Թեման՝ ‘«Ժառանգություն»’

FINITA LA COMEDIA

Երեւան: Հայաստանի Հանրապետություն: Ազատության հրապարակ: Ինքը: Նստած է նստարանին: Լռություն է: Լսվում է միայն ռադիոընդունիչի ձայնը, որն ազդարարում է, որ հենց նոր սկսվեց «Ազատություն» ռադիոկայանի թողարկումը: Լսվում է հաղորդավարի ձայնը. «Բարեւ ձեզ սիրելի ունկնդիրներ: Եթերում «Ազատություն» ռադիոկայանի առավոտյան թողարկումն է: Այսօր Րաֆֆիի 15-ն է, օրը ուրբաթ: Հիշեցնեմ, որ վերջին շրջանի դրամատիկ իրադարձություններից հետո Հայաստանում շատ բան է փոխվել, այդ թվում եւ օրացույցը: Ինչպես արդեն լսեցիք, այսօր Րաֆֆիի 15-ն է եւ ոչ թե ապրիլի 29-ը, ըստ այդմ` ոչ թե 2011 թվականն է, այլ 1 թվականը Րաֆֆիի ծոմից հետո. կրճատ` ՐԾՀ:
Րաֆֆի Հովհաննիսյանը, հիշեցնեմ, Ծոմը սկսել էր Ռիչարդի 1-ին, որը նախկինում մարտի 15 էր կոչվում: Նախկին 2011թ. այդ օրը Հովհաննիսյանը նախ գնաց հայ ժողովրդավարության պատմության մեջ աննախադեպ քայլի` թրաշեց բեղերը: Ու քանի որ այդ վիճակում ոստիկանները նրան չէին ճանաչել, Հովհաննիսյանը առանց նույնիսկ մեկ կրակոցի ազատագրեց Ազատության հրապարակը եւ տեղավորվելով նստարաններից մեկի վրա, տուտ ժե երկրորդ աննախադեպ քայլն արեց հայ ժողովրդի հինգհազարամյա պատմության մեջ` հրապարակային եւ անժամկետ ծոմ հայտարարեց` ի հեճուկս Հովհան Մանդակունու սպառնալիքների: Կարդալ շարունակությունը …

ՀՈԴՎԱԾՆԵՐ , , ,

ԱՐԱ` ՉՈՌՆԻ ՊՅՈՍ` ՊԵՏԵՐԲՈՒՐԳ

Հայ ազգային կոնգրեսը Ազատության հրապարակ կարող էր մտնել թե փետրվարի 18-ին, եւ թե մարտի 1-ին: 2011թ. առաջին երկու հանրահավաքների մասնակիցների քանակն ու հավաքական էներգետիկան թույլ էին տալիս այդ անել: Այդօրինակ որոշմանը, սակայն, ՀԱԿ առաջնորդ Լեւոն Տեր-Պետրոսյանը համաձայնեց միայն մարտի 17-ին:
Ինչո՞ւ, ուրեմն, մարտի 17-ին եւ ոչ փետրվարի 18-ին: Այս հարցադրման համատեքստում մարտի 17-ի իրադարձություններից հետո զանազան մեկնաբանույթուններ հնչեցին` մեկը մյուսից էկզոտիկ: Տեր-Պետրոսյանի գործողությունների տրամաբանությունը գնահատելու համար, սակայն, անհրաժեշտ է հասկանալ մի պարզ իրողություն:
Եթե որեւէ խնդրի բարեհաջող լուծման հավանականությունը մեծացնելու հնարավորություն դեռեւս կա, Տեր-Պետրոսյանը անպայման նախ կօգտվի այդ հնարավորությունից, եւ դրանից հետո միայն կդիմի բուն գործողությանը: Կարդալ շարունակությունը …

