Թեման՝ ‘«Հայկական ժամանակ»’

ՀԵՏԽՄԲԱԳՐԱԿԱՆ

Հունիս 6, 2012

Նիկոլ ՓաշինյանԱԺ պատգամավոր ընտրվելու բերումով «Հայկական ժամանակ» օրաթերթի գլխավոր խմբագրի պաշտոնից հրաժարական եմ տվել:

Եթե նույնիսկ պատգամավոր չընտրվեի, էլի հրաժարական էի տալու, որովհետեւ վաղուց արդեն եկել եմ համոզման, որ ամբողջությամբ պետք է նվիրվեմ հասարակական-քաղաքական գործունեությանը, որովհետեւ իրավիճակն այլեւս չի ներում համատեղումներ: Կարդալ շարունակությունը …

ՀՈԴՎԱԾՆԵՐ , , , ,

ՀԱՆԳԱՆԱԿՈՒԹՅՈՒՆԸ ԴԱԴԱՐԵՑՆՈՒՄ ԵՆՔ ՎԱՂԱԺԱՄ

Հոկտեմբեր 20, 2011

Երեկ երեկոյան որոշում կայացրեցինք վաղաժամ դադարեցնել հօգուտ «Հայկական Ժամանակի» իրականացվող հանգանակությունը` պատճառը «տեխնիկական» է. անհրաժեշտ գումարը` 6 միլիոն 234 հազար դրամը (դատարանի սահմանած տուգանքը եւ հարկադիր կատարման ծախսեր) եւ դեռ մի բան էլ ավելի, հանգանակվել է: Ավելի կոնկրետ` հանգանակվել է 7 միլիոն 21 հազար դրամ` պլյուս-մինուս ինչ-որ բան: Հիմա օլիգարխները պիտի դիմում գրեն Դատական ակտերի հարկադիր կատարման ծառայություն, որ ընթերցողներից հանգանակված գումարը բռնագանձվի եւ հանձնվի իրենց:

Նրանցից ոմանք ժամանակին մամուլում բողոքել են, թե բազմազավակ լինելու պատճառով չեն կարողանում ծայրը-ծայրին հասցնել: Ահա եւ ընթերցողների հանգանակած գումարը հացի փող կլինի նրանց համար, եւ այդ գումարով կարող են կերակրել իրենց զավակներին: Մենք դեմ չենք օլիգարխներին կերակրելուն, որովհետեւ նրանք պետք է կերած եւ առողջ լինեն ժողովրդի դատի ժամանակ ամբաստանյալի դերը լիարժեք կատարելու համար: Թե չէ` նայեք Մուբարաքին. Եգիպտոսի ժողովուրդը հոգ չտարավ, որ նա դատի ժամանակ գոնե ոտքի վրա կանգնելու հնարավորություն ունենա: Մեր վեցուչգիտեմքանի միլիոն դրամը նպատակային ներդրում է` եւ պետք է ծառայի ամբաստանյալներիի ապրանքային տեսքի պահպանմանը: Կարդալ շարունակությունը …

ՀՈԴՎԱԾՆԵՐ , ,

ՀԵՏ ՏՎԵՔ ՆԻԿՈԼԻ ՕՐԱԳԻՐԸ

Հրայր Թովմասյան«Հայկական ժամանակ» օրաթերթի գլխավոր խմբագիր Նիկոլ Փաշինյանի անունից հետեւյալ գրությունը երեկ մուտքագրվել է ՀՀ արդարադատության նախարարության քարտուղարություն.

ՀՀ արդարադատության նախարար
Հրայր Թովմասյանին

Պարոն Թովմասյան.

