք է զրկվեր պատգամավորական մանդատից: Մինչեւ օրս, սակայն, Ալեքսանյանը պահպանում է մանդատը:

ԱԺ կանոնակարգ օրենքի տրամաբանությամբ, եթե նա չի զրկվել պատգամավորության մանդատից, նշանակում է վերջին հինգ տարվա մեծ մասը անաշխատունակ է եղել, դրա մասին ներկայացրել է համապատասխան փաստաթուղթ` անաշխատունակության թերթիկ, կամ էլ Ազգային ժողովի նախագահը նրա բացակայությունները համարել է հարգելի` որեւէ այլ պատճառով (ՀՀ ԱԺ կանոնակարգ օրենք, հոդված 99):

Հաշվի առնելով տվյալ հարցի բացառիկ հանրային նշանակությունը, պահանջում եմ ինձ, որպես Երեւանի թիվ 7 ընտրատարածքում առաջադրված ԱԺ պատգամավորի թեկնածուի, ներկայացնել այն հիմքերը, որոնց ուժով Սամվել Ալեքսանյանի բացակայությունները անհարգելի չեն համարվել:

Համոզված եմ, որ տվյալ խնդրի ուսումնասիրության համատեքստում կարող են ի հայտ գալ կոռուպցիոն երեւույթներ, որոնց մտադիր եմ իմ իրավասությունների շրջանակներում օրենքով նախատեսված ընթացք տալ:

Կանխավ շնորհակալություն

ՆԻԿՈԼ ՓԱՇԻՆՅԱՆ
Երեւանի թիվ 7 ընտրատարածքում ԱԺ պատգամավորի առաջադրված թեկնածու

ՀՈԴՎԱԾՆԵՐ , , , , ,

ՍԱՀՄԱՆԱԴՐՈՒԹՅՈՒՆԸ` ՍԵՎԵՐԵՍ

Փետրվար 24, 2012

Մաշտոցի պուրակՀՀ Սահմանադրությունը արձանագրում է սեփականության անձեռնմխելիության սկզբունքը, եւ սա երկրի սահմանադրական կարգի առանցքներից մեկն է. մարդու սեփականությունը պետք է լինի անձեռնմխելի: Սահմանադրությունն ասում է, որ ոչ ոքի չի կարելի զրկել սեփականությունից, բացառությամբ դատական կարգով եւ օրենքով նախատեսված դեպքերի:

Սահմանադրության այս դրույթը գործում էր նաեւ այն ժամանակներում, երբ Բուզանդի փողոցից սպեցնազով-բանով մարդկանց դուրս էին շպրտում իրենց տներից: Հետո, ի դեպ, իշխանության այդ գործողությունները Սահմանադրական դատարանը հակասահմանադրական ճանաչեց, բայց քանի որ մարդկանց արդեն տներից դուրս էին արել-պրծել, մեծ հաշվով իրավիճակը չփոխվեց: Ու հիմա այն սպեցնազը, որ Բուզանդի փողոցի իր խոհանոցում ճաշ եփող տանտիրուհուն քաշում դուրս էր շպրտում` սոխառածը գազօջախի վրա թողնելով, այդ նույն սպեցնազը պատ է կազմում մի քանի տասնյակ բնապահպանների առաջ, որպեսզի նրանք չխանգարեն Չոռնի Գագոյի եւ Խուճուճ Էդոյի կրպակների կառուցմանը: Բայց աբսուրդը հասել է էնտեղ, որ այս ամենը սկսել են բացատրել սեփականության անձեռնմխելիության սահմանադրական դրույթով: Կարդալ շարունակությունը …

ՀՈԴՎԱԾՆԵՐ , , , , , , , ,

ՏՈՆ, ՈՐ ՀՐԱԶԴԱՆՑՈՒՆԸ ՉԷ

Փետրվար 14, 2012

Հրազդանի քաղաքապետի` կիրակի օրը կայացած ընտրությունների նախնական պաշտոնական արդյունքներով` 13 հազար 79 ձայնով քաղաքապետ է ընտրվել հանրապետական Արամ Դանիելյանը: Հայ ազգային կոնգրեսի ներկայացուցիչ, նախկին քաղբանտարկյալ Սասուն Միքայելյանը ստացել է 11 հազար 506 ձայն: Քվեարկությանը մասնակցել է 25 հազար 480 ընտրող:

Հրազդանի քաղաքապետի ընտրությունների օրն անցկացրի 25/16 ընտրական տեղամասում (թիվ 5 դպրոց), որպես Սասուն Միքայելյանի վստահված անձ: Դա Ջրառատ թաղամասն է, որ Հրազդանի վարչական տարածքի մեջ մտած գյուղ է:

Ընտրական վիճակագրությունը մեր տեղամասում այսպիսին էր. ցուցակներում ընդգրկված էր 1890 ընտրող, քվեարկությանը մասնակցեց 1353 ընտրող, ձայները բաշխվեցին հետեւյալ կերպ. Արամ Դանիելյան` 656 ձայն, Սասուն Միքայելյան` 653 ձայն: 44 քվեաթերթիկ ճանաչվեց անվավեր: Քվեարկության ընթացքում աղաղակող միջադեպեր չարձանագրվեցին: Կարդալ շարունակությունը …

ՀՈԴՎԱԾՆԵՐ , , , , ,

ԲԱՑԱՀԱՅՏՄԱՆ ՄԵԽԱՆԻԿԱ

Դեկտեմբեր 20, 2011

Մարտի 1-ի գործով տխրահռչակ դատախազ Կորյուն Փիլոյանը` 2011թ. դեկտեմբերի 12-ի ոչ պակաս տխրահռչակ ասուլիսում հիմնավորել էր «Չերյոմուխա-7» զինատեսակով 2008 թվականի Մարտի 1-ին Գոռ Քլոյանին, Տիգրան Խաչատրյանին, Արմեն Ֆարմանյանին սպանած ոստիկաններին բացահայտելու «անհնարինությունը»: Հիշեցնենք, որ ստույգ հայտնի է, որ այդ 2008թ. Մարտի 1-ին «Չերյոմուխա-7» կիրառել են չորս ոստիկաններ, ու հիմա, փաստորեն, Հատուկ քննչական ծառայությունը չի կարողանում բացահայտել, թե այդ չորսից ով կամ ովքեր են դարձել երեք անձանց սպանության հեղինակ. ամենակարեւոր հիմնավորումն այն է, որ «Չերյոմուխա-7»-ի փամփուշտը նույնականացման չի տրվում, եւ հնարավոր չէ պարզել, թե զոհերից յուրաքանչյուրին խոցած գնդակը ո՞ր հրացանից է արձակվել. «Ի՞նչ անեն, հո չորսին էլ չե՞ն դատելու: Երեք զոհերին, որոնք «Չերյոմուխաների» արդյունքում են զոհվել, չորս ոստիկաններ են կրակել, այսինքն` եթե ամեն մեկը մեկին է սպանել, գոնե մեկն անմեղ է, ավելին` կարող էր մեկը, չէ՞, երեքին կրակել, ի՞նչ անենք, դնենք` չորսը մարդու դատենք, ասենք` ոնց էլ լինի, մեղավորը դրանց մեջ կլինի՞»,- գործը բացահայտելու անհնարինությունը հիմնավորել էր Փիլոյանը: Կարդալ շարունակությունը …

ՀՈԴՎԱԾՆԵՐ , , , , , , ,

ԵՍ ԿՈՂՄ ԵՄ ԼՅՈՒՍՏՐԱՑԻԱՅԻՆ

Դեկտեմբեր 16, 2011

Նախ այն մասին, թե ինչ է նշանակում «լյուստրացիա», եւ ինչու են ԿԳԲ նախկին գործակալների կամ կոմունիստական տոտալիտար վերնախավի հետապնդում նախատեսող օրենքները նախկին սոցճամբարի երկրներում կոչվել «Լյուստրացիայի մասին»:

«Լյուստրացի» լատիներեն բառ է, որ նշանակում է` մաքրազերծում զոհաբերության միջոցով: Նախկին սոցճամբարի, Մերձբալթյան երկրների հանրություններն, օրինակ, կոմունիստական բռնապետության տապալումից հետո ինքնամաքրման կարիք են ունեցել: Նրանք ելել են այն իրողությունից, որ Կոմունիստական ռեժիմը բնույթով եղել է հանցավոր: Այս գնահատականն, ի դեպ, չի նշանակել, թե չեխերը, լեհերը, լիտվացիները մտածել են կամ մտածում են, թե կոմունիստական իշխանությունը «ոչ մի լավ բան» չի արել, ոչ մի շենք չի կառուցել, ոչ մի գործարան չի բացել: Ռեժիմի հանցավորության մասին գնահատականը հիմնված է եղել այն պարզ եւ անժխտելի փաստի վրա, որ կոմունիստական իշխանությունը բանտերում, գուլագներում, ուղղակի պատերի տակ` սպանել-գնդակահարել է միլիոնավոր անմեղ մարդկանց, միլիոնների էլ հետապնդել է, երկար տարիներով ազատազրկել: Հենց ռեպրեսիվ այս գործելակերպի վրա է հիմնված եղել կոմունիստական հասարակարգը, ռեժիմը, իշխանությունը: Կարդալ շարունակությունը …