ՀՈԴՎԱԾՆԵՐ , , ,

ՊԻՏԻ ՆԱՅԵՔ` ՊԻՏԻ ՉՏԵՍՆԵՔ

Բուշի` ժարիտ արած տոտիկը, բուդը այսինքն, հենց նոր կերած Ռաֆիկը ոսկորը կրծելիս` քրճիկները ատամի տակ կռթկռթացնելով, խորը հիասթափություն ապրեց Հայ ազգային կոնգրեսի մարտի 17-ի հանրահավաքի որոշ դրվագների կապակցությամբ, գխտաց ու փոխեց ալիքը. ռադիոյի:Հիասթափություն արտահայտեցին նաեւ նրանք, ովքեր հանրահավաքից առաջ էլ էին սոված, հետո էլ: Մարտի 17-ի:
Կարդացեք թերթերը, լսեք մեկնաբանությունները եւ կհամոզվեք. բոլորը գիտեն, թե ինչ պետք է անի Հայ ազգային կոնգրեսը: Բոլորը գիտեն, բացի, փաստորեն, Հայ ազգային կոնգրեսից: Հայ ազգային կոնգրեսը չգիտի, օրինակ, որ ինքը վաղուց փլուզված պիտի լիներ, նրա ղեկավարած շարժումը` մարած: Երրորդ բեւեռը քանդուքար արած պիտի լիներ ավազակապետությունը, «Ժառանգությունը» պիտի մարտահրավիրած լիներ ազգի միացումի ամբողջագիտության պահանջատիրության դրոշակի կոթը` ի նշանավորումն գամքի եւ հավադամքի հավերժական նվիրումի: Ամեն:
Իրականությունը, սակայն, բոլորովին այլ է: Իշխանությունը, «Ժառանգություն»-Դաշնակցությունը անհամբեր սպասում էին, թե երբ է պրծնելու, ավարտվելու, վերջանալու Հայ ազգային կոնգրեսը, որ իրենք, ի վերջո, անլիարժեքության իրենց բարդույթը հաղթահարելու հնարավորություն ունենան: Իսկ Կոնգրեսը «անամոթաբար» բռնում ու անում է այն, ինչ մտնում է ոչ թե ուրիշի, ոչ թե ուրիշների, այլ սեփական ծրագրերի, գաղափարների, ռազմավարության եւ մարտավարության մեջ: Կարդալ շարունակությունը …

ՀՈԴՎԱԾՆԵՐ , ,

ՎԱՍՆ ԿՈՆԿՐԵՏՈՒԹՅԱՆ ԵՎ ԱՍԵԼԻՔԻ

«Վա՜յ քո, նորից բեղը թրաշել է: Երկար, սառը վերին շրթունք: Որպեսզի ջահել երեւա: Ապուշի տեսք ունի: Ինձնից էլ ջահել է: (…) Այ քեզ ապուշ շուրթեր: Բոլորը գրավադրույք են անում: Համաճարակ է վերջերս: Մունետիկ լակոտները գողանում են ու վեց փենս դնում: Մի խոշոր, եզակի հնդկահավ կա վիճակախաղում: Ձեր Սուրբ Ծնունդի ճաշը` կես փենսով: Ջեք Ֆլեմինգն ուրիշի փողերով մի լավ խաղաց, հետո թռավ Ամերիկա: Հիմի հյուրանոց ունի էնտեղ: Դրանք երբեք չեն վերադառնում: Մսով լի կաթսաները Եգիպտոսի»:

Ջեյմս Ջոյս
«Ուլիսես»
գլուխ 5/ Լոտոփագոսներ

«Երբ ծոմ պահեք, տրտմերես մի լինեք կեղծավորների նման, որոնք իրենց երեսները այլանդակում են, որպեսզի մարդկանց այնպես երեւան, թե ծոմ են պահում. ճշմարիտ եմ ասում ձեզ, այդ իսկ է նրանց վարձը: Այլ երբ դու ծոմ պահես, օծի՛ր քո գլուխը եւ լվա՛ քո երեսը, որպեսզի չերեւաս մարդկանց որպես ծոմ պահող, այլ քո Հորը` գաղտնաբար. եւ քո Հայրը, որ տեսնում է, ինչ որ ծածուկ է, կհատուցի քեզ»:

Ավետարան ըստ Մատթեւոսի
գլուխ 6/ 16,17

«Քաղաքական գործընթացը առանց ռազմավարության վերածվում է կլոունադայի»:

Լեւոն Տեր-Պետրոսյան
17.03.2011թ. ելույթից
Մատենադարան, Երեւան.