Քաղբանտարկյալ լինելու բերումով 2009 թ. հուլիսի 1-ից 2011թ. մայիսի 27-ը գտնվել եմ անազատության մեջ: 2010 թվականի նոյեմբերի 30-ից 2011թ. մայիսի 27-ը գտնվել եմ «Արթիկ» ՔԿՀ-ում` մենախցում: 2010թ. դեկտեմբերից մինչեւ 2011թ. մայիս «Արթիկ» ՔԿՀ վարչակազմի ներկայացուցիչներին եմ հանձնել ծրարված, նամականիշավորված նամակներ` ըստ հասցեի ուղարկելու համար: Հանձնված նամակներից 33-ը մինչեւ օրս էլ «Արթիկ» ՔԿՀ վարչակազմը չի ուղարկել ըստ ծրարների վրա նշված հասցեների: Այդ նամակները ինձ վերադարձնելու կամ ըստ հասցեի ուղարկելու` «Արթիկ» ՔԿՀ պետ Վ. Սարգսյանին ուղղված իմ բանավոր դիմումները արժանացել են մերժման, իսկ այս կապակցությամբ գրված դիմումները սահմանված կարգով չեն արձանագրվել համապատասխան մատյանում: Կարդալ շարունակությունը …

ՀՈԴՎԱԾՆԵՐ , , , , ,

ԱՄԵՆԱՄԵԾ ՀԱՐՍՏՈՒԹՅՈՒՆԸ ԱՆՀԱՏԱԿԱՆՈՒԹՅՈՒՆՆ Է

Մայիս 12, 2011

Նիկոլ ՓաշինյանՀեղինակ` Թագուհի Թովմասյան

«Ժողովուրդ» օրաթերթն այսուհետ կհասնի նաեւ «Արթիկ» քրեակատարողական հիմնարկ` քաղբանտարկյալ Նիկոլ Փաշինյանին: Վերջինս մեզ ուղարկված նամակում շնորհավորել է «Ժողովուրդ» թերթի հիմնադրման առիթով եւ իր «ջերմ բարեւները փոխանցել «Ժողովուրդ» օրաթերթի ժողովրդին»` լավագույն մաղթանքներով բարի երթ ցանկանալով մեր թերթին:

Լրատվամիջոցների կազմակերպած ակցիայի շրջանակներում մայիսի 28-ին ուղարկված մեր հարցերին «Արթիկ» քրեակատարողական հիմնարկից քաղբանտարկյալ Նիկոլ Փաշինյանը երեկ պատասխանել է, որը ներկայացնում ենք ամբողջությամբ:

- Հայ ազգային կոնգրեսի շատ կողմնակիցներ շարունակում են պնդել, որ պետք է նստացույց սկսել, սակայն ՀՀ առաջին նախագահը չի գնում այդ քայլին: Ի՞նչ ես մտածում այդ կապակցությամբ:

- Մտածում եմ, որ թե՛ նստացույց պահանջողները, թե՛ առաջին նախագահը ճշգրիտ են գործում: Նստացույցը քաղաքական պայքարի գործիք է, ինչպես, օրինակ, անձրեւանոցը կենցաղում: Նստացույց առաջարկողները կամ պահանջողները իրենց դեմքին անձրեւի առաջին կաթիլները զգալով` առաջարկում են բացել անձրեւանոցներ` ելնելով այն կանխավարկածից, որ միեւնույն է, անձրեւը գալու է: Առաջին նախագահը առաջարկում է սպասել-տեսնել` անձրեւը գալո՞ւ է, թե՞ արեւ է բացվելու: Նաեւ գնահատել` դա անձրեւ՞ է լինելու, թե՞ հեղեղ. գուցե կարկո՞ւտ: Սա կարեւոր է, որովհետեւ եթե տեղումներ լինելու են, եւ` կարկուտի տեսքով, հնարավոր է անձրեւանոցը չօգնի եւ անհրաժեշտ լինի պատսպարվելու համար տաղավար կառուցել:

Նստացույց պահանջող ակտիվիստները գործում են զինվորի հերոսական խիզախությամբ, եւ դա պետք է ողջունել: Առաջին նախագահը գործում է առաջնորդի իմաստնությամբ եւ հանդարտությամբ, եւ դա պետք է ողջունել: Կարդալ շարունակությունը …

ՀԱՐՑԱԶՐՈՒՅՑՆԵՐ, ՀՈԴՎԱԾՆԵՐ , , , , , , , ,

«ԵՍ ՀԱՄԱՁԱՅՆ ՉԵՄ ՔԵԶ ՀԵՏ, ԲԱՅՑ…». ՆԻԿՈԼ ՓԱՇԻՆՅԱՆԻ ՊԱՏԱՍԽԱՆՆ «ԱՌԱՎՈՏԻՆ»

Նիկոլ ՓաշինյանՆիկոլ Փաշինյանը պատասխանել է «Առավոտ» օրաթերթի գլխավոր խմբագիր Արամ Աբրահամյանի նամակին, որն ուղղվել է իրեն ԶԼՄ-ների ակցիայի շրջանակներում: Ակցիայի նպատակն է թույլ չտալ, որպեսզի քաղբանտարկյալի նամակագրության իրավունքը խոչընդոտվի:

Նամակը հրապարակել է «Առավոտ» օրաթերթը.

