> ՀԱՐՑ-ՊԱՏԱՍԽԱՆ, ՀՈԴՎԱԾՆԵՐ > ՆԻԿՈԼԻ ՊԱՏԱՍԽԱՆՆԵՐԸ ՀԱՅԿ ԱԲԵԼՅԱՆԻ 7 ՀԱՐՑԵՐԻՆ

ՆԻԿՈԼԻ ՊԱՏԱՍԽԱՆՆԵՐԸ ՀԱՅԿ ԱԲԵԼՅԱՆԻ 7 ՀԱՐՑԵՐԻՆ

Հարցեր Հայկ Աբելյանից

Նիկոլ եւ Աշոտ Փաշինյանները երթի ժամանակԲարև Նիկոլ ջան: Ես առաջին անգամ եմ քեզ էս բաժնում գրում, ու մինչև հարցերիս անցնելը` մի քանի խոսք: Նախ` ես քաղաքականությունով սկսեցի հետաքրքրվել 2007-ի խորհրդարանական ընտրություններից առաջ, երբ որ առաջին անգամ պետք է ընտրությունների մասնակցեի: Ընդհանրապես, այդ քարոզարշավի ամենաուշագրավ մասը ինձ համար մնաց “Իմպիչմենտ” դաշինքը, սակայն, սկզբում` բացասական իմաստով (կներես): Ինձ համար ՀՀԿ-ԲՀԿ զույգը ոչ պակաս անընդունելի էր, քան դուք, սակայն ձեր դաշինքի ներկայացուցիչների ամպագոռգոռ ելույթներն ու կոչերը ինձ համար թվում էին մեծախոսության պես մի բան: Հետագայում, երբ ընտրությունները կեղծվեցին, ես մեր փրկության հույսը կապեցի միայն Լևոն Տեր-Պետրոսյանի վերադարձի հետ: Իհարկե, հետագայում ինձ շատերը հանդիմանեցին դրա համար, թե. “Լևոնի ժամանակ ցուրտ ու մութ էր, թալան էր, մարդ էին սպանում”, սակայն ես կարճ ժամանակում տարբերեցի ճիշտն ու սխալը, թարսն ու շիտակը: Ցավոք ոչ բոլորը դա կարողացան անել և ենթարկվելով հայլուրական հիպնոսին` չմիացան մեզ: Իսկ ես միացա շարժմանը, դրանով, կարելի է ասել, միանալով նաև քեզ: Քո մարտական ոգին, քո հզոր ձայնը, քո սառնասրտությունը մեզ բոլորիս մեծ էներգիա փոխանցեց: Այսօր ես առավել քան հարգում եմ քեզ, և դու ինձ համար, կարելի է ասել, օրինակ ես ծառայել: Այն, որ ես այսօր առավել անվախ եմ, առավել ինքնավստահ, առավել ուժեղ, քան երբևէ, դրանում դու զգալի դեր ունես: Եվ չնայած, քեզ անգամ մոտիկից չեմ տեսել, բայց ինձ մոտ այնպիսի տպավորություն է, որ մենք հին ծանոթներ ենք:

Հարցերս ամենատարբեր բնույթի են:

1. Արդեն համարյա մեկ տարի դու գտնվում ես ընդհատակում: Ինչպե՞ս ես գոյատևում: Աշխատու՞մ ես արդյոք, ունե՞ս ապրելու որևէ կացարան (եթե գտնում ես, որ սա շատ անձնական հարց է, կարող ես չպատասխանել):

2. Ընդհանրապես, մենք պայքարում ենք մի քանի ուղղություններով.
1) Քաղբանտարկյալների ազատ արձակում,
2) Մարտիմեկյան դեպքերի մեղավորների բացահայտում ու պատիժ,
3) Մարդու հիմնական իրավունքների ու ազատությունների վերականգնում,
ավելացնելով, որ այս ամենը հնարավոր է միայն իշխանափոխությունից հետո: Այսինքն` մեր հիմնական նպատակը արտահերթ ընտրությունների հասնելն է:

Սակայն որքանո՞վ է ռեալ պահանջել արտահերթ ընտրություններ մի ուժից, որը ազատ չի արձակելու քաղբանտարկյալներին, չի բացահայտելու Մարտի 1-ը, շարունակելու է իր հակասահմանադրական գործունեությունը: Մի՞թե արտահերթ ընտրությունների հասնելն ավելի հեշտ է, քան, օրինակ, քաղբանտարկյալների ազատությանը հասնելը: Եվ բացի դրանից, դատելով վերջին ՏԻՄ ընտրությունների ընթացքից, արդյո՞ք արտահերթ ընտրությունները նորից չեն կեղծվելու, եթե դրանք տեղի ունենան մոտակա մի քանի ամսվա ընթացքում:

3. Վերջին ժամանակներս ես որոշ հիասթափություն ապրեցի, և դա ոչ թե կապված բուն Շարժման, այլ որոշ մարդկանց հետ: Ինչպե՞ս կվերաբերվես նրան, որ օրինակ մեր ակտիվիստներից մեկը ասել է. “ադրբեջանցին իմ երկրորդ թշնամին ա: Իմ առաջին թշնամին ղարաբաղցին ա”: Այս պայքարը չպետք է մարդկանց մեջ ընկալվի որպես 88-ի շարժմանը տրամագծորեն հակադիր շարժում: Շարժում, որը պայքարում է ղարաբաղցիների դեմ: Բազմաթիվ մարդիկ կան, որոնց մոտ այդպիսի տպավորություն է, և նրանք դեմ են Շարժմանը հենց միայն այդ պատճառով: Չե՞ս կարծում, որ պետք է այդ ուղղությամբ քայլեր ձեռնարկել:

4. Երբ ՀԱԿ-ը վերսկսի ակտիվ պայքարը, կասկածից վեր է, որ ռեժիմը նորից գործի կդնի ահաբեկման, բռնությունների ու կեղծիքների իր նախկին զինանոցը: Արդյո՞ք հնարավոր չեն ԵԽ-ի հանդեպ արհամարհանքի ներքո նոր մարտի 1-եր, արտակարգ դրություններ, զանգվածային ձերբակալություններ: Արդյո՞ք Շարժումը այդքանից հետո նորից ոտքի կկանգնի նախկին թափով:

5. Քաղաքապետի ընտրություններում, ըստ քեզ, Հայ Ազգային Կոնգրեսից ո՞վ կունենա ամենամեծ շանսերը առաջադրվելու դեպքում:

6. Արդյո՞ք շարժման ձախողման դեպքում (այսինքն, եթե չհասնենք արտահերթ ընտրությունների) Լևոն Տեր-Պետրոսյանը և ՀԱԿ-ը հաջորդ համապետական (2012 թ. ԱԺ և 2013 թ. նախագահական) ընտրություններում չեն կորցնի ժողովրդի վստահությունը, ինչպես դա եղավ Արամ Սարգսյանի և Ստեփան Դեմիրճյանի դեպքում:

7. Դատելով մեր ժողովրդի` հային ոչ վայել հիասթափական բնավորությունից (ինչը, անկասկած, արմատավորվել է հատկապես վերջին տարիներին), ակնհայտ է, որ Շարժման վերջնական ձախողման դեպքում (այսինքն, եթե չհասնելով արտահերթ ընտրությունների, ձախողենք 2012 և 2013 թթ. ընտրությունները) ժողովրդի մեծ մասը այլևս չի պաշտպանի ՀԱԿ-ին և Լևոն Տեր-Պետրոսյանին: Այդ դեպքում կարո՞ղ է արդյոք երբևէ հայտնվել նոր ուժ, որը նոկաուտի ենթարկված ժողովրդին նորից ոտքի կհանի:

Վերջում ցանկանում եմ շնորհակալություն հայտնել քեզ այս ամենի համար, վստահեցնելով, որ ես ու իմ պայքարող ընկերները տեր ենք մեր հաղթանակին և չենք ընկրկում ռեժիմի պնդաճակատ ոտնձգությունների առաջ: Եվ ինչպես դու ես քո քաջությամբ ու երկաթյա կամքով օրինակ ծառայել մեզ, այնպես էլ մենք ենք փորձում մեր եռանդով օրինակ ծառայել ժողովրդի քնած հատվածի համար: Առողջություն քեզ և ամենայն բարիք:

Նիկոլի պատասխանը - Սիրելի Հայկ, ձեր պատմությունը շատ հետաքրքիր է, եւ ես ուրախ եմ, որ այսօր իրար հետ ենք:

Ձեր հարցերին կպատասխանեմ ըստ թվագրման:

1. Ընդհատակում գտնվելը, իհարկե, որոշ անհարմարություններ ունի, բայց ընդհանուր առմամբ տանելի է: Ինչպես տեսնում եք` աշխատում եմ, հոդվածներ եմ գրում, ձեր հարցերին եմ պատասխանում, կարդում եմ: Բնականաբար` բացօթյա չեմ ապրում եւ ունեմ կացարան: Թույլ տվեք այսքանով սահմանափակեմ պատասխանս:

2. Ձեր հարցադրումները ավելի շատ հռետորական են, եւ ձեր ասած պրոբլեմները իսկապես գոյություն ունեն: Եթե քաղաքական իրավիճակը շրջադարձային փոփոխության չենթարկվի, ցանկացած տիպի ընտրություններում ընդդիմադիր թեկնածուները ունենալու են մեկ պրոբլեմ` նրանք չեն կարողանալու մարդկանց բացատրել, թե ինչու է անհրաժեշտ քվեարկել իրենց օգտին: Ի՞նչ են փաստարկելու, ինչո՞ւ մարդը պետք է քվեարկի այդ ընդդիմադիր թեկնածուի օգտին, որ իր ձայնը վերջում կեղծե՞ն, եւ ինքն էլ` շարքային քաղաքացին, ընկնի պատմությունների մե՞ջ, անիմաստ ու ապարդյուն: Իհարկե, ձեր նշած խնդիրները կան, եւ իմ պակերացմամբ` ժողովրդի զանգվածները, փակված չհամարելով 2008 թ. Նախագահական ընտրությունների էջը, պետք է իշխանությանը, ավազակապետությանը պարտադրեն հրաժարական տալ, որպեսզի ջարդվի ի վերջո ընտրակեղծիքների հսկայական մեքենան, որ հնարավոր լինի երկրում օրինական ընտրություններ անցկացնել: Անկեղծ ասած, ես կասկածով եմ վերաբերվում հերթական ընտրություններով որեւէ բան փոխելու հնարավորությանը, դրա համար մեր բոլոր ուժերը պետք է կենտրոնանան արտահերթ ընտրությունների հասնելու նպատակի վրա: Ինչ վերաբերում է այն հարցին, թե որքանով է արտահերթ ընտրությունների պահանջը ռեալ, ինձ համար պահանջի ռեալությունը կախված է մեր հետեւողականությունից, մեր դուխից, մեր կամքից: Եթե չկա կամք ու հետեւողականություն, անգամ հանրահավաք անելը կարող է ոչ ռեալ քաղաքական խնդիր համարվել: Ընդհանրապես հաղթանակները, լուրջ հաղթանակները տարվում են ոչ թե եղած հնարավորությունների սահմաններում, այլ սեփական հնարավորությունների սահմանները ընդլայնելու արդյունքում: Մեր պայքարը հենց առաջին հերթին մեր հնարավորությունների սահմանները ավելի ու ավելի լայնացնելու ճանապարհի վրա է` մտավոր, բարոյական, քաղաքական, հանրային հնարավորությունների մասին է խոսքը:

3. Դուք նշում եք, թե մեկը ասել է. “Ադրբեջանցին իմ երկրորդ թշնամին ա: Իմ առաջին թշնամին ղարաբաղցին ա”: Սիրելի Հայկ, մարդիկ տաքացած, նեղսրտած հազար բան կարող են ասել, չեմ կարծում, թե այսօրինակ ձեւակերպումներին պետք է լուրջ վերաբերվել, եւ դրանք լուրջ քննարկման առարկա դարձնել: Նման բաներ կասվեն, բայց դրանք ընդամենը լեզվից թռած ձեւակերպումներ են, եւ որեւէ գիտակցական կամ հոգեւոր հենք չունեն: Սրանում ես համոզված եմ: Համոզված եմ, որ նման արտահայտություն թույլ տված անձը իրականում այդպես չի մտածում, այլ ընդամենը նեղված է. ոչ ավելի:

4. Ցանկացած ազդեցություն առաջացնում է հակազդեցություն: Սա ֆիզիկայի օրենք է, եւ բնականաբար, որքան մենք ակտիվ պայքարենք, մեր դեմ էլ են ակտիվ պայքարելու: Բայց սա չի կարող պայքարից հրաժարվելու փաստարկ հանդիսանալ, որովհետեւ բոլոր նրանք, ովքեր մտածել են, թե պայքարը խաղուպար է, ուրեմն սխալվել են պայքարի թոհուբոհում հայտնվելով: Նույն հարցը կարելի էր տալ նաեւ 2008 թվականի փետրվարին: Եթե այդ ակտիվ պայքարը չլիներ, մարտի 1 էլ չէր լինի: Բայց այսօր չէր լինի նաեւ Համաժողովրդական շարժումը, չէր լինի Հայ ազգային կոնգրեսը: Սրանում ես համոզված եմ: Եթե մեր գլխին կարող են խփել, դա դեռ չի նշանակում, թե մենք պետք է ջայլամի կեցվածքով ապրենք:

5. Հայ ազգային կոնգրեսը, կարծում եմ, Երեւանի քաղաքապետի մի քանի թեկնածու կարող է ունենալ. օրինակ` Ստեփան Դեմիրճյանը, Խաչատուր Սուքիասյանը, Արարատ Զուրաբյանը:

6. Եկեք 6 եւ 7 կետերում նշված սցենարները այս պահին չքննարկենք: Այս պահին մեր խնդիրը արտահերթ ընտրությունների հասնելն է: Շնորհակալություն:

  • Print this article!
  • E-mail this story to a friend!
  • Facebook
  • TwitThis
  • Google
  • MySpace
  • Technorati
  • LinkedIn
  • del.icio.us
  • Digg
  • StumbleUpon
  • Tumblr

ՀԱՐՑ-ՊԱՏԱՍԽԱՆ, ՀՈԴՎԱԾՆԵՐ , , , , , ,


  1. Karine
    Մարտ 11th, 2009 at 13:27 | #1

    KARCUM EM ARTAHERT NAXAGAHAKAN EV XOHRDARANAKAN YNTRUTYUNNERIC BACI MNACAC BOLOT YNTRUTYUNNERY PETQ E BOYKOTEL

  2. Մարտ 11th, 2009 at 14:49 | #2

    de Ardarutyun dashnqn el 2003 ic heto boykotec Aj nister@ ardyunq@ vor@ exav?

  3. Stone
    Մարտ 12th, 2009 at 14:39 | #3

    Ete Hayastani bolor @nddimadirner@ 2-3 or ashxatanqi durs chgan, bolor petakan ev masnavor karuycner@ parzapes kkangnen. Inchi em es sa asum? Vorovhetev @nddimadirneri qanak@ uxxaki ahreli e, bayc mard ka vor minch ors voch mi hanrahavaqi angam chi masnakcel. Ete HAK-@ hamozvac liner, vor bolor cankacoxner@ kanen irencic kaxvac amen inch, aveli shut vchrakan qayleri kdimer. Bayc joxovrdi mej ka mi zgali tokos, vor an@ndhat boxoqum e, bayc hanrahavaqi or@ alarum e (kam vaxenum e) tnic durs gal. Mard ka Yerevanum e aprum, bayc chi galis hanrahavaqi, mard el ka, vor shrjanneric mi kerp galis-hasnum e Yerevan.

    Amen depqum es liovin kisum em ayn karciq@, vor heto aveli barenpast iravichak e linelu ishxanapoxutyan hamar.
    HAXTELU ENQ!!!!!!!!!!!!!!!!!!!!!!!!!!!!!!!!!!!!!!!

  4. Սուրեն
    Մարտ 12th, 2009 at 15:01 | #4

    Այն տեսակետը, որ սա ուղղակի աթոռի կռիվ է, դա ուղղակի հայլուրական քարոզչության արդյունք է, որն այնուամենայնիվ որոշ չափով ազդեցություն դեռ ունի: Բոլորը գիտեն, որ հայլուրը սուտ է խոսում, բայց ամեն օր բոլոր ալիքներով նույն կեղտը լսելիս, ոմանց մեջ այն նստում է:
    Ի՞նչ է նշանակում “աթոռի կռիվ”. Ուրեմն ոչ մի երկրում ոչ մի նախագահի ժողովուրդը պետք է չընտրի՞: Օբաման աթոռ չէ՞ր ուզում: Սարկոզին չ՞էր ուզում: Կամ կարող ա Օբամայի կինը հիմա մտածում ա. “Ես դառա առաջին տիկին, դե թող ընկերուհիներս տրաքվեն”:
    Բայց ժողովուրդը իրենց ընտրելով, ընտրում է այն կուրսը, որով պետք է շարժվի իրենց պետությունը: Ժողովուրդը չպիտի մտածի, որ “եթե Լևոնին ընտրենք, իրա մեքենայի բենզինը ձրի ա լինելու, ուրեմն իրանք չընտրենք”:
    Մենք պայքարում ենք մեր համար, մեր երեխաների համար:

  5. Հայկ
    Մարտ 14th, 2009 at 15:38 | #5

    Նիկոլ ջան, անկեղծ ասած, 3-րդ հարցում ես նկատի ունեի, որ ոչ թե դա ինձ ա խանգարում, կամ ես պայքարից դուրս կգամ, այլ նկատի ունեմ, որ եթե էդ մի պրոբլեմից ազատվենք, հազարավոր մարդիկ կմիանան մեզ:
    Իսկ 6,7 հարցերում նշածս սցենարները էսօր շատ-շատերի համար ամենամտահոգիչ սցենարներն են:

  6. Aktivist
    Մարտ 31st, 2009 at 17:57 | #6

    Barev Nikol jan.inchpes es? Aysor miayn uzum em mi ban asel: es hpart em vor es hay em, bayc es hpart em vor es hay em naev ayn patcharov vor Du el es hay.Qez Qaj Aroxjutyun em Maxtum Nikol jan.

  1. No trackbacks yet.