Կարդալ շարունակությունը …

ՀՈԴՎԱԾՆԵՐ , , , , , ,

ՄԻ ՔԻՉ ԱԶԱՏ ԵՂԻՐ, ՄԻ ՔԻՉ ԷԼ ՍԻԿՏԻՐ

Հոկտեմբեր 15, 2010

Ինչպիսի հանճարեղ գաղափարներ ասես, որ չեն ծնվում Հայաստանում: Հարգելի գործընկերը, օրինակ, որ հանդուրժողականության եւ կոմպրոմիսի ամենահայտնի ջատագովներից է, Ազատության հրապարակի շուրջ ստեղծված իրավիճակի յուրօրինակ լուծում է առաջարկում: Ըստ այդմ, իշխանությունն ու ընդդիմությունը պետք է պայմանավորվածության գան, որ իշխանությունը թույլատրում է Ազատության հրապարակում հանրահավաք անել, իսկ ընդդիմությունը պարտավորվում է վրան չխփել այդտեղ եւ զերծ մնալ հրապարակում գիշերելուց: Հանդուրժողականության մասին այս պատկերացումը եւ զարմանալի է, եւ զարմանալի չէ: Զարմանալի է, որովհետեւ ժամանակի առաջադեմ մտավորականներից մեկը կարող էր ընդդիմությանը կամ որեւէ մեկին առաջարկել ինքնակամ հրաժարվել իր իրավունքից` մեկ ուրիշ իրավունքից օգտվելու համար: Զարմանալի չէ, որովհետեւ այսօր Հայաստանում շատերն են այդպես վարվում: Եթե ուզում ես ազատ արտահայտվելու հնարավորություն ունենալ, ուրեմն ինքնակամ պարտավորվիր, որ Դոդի Գագոյի, սերվիզի Անդոյի, Մխչյանի Մկան մասին վատ բաներ չես խոսելու, մնացածի մեջ ազատ ես կատարելապես: Կարդալ շարունակությունը …

ՀՈԴՎԱԾՆԵՐ , , ,

ԻՍԿ Ո՞ՒՐ ԷՐ ՐԱՖՖԻ ՀՈՎՀԱՆՆԻՍՅԱՆԸ 2008 Թ. ՄԱՐՏԻ 1-ԻՆ

Հուլիս 13, 2010

raffiՀՀ առաջին նախագահ Լեւոն Տեր-Պետրոսյանի անձը հրաժարականի պահից փորձաքար է դարձել Հայաստանում ընդդիմադիր քաղաքական գործունեություն ծավալելու փորձ արած ցանկացած գործչի եւ քաղաքական կուսակցության համար: Այսօր, ահա, երբ ներքաղաքական կյանքում բազմաթիվ դիմակներ պատռված են, Սերժ Սարգսյանի հաճախորդների մեծամասնությունը` բացահայտված, կարող ենք արձանագրել, որ Քոչարյանական իշխանության տարիներին ընդդիմադիր աշխատած այդ մարդիկ նոմինալ առումով իրենց ընդդիմադիր հայտարարելով Քոչարյան-Սարգսյան զույգին, հրապարակային ելույթներում ավելի շատ եւ գերակշռող մասով ընդդիմադիր են եղել Լեւոն Տեր-Պետրոսյանին, նույնիսկ այն ժամանակ, երբ նա հեռացած է եղել ակտիվ քաղաքական գործունեությունից: Հիշենք թեկուզ Արտաշես Գեղամյանին եւ իր շքախմբին, Վազգեն Մանուկյանին եւ իր շքախմբին` Սադոյան Արշակ, Քոչարյան Շավարշ, Արթուր Բաղդասարյանին եւ իր շքախմբին: Կարդալ շարունակությունը …