«Սիրելի Արամ, ուրախ եմ, որ քեզ գրելու առիթ ընձեռվեց: Գիտեմ, որ լավ ես, որովհետև «ԳԱԼԱ»-ով տեսնում եմ քեզ` «Հետգրություն» ծրագրի շրջանակներում: Բնականաբար` «Առավոտին» էլ եմ հետևում: Ու չնայած երբեք էլ տպագիր մամուլի դերը չեմ թերագնահատել, այստեղ նրա կարևորությունն էլ ավելի է ընդգծվում: Կարելի է ռադիո չլսել, հեռուստացույց չդիտել, բայց մամուլին հետևելով` ամբողջությամբ տեղեկացված լինել: Այսօրվա Հայաստանում հակառակը, սակայն, հնարավոր չէ: Ամբողջական տեղեկացվածության կարելի է հասնել միայն տպագիր մամուլին հետևելով: Կարդալ շարունակությունը …

ՀԱՐՑԱԶՐՈՒՅՑՆԵՐ, ՀՈԴՎԱԾՆԵՐ , , ,

ԻՄ ԱԿՆԿԱԼԻՔԸ ՀԱՅԱՍՏԱՆԻ ԺՈՂՈՎՐԴԻՑ

ԶԼՄ-ների ղեկավարների նախաձեռնած շարունակական ակցիաների շրջանակներում «ՀԺ»-ի գլխավոր խմբագիր, «Արթիկ» ՔԿՀ-ում պահվող քաղբանտարկյալ Նիկոլ Փաշինյանին անցյալ շաբաթ հարցեր էր ուղղել «Ա1+» հեռուստաընկերությունը: Երեկ «Ա1+»-ը ստացել է Նիկոլ Փաշինյանի պատասխանները: «ՀԺ» գլխավոր խմբագրի հետ «Ա1+»-ի հարցազրույցը ներկայացնում ենք ստորեւ.

- Վերջին շրջանում քո հրապարակային հայտարարություններից հետո արդյոք նամակներդ հասնո՞ւմ են «ՀԺ»-ի խմբագրություն:
- Այս պահին «Արթիկ» ՔԿՀ վարչակազմին հանձնած իմ նամակներից 25-ը շարունակում են մնալ ՔԿՀ պետ Վ. Սարգսյանի չհրկիզվող պահարանում: Հիշեցնեմ, սրանք այն նամակներն են, որ չեն ուղարկվել: Այս ընթացքում իմ գրած նամակներից որոշները ուղարկվել են եւ հասել են հասցեատերերին: Այդ նամակների ուղարկմանը բազմաթիվ հնարքներ են կիրառվել, որոնց մասին հանրությունը տեղյակ է: Օրինակ` նամակների մի խմբաքանակ ՔԿՀ ներկայացուցիչներին եմ հանձնել ԵԽ մարդու իրավունքների հանձնակատար Թոմաս Համարբերգի ներկայությամբ: Մեկ այլ դեպքում հարմարեցրել եմ դա անել բազմաթիվ լրագրողների աչքի առաջ: Այսպիսով, ահա, նամակագրության իմ իրավունքը, որն առանց սահմանափակման` երաշխավորված է ՀՀ Սահմանադրությամբ, Քրեակատարողական օրենսգրքով, ՔԿՀ-ների ներքին կանոնակարգով, ահա այս պրիմիտիվ իրավունքս իրացնելու համար պայքարում եմ, ընդ որում` ամենօրյա ռեժիմով, արդեն հինգ ամիս եւ միայն հատվածական հաջողությունների եմ հասել, այն էլ` լրագրող-գործընկերների, եվրակառույցների աջակցության պայմաններում: Կարդալ շարունակությունը …