ՀՈԴՎԱԾՆԵՐ , , ,

ՆԻԿՈԼԻ ԵԼՈՒՅԹԸ ԱԶԱՏՈՒԹՅԱՆ ՀՐԱՊԱՐԱԿՈՒՄ

Սիրելի ժողովուրդ, Հայաստանի Հանրապետության հպարտ քաղաքացիներ:

Ազատության հրապարակի մեր ութնօրյա նստացույցը բառիս բուն իմաստով դարձավ ջրբաժան: Մենք բաժանվեցինք ինքներս մեր վախերից, կասկածներից, երկմտությունից, եւ ինքներս մեզ, առաջին հերթին ինքներս մեզ ապացուցեցինք, որ դեռ կարող ենք կտրվել մեր տաք տներից եւ անկողիններից եւ անձրեւի մեջ, արեւի տակ, իշխանական ուղղակի եւ անուղղակի սպառնալիքների ներքո բարձրաձայնել.

Մենք քաղաքացի ենք, Հայաստանի Հանրապետության հպարտ քաղաքացի, մենք ուժ ենք, մենք ուժեղ ենք եւ երբեք չենք հրաժարվի Հայրենիքին տեր լինելու մեր իրավունքից ու պարտականությունից, երբեք չենք հրաժարվի Հայաստանի այսօրվա վիճակի համար մեր ունեցած պատասխանատվությունից, երբեք չենք հրաժարվի Հայաստանը հանցագործ իշխանությունից ազատելու եւ երկրում օրինական իշխանություն հաստատելու մեր առաքելությունից: Կարդալ շարունակությունը …

ԵԼՈՒՅԹՆԵՐ, ՀՈԴՎԱԾՆԵՐ , , , , ,

ՀԵՂԱՓՈԽՈՒԹՅՈՒՆ ՀԱՆՈՒՆ ՍԱՀՄԱՆԱԴՐՈՒԹՅԱՆ

Օգոստոս 17, 2011

Այն, ինչ հարկավոր է Հայաստանին, այլ կերպ, քան հեղափոխություն` դժվար է անվանել: Փոփոխության կարիք ունեն մեր հանրության հիմնարար արժեքները. մղումները, մոտիվացիաները, շարժուձեւերը, հարաբերությունների կերպը, դեմքի արտահայտությունները: Ամեն ինչ այնքան է խառնված, որ նույնիսկ անծանոթ մարդիկ ճիշտ չեն նայում իրար: Փոխադարձ արհամարհանքի մի ինչ-որ դաջվածք կա նրանց դեմքերին, ջղաձիգ մի լարվածություն: Բոլորը բոլորից ագրեսիվության սպասում ունեն, բոլորը վտանգ են ներկայացնում բոլորի համար:

Մարդը անպաշտպան է զգում իրեն, այստեղից էլ վտանգի կենդանական զգացումը, այստեղից էլ կասկածող եւ անհյուրընկալ հայացքները, այստեղից էլ ագրեսիվությունը, երբ դիմացինիդ նետած ակնթարթային հայացքը կարող է բախում սադրել` հը, ի՞նչ ես նայում: Մարդու ինքնիշխանությունը ճանաչված չէ Հայաստանում, եւ ուրեմն բոլորը կոնֆլիկտ են սպասում, բոլորը ծարավ են կոնֆլիկտի: Հայաստանը նման է անկայուն մի տարածաշրջանի, որտեղ գտնվող պետությունները փոխադարձաբար չեն ճանաչել միմյանց տարածքային ամբողջականությունն ու ինքնիշխանությունը, դիվանագիտական հարաբերություններ չեն հաստատել միմյանց հետ, չեն համաձայնեցրել փոխադարձ հարաբերությունների կերպը: Կարդալ շարունակությունը …

ՀՈԴՎԱԾՆԵՐ , , , , , , ,

ԷԼԻ ՄԵԿ ԳՐՈՒԹՅՈՒՆ

Նախկին քաղբանտարկյալ Նիկոլ Փաշինյանը երեկ ՀՀ արդարադատության նախարար Հրայր Թովմասյանին է ուղարկել հետեւյալ գրությունը.