ՀՈԴՎԱԾՆԵՐ , , , , ,

ԲԱՐԻ ԳԱԼՈՒՍՏ/ WELCOME/ ДОБРО ПОЖАЛОВАТЬ

Ստեփան ՍաֆարյանԱԺ «Ժառանգություն» խմբակցության ղեկավար, իմ բարեկամ Ստեփան Սաֆարյանը նախօրեին հայտարարեց, որ եթե քաղաքական ուժերը չարձագանքեն, այսինքն` չհամաձայնեն Կլոր սեղան ձեւավորելու` «Ժառանգության» կոչ-առաջարկին, ուրեմն «անկեղծ չեն իրենց հայտարարությունների մեջ»: Այս դիրքորոշումը հերթական անգամ ցույց է տալիս, որ «Ժառանգությունը» դեռեւս չի հաղթահարել իր հետ տեղի ունեցած հայտնի իրադարձությունների շոկը եւ անկանոն շարժումներ է անում, խոսում բաներ` առանց ասվածի իմաստը հասկանալու: Այն վայրերի ժարգոնում, որտեղ հիմա ես եմ գտնվում` սա կոչվում է «բըլթըցնել»: Եւ ուրեմն, Ստեփան Սաֆարյանի ասածից ստացվում է, որ եթե, ասենք, Հայ ազգային կոնգրեսը չհամաձայնի «Ժառանգության» առաջարկի հանգույն` առանց նախապայմանների Կլոր սեղանի շուրջ նստել ոչ միայն ՀՅԴ-ի եւ «Ժառանգության», այլեւ կոալիցիոն ՀՀԿ-ԲՀԿ-ՕԵԿ-ի հետ, ուրեմն անկեղծ չէ իր հայտարարությունների մեջ: Կարդալ շարունակությունը …

ՀՈԴՎԱԾՆԵՐ , , ,

ՍՊԵՑՀԱԳՈՒՍՏ ԸՆԴԴԻՄՈՒԹՅԱՆ ՀԱՄԱՐ

Հունվար 29, 2010

ԵԽԽՎԵԽ Խորհրդարանական վեհաժողովը, փաստորեն, հաստատեց Հայաստանի նորացված պատվիրակության լիազորությունները, եւ ուրեմն` ԵԽԽՎ-ում հայաստանյան ընդդիմությունը ներկայացնելու է ՀՅԴ ներկայացուցիչ Արմեն Ռուստամյանը: Ինչ անհավանական բան ասես կարող է պատահել Հայաստանի հետ. վերջին երկու տարվա ընթացքում ԵԽԽՎ-ում մեր երկրի հետ կապված օրակարգը որեւէ փոփոխություն չի կրել: Փոփոխություն են կրել այդ օրակարգի եւ Արմեն Ռուստամյանի հարաբերությունները: Եթե այդ առնչությամբ ԵԽԽՎ-ում տարիուկես առաջ պարոն Ռուստամյանի ասածները ընկալվում էին որպես իշխանական ասելիք, հիմա փաստորեն այդ նույն ասելիքը ընդդիմադիր է լինելու: Թերեւս հենց սա են իշխանության եւ ՀՅԴ ներկայացուցիչները անվանում նոր քաղաքական կուլտուրա. Կարդալ շարունակությունը …

ՀՈԴՎԱԾՆԵՐ , , , ,

ԽՄԲԱԳՐԱԿԱՆ («New ընդդիմություն»)