ՀԱՐՑԱԶՐՈՒՅՑՆԵՐ, ՀՈԴՎԱԾՆԵՐ , , ,

ԱՀԱ, ԵՂԲԱՅՐ, ՔԵԶ ՄԻ ԴՐՈՇ

Ընթերցողը հիշում է, թերեւս, որ «Կոշ» ՔԿՀ-ում կրիմինալի միջոցով ինձ առաջադրված պահանջներից երկրորդը վերաբերվում էր Հայաստանի Հանրապետության պետական դրոշին: Իշխանակրիմինալ պահանջի առաջին կետը հետեւյալն էր. ազատազրկման վայրում գտնվելու ողջ ընթացքում այլեւս որեւէ հրապարակային ելույթով, հարցազրույցով հանդես չգալ: Դադարել հոդվածներ գրել «Հայկական ժամանակ» օրաթերթում կամ գրել միայն միջազգային` Հայաստանին չվերաբերվող թեմաներով:
Երկրորդ եւ թերեւս առավել խորհրդանշականն այն էր, որ ինձնից պահանջում էին քնելատեղի իմ գլխավերեւից հանել Հայաստանի Հանրապետության փոքրիկ դրոշը եւ այլեւս այն ի ցույց չդնել: Այս պահանջներին իմ արձագանքը ընթերցողը գիտի: Հայտնի իրադարձություններից հետո, ահա, ինձ «Կոշ» ՔԿՀ-ից տեղափոխեցին «Արթիկ» ՔԿՀ: Ու քանի որ տեղափոխման օրը գտնվում էի «Կոշ» ՔԿՀ պատժախցում (կարցեր) «Կոշ»-ի վարչակազմը ինձ հնարավորություն չտվեց մուտք գործել բնակելի գոտի եւ հավաքել այնտեղ գտնվող իրերս: «Կոշ» ՔԿՀ աշխատակիցները իրենք էին գնացել եւ իմ քնելատեղից հավաքել դրանք: Կարդալ շարունակությունը …

ՀՈԴՎԱԾՆԵՐ , , , , ,

ՈՏՔՆԵՐԴ ՀԵՌՈՒ ՍԱՀՄԱՆԱԴՐՈՒԹՅՈՒՆԻՑ

Նկարում պատկերված ՀՀ պետական պաշտոնյաների անմիջական հրահանգով (վերադասության կարգով) եւ մասնակցությամբ ամեն օր ոտնահարվում է «Արթիկ» ՔԿՀ-ում պահվող քաղբանտարկյալ, «ՀԺ» գլխավոր խմբագիր Նիկոլ Փաշինյանի` նամակագրություն վարելու սահմանադրական իրավունքը: 2010 թվականի դեկտեմբերից, երբ Նիկոլ Փաշինյանը «Կոշ» ՔԿՀ-ում դիմակավորված անձանց կողմից քնած ժամանակ հարձակման ենթարկվելուց հետո տեղափոխվեց «Արթիկ» ՔԿՀ, Փաշինյանի ծրարները «Արթիկ» ՔԿՀ-ի վարչակազմը կամ չի ընդունում, կամ ընդունում է ու չի փոխանցում փոստային բաժանմունքին` հասցեատերերին ուղարկելու նպատակով: Սույն գործողությունով ոտնահարվում է ՀՀ Սահմանադրության 23-րդ հոդվածի 4-րդ պարբերությունը («Յուրաքանչյուր ոք ունի նամակագրության, հեռախոսային խոսակցությունների, փոստային, հեռագրական եւ այլ հաղորդումների գաղտնիության իրավունք, որը կարող է սահմանափակվել միայն օրենքով սահմանված դեպքերում եւ կարգով, դատարանի որոշմամբ»), ՀՀ Քրեակատարողական օրենսգրքի 92-րդ հոդվածի 3-րդ կետը («Դատապարտյալին թույլատրվում է … իր հաշվին վարել նամակագրություն` առանց նամակների, հեռագրերի թվի սահմանափակման»), նույն հոդվածի 5-րդ կետը («Նամակագրությունն իրականացվում է ուղղիչ հիմնարկի վարչակազմի միջոցով եւ, առանց նամակագրության բովանդակությանը ծանոթանալու, ենթակա է արտաքին զննման` արգելված առարկաների կամ նյութերի փոխանցումը բացառելու նպատակով»):