Պարոն Թովմասյան.

Ս/թ հունիսի 15-ին նամակով դիմել էի ձեզ, որպեսզի միջոցներ ձեռնարկեք իմ կողմից «Արթիկ» ՔԿՀ-ին հանձնված եւ ՔԿՀ վարչակազմի կողմից ապօրինի կերպով փոստին չհանձնված իմ 33 նամակները, ինչպես նաեւ ս/թ փետրվարի 24-ին իմ խցում իրականացված խուզարկության արդյունքում ապօրինի առգրավված իմ օրագիրը վերադարձնելու համար:
Այդ կապակցությամբ ստացել եմ ՀՀ արդարադատության նախարարության քրեակատարողական վարչության պետի առաջին տեղակալ Ռ. Հովհաննիսյանի պատասխանը, որում մասնավորապես ասվում է. (մեջբերում եմ) «… ՀՀ ԱՆ քրեակատարողական վարչության կողմից կատարված ուսումնասիրություններով պարզվել է, որ ՀՀ ԱՆ «Արթիկ» քրեակատարողական հիմնարկում պատիժ կրելու ընթացքում Ձեր կողմից ներկայացված բոլոր նամակները եւ ծրարները սահմանված կարգով ընդունվել, գրանցվել եւ ուղարկվել են հասցեատերերին: Կատարված ուսումնասիրությամբ պարզվել է նաեւ, որ 24.02.2011 թվականին այն խուցը որտեղ գտնվել եք Դուք, չի խուզարկվել: Ավելին, Ձեր կողմից մատնանշված իրերը ՀՀ օրենսդրությամբ արգելված իրեր չեն համարվում, հետեւաբար առգրավվել չէին կարող: Կարդալ շարունակությունը …

ՀՈԴՎԱԾՆԵՐ , , , ,

ԻՄ ԵՐԱԶԱԾ ՀԱՅԱՍՏԱՆՈՒՄ

Հուլիս 2, 2011

Ես հիմա ձեզ կպատմեմ իմ երազած Հայաստանի մասին: Իմ երազած Հայաստանը ինքնիշխան, ժողովրդավարական, սոցիալական, իրավական պետություն է: Իմ երազած Հայաստանում իշխանությունը պատկանում է ժողովրդին: Ժողովուրդն իր իշխանությունն իրականացնում է ազատ ընտրությունների, հանրաքվեների միջոցով:
Իմ երազած Հայաստանում մարդը, նրա արժանապատվությունը, հիմնական իրավունքները եւ ազատությունները բարձրագույն արժեքներ են: Իմ երազած Հայաստանում զինված ուժերը քաղաքական հարցերում պահպանում են չեզոքություն եւ գտնվում են քաղաքացիական վերահսկողության ներքո: Իմ երազած Հայաստանում պետությունն ապահովում է շրջակա միջավայրի պահպանությունն ու վերականգնումը, բնական պաշարների ողջամիտ օգտագործումը: Պատմության եւ մշակույթի հուշարձանները, մշակութային այլ արժեքներ գտնվում են պետության հոգածության ներքո: Իմ երազած Հայաստանի պետական լեզուն հայերենն է, եւ սրա դեմ որեւէ ոտնձգության մասին ակնարկ անգամ լինել չի կարող:
Իմ երազած Հայաստանում բոլոր մարդիկ հավասար են օրենքի առջեւ: Կարդալ շարունակությունը …

ՀՈԴՎԱԾՆԵՐ , , ,

ՆԻԿՈԼ ՓԱՇԻՆՅԱՆԸ ՀՈՒՆԻՍԻ 2-ԻՆ ՀՅՈՒՐԸՆԿԱԼՎԵԼ ԷՐ «ՀԱՅԵԼԻ» ԱԿՈՒՄԲՈՒՄ:

Նիկոլ ՓաշինյանԱ. Թովմասյան.-Բարև՛ ձեզ, շնորհակալ եմ, որ հրավերն ընդունեցիք, այսօր մեր հյուրն է Նիկոլ Փաշինյանը: Պրն Փոաշինյան, բոլորիս հետաքրքրում է Ձեր հետագա գործունեությունը, վստահ ենք, որ կշարունակեք խմբագրի աշխատանքը, նաև քաղաքական գործունեությունը, խնդրեմ:

Ն. Փաշինյան.- Իմ գործունեությունը, բնականաբար, որևէ փոփոխություն չի կրի, և  կարծում եմ` այս ընթացքում էլ որևէ փոփոխություն չի կրել: Ուրախ եմ, որ կարողացել եմ բանտում էլ զբաղվել նրանով, ինչով զբաղված եմ եղել ազատության մեջ: Եվ վերջին շրջանում, դուք տեղյակ եք, որ մասնավորապես իմ լրագրողական գործունեության հետ կապված որոշակի բարդություններ էին առաջացել, այդ բարդությունները մինչև վերջին պահն էլ գոյություն ունեին, բայց, այնուամենայնիվ, ես հարկ եմ համարում ընդգծել և շատ ուրախ եմ, որ վերջին շրջանում «Արթիկ» քրեակատարողական հիմնարում այդ բլոկադան ինչ-որ չափով որոշակի ժամանակաշրջանում հաջողվեց ճեղքել: Այդ գոծում շատ մեծ էր իմ լրագրող գործընկերների դերակատարումը, լրատվամիջոցների դերակատարոմը, և դա իսկապես շատ կարևոր էր: Ես ուզում եմ երախտագիտություն հայտնել իմ գործընկերներին, ովքեր հարկ համարեցին այդ հարցն ուշադրության կենտրոնում պահել, և մենք կարողացանք ստանալ որոշակի լուծումներ: Ուրախ եմ, որ տեսնում եմ բոլորիդ, ճիշտ է, այս ընթացքում լրագրողական կազմի որոշակի փոփոխություններ են տեղի ունեցել, և ոչ բոլորն են ծանոթ, ուրախ եմ, որ բոլորիդ տեսնում եմ առողջ և հույս ունեմ՝ այսօր հետաքրքիր զրույց կունենանք: Կարդալ շարունակությունը …

ՀԱՐՑԱԶՐՈՒՅՑՆԵՐ, ՀՈԴՎԱԾՆԵՐ , , , ,

ՆԻԿՈԼ ՓԱՇԻՆՅԱՆԻ ԵԼՈՒՅԹԸ 2011թ., ՄԱՅԻՍԻ 31-Ի ՀԱՆՐԱՀԱՎԱՔՈՒՄ

Հունիս 1, 2011

Սիրելի ժողովուրդ,

Հայաստանի Հանրապետության հպարտ քաղաքացիներ.
Ես սիրում եմ ձեզ, հպարտանում եմ ձեզանով, որովհետեւ մեր պայքարի այս տարիները ապացուցեցին, որ այս հրապարակում դավաճան չկա, այս հրապարակում կասկածող չկա, այս հրապարակում Հայաստանի Հանրապետության հաղթական քաղաքացին է, ում պայքարը անկասելի է, ում հաղթանակը անխուսափելի է:

Եւ ուրեմն` Պայքար, պայքար մինչեւ վերջ:

Սիրելի ժողովուրդ.

Այս հրապարակում գտնվող յուրաքանչյուր ոք գիտե, որ մեր պայքարի վերջնական նպատակը Ազատ եւ Երջանիկ Հայաստանն է, այնպիսի Հայաստանը, որտեղ հաստատված իրականությունը ճշգրտորեն համապատասխանում է այն նկարագրությանը, որ առկա է Հայաստանի Հանրապետության Սահմանադրությունում:

Ամեն անգամ, սակայն, «ՊԱՅՔԱՐ, ՊԱՅՔԱՐ ՄԻՆՉԵՒ ՎԵՐՋ» կարգախոսը վանկարկելիս մենք նկատի ենք ունենում ոչ միայն այդ վերջնական նպատակը, այլեւ այն հանգրվանային կետերը, մարտավարական նպատակները, որոնց նվաճումով մոտենում ենք վերջնական եւ գերագույն հաղթանակին: Մի դեպքում մարտավարական այդ նպատակը Ազատության հրապարակի վերանվաճումն էր, մյուս դեպքում քաղբանտարկյալների ազատ արձակումը, հարցեր, որ այս պահի դրությամբ գործնականում լուծված կարելի է համարել` ամբողջապես: Կարդալ շարունակությունը …

ԵԼՈՒՅԹՆԵՐ, ՀՈԴՎԱԾՆԵՐ , , , , , ,