Հոկտեմբեր 8, 2009

ՀՅԴ ստորագրահավաք

Լուսանկարը` Ֆոտոլուրի

«Ժառանգություն» կուսակցության առաջնորդ Րաֆֆի Հովհաննիսյանը Սերժ Սարգսյանի հրաժարականը չպահանջելու իրենց գործելակերպը փաստարկեց նրանով, թե իրենք դեմ են ձեւական պահանջներ ներկայացնելուն։ Նույնը, ըստ էության, կրկնեց ՀՅԴ բյուրոյի ներկայացուցիչ Հրանտ Մարգարյանը` պատճառաբանելով, որ եթե իրենք պահանջեն անգամ Սերժ Սարգսյանի հրաժարականը, դա դեռ չի նշանակում, թե նա հրաժարական կտա։ Եւ ուրեմն` ի՞նչ իմաստ ունի նման պահանջի առաջադրումը։ Այս տեսակետը հասկանալի կլիներ, եթե Դաշնակցությունը բացատրեր, թե ինչու է շարունակում պահանջել ԱԳ նախարար Է. Նալբանդյանի հրաժարականը, չնայած ոչ վերջինս է պատրաստվում այդ պահանջը կատարել, ոչ էլ, առավելեւս, նրա վերադասը։ Ինչո՞ւ «ձեւականորեն» կարելի է պահանջել ԱԳ նախարարի հրաժարականը, իսկ նրա ղեկավարինը` ոչ։ Նույնը վերաբերում է նաեւ «Ժառանգությանը», ու եթե պահանջների քաղաքական իմաստը գնահատենք ըստ դրանց կատարման վիճակագրության, կստացվի, որ ստեղծման օրից «Ժառանգությունը» ձեւական գործունեություն է ծավալել, որովհետեւ նրա պահանջներից եւ ոչ մեկը չի կատարվել, չնայած` Րաֆֆի Հովհաննիսյանի անհոդաբաշխ ձեւակերպումներից հաճախ դժվար է կռահել, թե ինչ է պահանջում այս գործիչը եւ ինչ` չի պահանջում։ Կարդալ շարունակությունը …

ՀՈԴՎԱԾՆԵՐ , , ,

ԽՄԲԱԳՐԱԿԱՆ (ՀՅԴ-«Ժառանգություն»)

Հոկտեմբեր 3, 2009

պոպոքՀՅ Դաշնակցությունը եւ «Ժառանգությունը» հոկտեմբերի 9-ին համատեղ երթ են կազմակերպում դեպի նախագահական նստավայր` ՀՀ իշխանություններից պահանջելով չստորագրել հայ-թուրքական նախաստորագրված արձանագրությունները, որոնց ստորագրումը կարծես նախատեսված է հոկտեմբերի 10-ին: Խորհրդարանական երկու ուժերի հրավիրած ակցիան, ըստ էության, տեղավորվելու է ԱԳ նախարարի հրաժարականը պահանջելու տրամաբանության մեջ, եւ, ինչպես կազմակերպիչներն են հայտարարում, արձանագրությունների ստորագրումը կանխելու նպատակ է հետապնդելու: Այսինքն` Կարդալ շարունակությունը …

ՀՈԴՎԱԾՆԵՐ , , , , ,

ԲԱՆՏԱՅԻՆ ՕՐԱԳԻՐ. ՄԱՍ 50.