Մարտի 17-ի մեր թերթում տպագրվել էր Նիկոլ Փաշինյանի հայտարարությունը, որով նա պարտավորվել էր ամեն աշխատանքային օր նամակ հանձնել «Արթիկ» ՔԿՀ վարչակազմին: Այսպիսով երեկվանն էլ հետը` Նիկոլ Փաշինյանի` ՔԿՀ-ին հանձնած ծրարների թիվը հասել է 17-ի: Երեկվա դրությամբ «Հայփոստի» Արթիկի բաժանմունք քրեակատարողական հիմնարկից Նիկոլ Փաշինյանի անունով ծրար չէր մտել:

ՀՈԴՎԱԾՆԵՐ , , , , , ,

ՆԻԿՈԼ ՓԱՇԻՆՅԱՆԻ ՀԱՅՏԱՐԱՐՈՒԹՅՈՒՆԸ

Նիկոլ Փաշինյան

Լրատվությանը հետեւող հանրությունը տեղյակ է, անշուշտ, «Արթիկ» ՔԿՀ-ում իմ նամակագրության շուրջ ստեղծված իրավիճակի մասին: Այս ընթացքում «Արթիկ» ՔԿՀ-ից «ՀԺ»-ի խմբագրություն նամակներ ուղարկելու համար ստիպված եմ եղել այլեւայլ հնարքներ կիրառել: Այնուհանդերձ, նամակագրության իմ իրավունքը գտնվում է պետական արգելանքի տակ, եւ իշխանությունները հերքում են, թե ես նամակներ ուղարկելու փորձեր եմ անում, չնայած հենց այս պահին ՔԿՀ պետ Վ. Սարգսյանի մոտ են գտնվում իմ գրած 14 հոդվածները 13 նամակներում (ծրարներում): Չցանկանալով կրկնել այն ամենը, ինչը արդեն հայտնի է եւ հրապարակային, ես` քաղբանտարկյալ Նիկոլ Փաշինյանս, հայ հանրության եւ լրագրողական համքարության առջեւ պարտավորվում եմ այսօրվանից սկսած ամեն աշխատանքային օր «ՀԺ» օրաթերթին հասցեագրված ծրար հանձնել «Արթիկ» ՔԿՀ վարչակազմին` օրենքով սահմանված կարգով այն ուղարկելու համար: Այս հայտարարությունը չի նշանակում, թե մինչ օրս նույնը չեմ արել: Սույն հայտարարության նպատակը խնդրի առնչությամբ ինչ-որ զրոյական կետ ֆիքսելն է: Լրագրող գործընկերներիցս ակնկալում եմ, որ նրանք հետեւեն այսօր արդեն իսկ «Արթիկ» ՔԿՀ վարչակազմին հանձնված եւ առաջիկա բոլոր աշխատանքային օրերին հանձնվելիք բոլոր ծրարների ճակատագրին: Եթե ՔԿՀ վարչակազմը կհերքի նամակներիս գոյության փաստը, ահա, պատասխանատու կերպով հայտարարում եմ, որ դա սովորական սուտ է: Կրկնում եմ ամեն աշխատանքային օր նամակ հանձնելու պարտավորության մասին եւ լրագրող գործընկերներիս աջակցությունն եմ ակնկալում նամակագրության իրավունքիս վերականգնման գործում:

ՀՈԴՎԱԾՆԵՐ , , , , , ,

ԱՀԱ ԵՂԵԼՈՒԹՅՈՒՆԸ

«Հայկական ժամանակ» օրաթերթի գլխավոր խմբագիր, քաղբանտարկյալ Նիկոլ Փաշինյանի դեմ 2010թ. նոյեմբերի լույս 11-ի գիշերը «Կոշ» քրեակատարողական հիմնարկում տեղի ունեցած դիմակավորված անձանց հարձակման առիթով քրեական գործի հարուցումը մերժվել էր: Այս որոշումը կայացրել էր «Կոշ» ՔԿՀ օպերատիվ բաժնի պետ Ա. Ավետիսյանը, պատճառաբանելով, թե իբր Փաշինյանը հորինել է հարձակումը: «Արթիկ» ՔԿՀ-ում գտնվող Նիկոլ Փաշինյանը այս տարվա հունվարի 27-ին այդ որոշումը վերացնելու միջնորդություն է ներկայացրել ՀՀ գլխավոր դատախազին, որի հիման վրա էլ փետրվարի 16-ին վերջինս որոշել է վերացնել «Կոշ» ՔԿՀ օպերատիվ բաժնի պետ Ա. Ավետիսյանի որոշումը եւ հարուցել քրեական գործ: Նախաքննությունը հանձնարարվել է ոստիկանության Արագածոտնի մարզի վարչությանը: Ստորեւ ներկայացնում ենք Նիկոլ Փաշինյանի միջնորդությունը.