Սեպտեմբեր 29, 2009

50. Գաղտնագրեր եւ ծածկագրեր

televisionՀայրենի հեռուստաընկերություններին ուղղված մեղադրանքները, թե նրանք օբյեկտիվ տեղեկատվություն հայաստանյան իրականության մասին չեն ապահովում, այնքան էլ հիմնավորված չեն։ Այս մասին սկսեցի մտածել «Երեւան-Կենտրոն» քրեակատարողական հիմնարկի իմ խցում` հայրենի հեռուստատեսության եթերին հետեւելիս։ Մեր հեռուստատեսությունը, իրականում, հաղորդում է ողջ անհրաժեշտ տեղեկատվությունը` երկրում ստեղծված վիճակի մասին, բայց դա անում է ոչ թե բաց տեքստով, այլ` կոդավորված, գաղտնագրերով ու ծածկագրերով։ Այդ տեղեկատվությունը հնարավոր չէ ընկալել էկրանի առաջ ընդարմացած փռվելով. մեր եթերին պետք է հետեւել ակնապիշ, լարված, ձեռքի տակ թուղթ ու գրիչ, ցանկալի է` համակարգիչ ունենալով` շպիոնական ֆիլմերի ոճով էկրաններից հորդող ծածկագրերն ու գաղտնագրերը վերլուծելու համար…

Կարդալ շարունակությունը …

ՀՈԴՎԱԾՆԵՐ , , , ,

ԲԱՆՏԱՅԻՆ ՕՐԱԳԻՐ. ՄԱՍ 47.

Սեպտեմբեր 23, 2009

47. Ձե՛զ տեսնենք, պարոնայք

Իմպիչմենթ պաստառՀՀ առաջին նախագահ Լեւոն Տեր-Պետրոսյանի` սեպտեմբերի 18-ի ելույթի հիմնական շեշտադրումն այն էր, որ առանց իշխանափոխության` երկրում ստեղծված իրավիճակի շտկում հնարավոր չէ։ Ճիշտ է, հիմնադիր նախագահը Սերժ Սարգսյանի հեռացումը հրատապ համարեց, հատկապես` Ղարաբաղի հարցի կապակցությամբ, բայց ելույթի տրամաբանությունից բխում է, որ առանց իշխանափոխության հնարավոր չէ շտկել ոչ տնտեսական վիճակը, ոչ օրինականություն հաստատել, ոչ էլ բարելավել բարոյահոգեբանական դրությունը։ Այսպիսով, իշխանափոխությունը շարունակում է մնալ Հայ ազգային կոնգրեսի թիվ 1 քաղաքական խնդիրը։ Կարդալ շարունակությունը …

ՀՈԴՎԱԾՆԵՐ , , , ,

ԲԱՆՏԱՅԻՆ ՕՐԱԳԻՐ. ՄԱՍ 43.

Սեպտեմբեր 15, 2009

43. Հոհիդա եւ Հոհիժա

«Ժառանգություն». լոգոտիպԻր հանրահայտ հոդվածի վերնագրում արդեն Հովհաննես Թումանյանը խտացրել էր 19-րդ դարավերջի, 20-րդ դարասկզբի աղետաբեր հայ իրականության առանձնահատկությունը։ «Անկեղծ չենք». վերնագրված էր հոդվածը։ Այսօր արդեն 21-րդ դարասկիզբն է, եւ սարսափելի է մտածել, որ հայ վերնախավը առաջադիմել է առայժմ միայն կեղծելու վաղնջական իր սովորության մեջ։ Երբեմն զարմանում ես, թե ազգային հոգնած ջոջերին որտեղի՞ց այդքան կեղծելու եռանդ, եւ ինչու նրանք ճլորած եւ ոչ թե եռանդուն են ծառայության եւ զոհողության հարցերում։ Խաբեբա, ցուցամոլ, շինծու, նենգ, ստորաքարշ, շահամոլ. ահա այն հատկությունները, որոնց մասին վկայում է հեռուստաէկրանների, այսինքն` հանրային կյանքում ներկա դեմքերի զգալի մեծամասնությունը։ Եւ կար ժամանակ, երբ թվում էր, թե մեր հանրությունը վերջնականապես է կորցրել կեղծիքը իրականությունից տարբերակելու հատկությունը։ Կարդալ շարունակությունը …

ՀՈԴՎԱԾՆԵՐ , , , ,

ԻՆՉՊԵ՞Ս ՄԻԱՎՈՐԵԼ ԴՐՈՇԱԿՆԵՐԸ

Հունիս 12, 2009

Լեւոն Տեր-Պետրոսյան, Րաֆֆի Հովհաննիսյան. Ազատության հրապարակՀՀ շարքային քաղաքացին երբեմն չի կռահում, թե ինչու են քաղաքական գործիչները իրենց մտքերը արտահայտելու համար ընտրում խուճուճ ձեւակերպումներ եւ ինչու կոնկրետ պատասխաններ չեն տալիս կոնկրետ հարցերի։ Այս հրապարակումը վերջին շրջանում տեղի ունեցած իրադարձությունները, հայտարարությունները մատչելի լեզվով ներկայացնելու համար է նաեւ։ Ու եթե քաղաքական լեզվից թարգմանելու լինենք Րաֆֆի Հովհաննիսյանի վերջին հայտարարությունը, որով նա ՀԱԿ-ին, ՀՅԴ-ին եւ «Ժառանգությանը» կոչ էր անում համախմբվել մեկ դրոշակի շուրջ եւ աշխատել ընտրական իշխանափոխության ուղղությամբ, կստանանք հետեւյալ պատկերը. Րաֆֆի Հովհաննիսյանը վերը նշված ուժերին առաջարկում է էս գլխից իրեն ընտրել նախագահի միասնական թեկնածու եւ պատրաստվել նախագահական հերթական ընտրությունների։ Իհարկե, «Ժառանգությունը», ինքը` Րաֆֆի Հովհաննիսյանը, կհերքեն հայտարարության այսպիսի մեկնաբանությունը, բայց դրանից իրերի դրությունը չի փոխվում։ Անկախ ամեն ինչից, այս հայտարարությանը անդրադառնում ենք ոչ թե այն դատափետելու, այլ նրա տրամաբանությունը հասկանալու եւ որոշ նկատառումներ ներկայացնելու համար։ Կարդալ շարունակությունը …

ՀՈԴՎԱԾՆԵՐ , ,

ԸՆԴՀԱՆՈՒՐ ՇԱՀԻ ՀՐԱՄԱՅԱԿԱՆԸ

Հունիս 11, 2009

Լեւոն Տեր-Պետրոսյան, Րաֆֆի ՀովհաննիսյանՀայ ազգային կոնգրեսի հասցեին «Ժառանգություն» կուսակցության ներկայացուցիչների քննադատության մեջ ոչ մի տարօրինակ բան չկա։ ՀՀ առաջին նախագահ Լեւոն Տեր-Պետրոսյանի` քաղաքականություն վերադառնալուց, ապա եւ` Հայ ազգային կոնգրեսի ձեւավորումից ի վեր, «Ժառանգությունը» ընկալվում է որպես ընդդիմադիր արբանյակ ուժ, եւ սա ակնհայտորեն ներվայնացնում է «Ժառանգության» մեր գործընկերներին։ Ընդդիմության դոմինանտ ուժը, բնականաբար, Հայ ազգային կոնգրեսն է համարվում։ Եւ ահա, Երեւանի քաղաքապետի ընտրություններին հաջորդած անկումային տրամադրությունը օգտագործելով` «Ժառանգությունը» փորձ է անում հարվածներ հասցնել Կոնգրեսին, նրան դուրս մղել հիմնական ընդդիմադիր ուժի ուղեծրից եւ, որպես հետեւանք, ինքը տեղավորվել այդ ուղեծրում։ Այս գործելակերպը ուղղակի կարմիր թելի նման անցնում է «Ժառանգության» վերջին մեկ տարվա գործունեության միջով։ «Ժառանգությունը» ակնհայտ բարդույթներ ունի ՀԱԿ-ի նկատմամբ, նրա առաջնորդ Րաֆֆի Հովհաննիսյանը փորձում է ֆորմալ նմանություններ ձեռք բերել ՀՀ հիմնադիր-նախագահ Լեւոն Տեր-Պետրոսյանի հետ։ Կարդալ շարունակությունը …

ՀՈԴՎԱԾՆԵՐ , , ,