Պարոն գլխ. դատախազ.
ՀՀ ԱՆ «Կոշ» ՔԿՀ օպերատիվ բաժնի պետ Ա. Ավետիսյանը, 2010թ. դեկտեմբերի 30-ին, «վերանայելով դատապարտյալ Նիկոլ Վովայի Փաշինյանի վերաբերյալ նախապատրաստված նյութերը», կայացրել է քրեական գործի հարուցումը մերժելու մասին որոշում: Որոշման օրինակը ստացել եմ 2011թ. հունվարի 21-ին «Արթիկ» ՔԿՀ-ում: Կարդալ շարունակությունը …

ՀՈԴՎԱԾՆԵՐ , , , , ,

ՈՎ Է ԱՌԱՋԻՆ ԸՆԹԵՐՑՈՂԸ

Փետրվար 2, 2011

Մեր խմբագրություն են հասել «Հայկական ժամանակի» գլխավոր խմբագիր, «Արթիկ» ՔԿՀ-ում պահվող քաղբանտարկյալ Նիկոլ Փաշինյանի նամակները, որոնք նա ԵԽ մարդու իրավունքների գլխավոր հանձնակատար Թոմաս Համարբերգի ներկայությամբ հանձնել էր ՔԿՀ վարչակազմին: Բոլոր ծրարները «ՀԺ» էին ուղարկվել Արդարադատության նախարարության կողմից, փոստով` մեկ փաթեթի մեջ: Ծրարները, որոնց սոսնձի հատվածում Նիկոլ Փաշինյանը իր ստորագրություններն է դրել, բացված եւ կրկնակի սոսնձված էին: Թե ով է դրանք բացել, ու այն էլ` այդքան անտաղանդ ձեւով, դժվար չէ կռահել: Դա օրենքի խախտում է, որովհետեւ ՀՀ քրեակատարողական օրենսգրքի 92-րդ հոդվածի (Դատապարտյալի կապն ընտանիքի և արտաքին աշխարհի հետ) 5-րդ կետը սահմանում է.«Նամակագրությունն իրականացվում է ուղղիչ հիմնարկի վարչակազմի միջոցով եւ, առանց նամակագրության բովանդակությանը ծանոթանալու, ենթակա է արտաքին զննման՝ արգելված առարկաների կամ նյութերի փոխանցումը բացառելու նպատակով»: Կարծում ենք, սակայն, տվյալ դեպքում պետք է ներողամիտ լինել, քանի որ «ՀԺ»-ի բոլոր ընթերցողները անհամբերությամբ էին սպասում Նիկոլ Փաշինյանի հոդվածներին, եւ նրանք, ովքեր «պաշտոնի բերմամբ» ունեին այդ հնարավորությունը, ակնհայտորեն չեն ցանկացել առաջինը կարդալու մոլուցքը փոխարինել ՀՀ օրենքի տառը պահպանելու իրենց պարտավորությամբ: Ստորեւ ներկայացնում ենք մեր ստացած հոդվածներից առաջինը.

ՆԱՄԱԿ ՍԵՐԺԱՆՏԱԿԱՆ ՆԱԽԱՐԱՐԻՆ

Կարդալ շարունակությունը …

ՀՈԴՎԱԾՆԵՐ , , , , ,

ԻՄ ՎԱԽԸ

Հունվար 20, 2011

«Հայկական ժամանակի» խմբագրությունը ծրար է ստացել «ՀԺ» գլխավոր խմբագիր, «Արթիկ» ՔԿՀ-ում պահվող քաղբանտարկյալ Նիկոլ Փաշինյանից: Սա առաջին ծրարն է անցյալ տարվա նոյեմբերի 13-ից հետո: Ինչպես հայտնի է, այս ողջ ընթացքում Նիկոլ Փաշինյանի նամակները, որոնց մեջ եղել են նրա հոդվածները, օրենքի կոպիտ խախտմամբ չեն փոխանցվել հասցեատիրոջը, այսինքն` «ՀԺ»-ին: Եւ միայն վերջինը, որ հունվարի 9-ին ՔԿՀ վարչակազմին է փոխանցվել եւ գրանցվել ՔՀԿ-ներում դիտորդական առաքելություն իրականացնող հասարակական խմբի ղեկավար Արթուր Սաքունցի ներկայությամբ, երեկ հասել է մեզ: Փաշինյանը բազմիցս հայտնել է, որ այս ընթացքում ինքը ամեն օր հոդված է գրել, շարունակում է գրել ու ծրար փոխանցել ՔԿՀ վարչակազմին` հասցեատիրոջը հասցնելու համար, ինչը երաշխավորված է ՀՀ օրենսդրությամբ: Ստորեւ ներկայացնում ենք Նիկոլ Փաշինյանից մեզ հասած այս տարվա առաջին հոդվածը:

Վախ է մտել մեջս, ահավոր մի վախ: Վախենում եմ հիասթափեցնել… Կարդալ շարունակությունը …

ՀՈԴՎԱԾՆԵՐ , , , ,

ԲԱՆՏԱՐԿՎԱԾ Է ՆԱԵՎ ՆԻԿՈԼԻ ԽՈՍՔԸ

Դեկտեմբեր 14, 2010

imagesnikolam2

Փաստաբան Վահե Գրիգորյանը այցելել է «Արթիկ» քրեակատարողական հիմնարկ` հանդիպելու իր վստահորդ` քաղբանտարկյալ, «Հայկական ժամանակ» օրաթերթի գլխավոր խմբագիր Նիկոլ Փաշինյանին: Այցի արդյունքում կազմվել է արձանագրություն, որ ներկայացնում ենք ստորեւ` ամբողջությամբ.

ԱՐՁԱՆԱԳՐՈՒԹՅՈՒՆ

Փաստաբան Վահե Գրիգորյանս 2010 թվականի դեկտեմբերի 13-ին ժամը 12:30-ի սահմաններում ներկայացա «Արթիկ» ՔԿՀ իմ վստահորդ` Նիկոլ Վովայի Փաշինյանի հետ առանձնատեսակցություն ունենալու: Համապատասխան դիմումով` առանձնատեսակցություն տրամադրելու մասին, դիմել եմ ՔԿՀ պետ պարոն Վ. Սարգսյանին, որը այն թույլատրել է թիվ 3 անցագրով: Վստահորդիս հետ հանդիպել եմ ժամը 13:50 սահմաններում ՔԿՀ հերթապահ մասի ընդունելությունների սենյակում, որտեղ մուտք է գործել նաեւ ՔԿՀ պետի տեղակալ, արդարադատության մայոր պարոն Ա. Խաչատրյանը: Վստահորդիս` պարոն Ն. Փաշինյանի ներկայությամբ պարոն Ա. Խաչատրյանին ներկայացրի հետեւյալ խնդրանքս. «Այս պահին ես այս վայրում եմ գտնվում պարոն Ն. Փաշինյանին` Եվրոպական դատարան (այսուհետ` ՄԻԵԴ) ներկայացված դիմումի սահմաններում նրա կողմից ներկայացման ենթակա լրացուցիչ բացատրությունների եւ նյութերի վերաբերյալ խորհրդատվություն մատուցելու, կազմված փաստաթղթերը ուսումնասիրելու, դրանց վերաբերյալ վստահորդիս ունեցած հայցերին պատասխաններ ներկայացնելու եւ ՄԻԵԴ ներկայացվելիք փաստաթղթերի վերջնական տեքստը համաձայնեցնելու համար: Միաժամանակ, վստահորդիս 2010թ. նոյեմբերի երկրորդ կեսից ի վեր որեւէ փաստաբանի հետ առանձնատեսակցության հնարավորություն չի տրվել: Կարդալ շարունակությունը …

ՀՈԴՎԱԾՆԵՐ , , , , ,

ՍՓՅՈՒՌՔԸ ՊԱՀԱՆՋՈՒՄ Է

Կանադայում գործող «Keghart.com» կայքում տեղադրված հայտարարությանը, որով հայ եւ այլազգի մտավորականներ, հեղինակավոր հասարակական, մշակութային գործիչներ պահանջում են ազատ արձակել «ՀԺ» գլխավոր խմբագիր Նիկոլ Փաշինյանին, շարունակում են նոր մարդիկ միանալ: Հայտարարությունը ստորագրել է նաեւ հայտնի թուրք իրավապաշտպան, գրող, հրատարակիչ Ռաքիպ Զարաքօղլուն: Վերջինս Հայոց ցեղասպանության թեմայով երկու գիրք է հրատարակել, թուրքական իշխանությունների կողմից հետապնդման է ենթարկվել Հայոց ցեղասպանությունը ճանաչող հայտարարությունների համար: Ֆրանց Վերֆելի «Մուսա լեռան 40 օրը» պատմավեպը թարգմանելու եւ Ստամբուլում իրեն պատկանող «Բելգե» տպարանում հրատարակելու համար կնոջ հետ միասին 2007-ի հունիսին «թուրքական ինքնությունը վիրավորելու համար» տխրահռչակ 301 հոդվածով Զարաքօղլուն դատապարտվել է 6 ամսվա ազատազրման: 2007 թվականին Թուրքիայում խոսքի ազատության ամրապնդման ու իրավապաշտպան գործունեության համար Ռաքիպ Զարաքօղլուն արժանացել է «Մամուլի ազատություն-2007» մրցանակին, որին ավելի ուշ հետմահու արժանացել է «Ակոս» թերթի խմբագիր Հրանտ Դինքը: Ներկայացնում ենք հայտարարությունը եւ այն մարդկանց անունները, ովքեր ստորագրել են այն: Կարդալ շարունակությունը …

ՀՈԴՎԱԾՆԵՐ , , ,

ՔԱՂԱՔԱՑԻԱԿԱՆ ՊԱՐՏՔԻ ԹԵԼԱԴՐՄԱՄԲ

Դեկտեմբեր 2, 2010

Նիկոլ ՓաշինյանՀՀ ԳԱԱ տասնյակ ակադեմիկոսներ, թղթակից անդամներ, գիտությունների դոկտորներ հայտարարություն են տարածել «Հայկական ժամանակ» օրաթերթի գլխավոր խմբագիր Նիկոլ Փաշինյանի անվտանգության եւ ազատ արձակման վերաբերյալ: Ստորեւ ներկայացնում ենք այդ հայտարարությունը եւ այն անձանց անունները, ովքեր ստորագրել են դրա տակ: Հայաստանի նորանկախ հանրապետության պատմության ընթացքում որեւէ խնդրի վերաբերյալ նման պատկառելի կազմով հրապարակային հայտարարություն չի տարածվել: Հայտարարությունը բաց է գիտության ոլորտի ներկայացուցիչների ստորագրության համար:

ՀԱՅՏԱՐԱՐՈՒԹՅՈՒՆ
Վերջին շրջանում հայ հասարակության, մասնավորապես` մտավորականների, մշակույթի գործիչների, լրագրողների եւ հանրության այլ խմբերի ու անհատների ուշադրությունը սեւեռված է ազատազրկման մեջ պահվող լրագրող («Հայկական ժամանակ» թերթի գլխավոր խմբագիր) Նիկոլ Փաշինյանի շուրջ ծավալվող մտահոգիչ իրադարձությունների վրա: Հատկապես անհանգստացնող են լրագրողի կյանքին եւ առողջությանը սպառնացող վտանգի մասին տեղեկությունները: Մենք՝ գիտնականներս, չենք կարող անմասն մնալ այդ մտահոգություններին թե՛ որպես հասարակության մաս, թե՛ որպես անհատներ, ում համար անընդունելի են բռնությունը եւ ազատ խոսքի սահմանափակումները: Մենք հայտարարում ենք, որ Հայաստանին անհարիր է ազատազրկման մեջ պահել լրագրողի` խախտելով միջազգային նորմերի եւ կոնվենցիաների պահանջները: Կարդալ շարունակությունը …

ՀՈԴՎԱԾՆԵՐ , , , ,