> ՀՈԴՎԱԾՆԵՐ > ՄԱՐՏԻ 1-Ի ԴԻԼԵՄԱՆԵՐԸ - ՄԱՍ Բ

ՄԱՐՏԻ 1-Ի ԴԻԼԵՄԱՆԵՐԸ - ՄԱՍ Բ

Մեկ միլիոն/24 ժամ

«Մեկ միլիոն/24 ժամ»Վերադառնամ, այսուհանդերձ, «Մեկ միլիոն մարդ հրապարակում, 24 ժամ իշխանություններին` հեռանալու համար» բանաձեւին` միակ նպատակ ունենալով նրա բովանդակությունը ավելի ընկալելի դարձնել համախոհ ընկերներին։ Ասեմ նախապես, որ ինձ հասկանալի են այս բանաձեւի հետ կապված անհանգստությունները, որովհետեւ անուշադրության հետեւանքով մեր շատ ընկերներ այն ընկալել են որպես մեկ միլիոնանոց հանրահավաքի իդեա ֆիքս, որը պարտություն կամ անթույլատրելի է համարում որեւէ այլ տիպի հանրահավաքի կայացումն անգամ։ Իրականում այդպես չէ, եւ նման ընկալումը ընդամենը անուշադրության հետեւանք է։ Իսկ ուշադիր լինելու դեպքում կարելի է նկատել, որ այդ բանաձեւը մարդկանց թիվը ուղղակի կապի մեջ է դնում իրադարձությունների զարգացման արագության, տեմպի, ժամանակացույցի հետ։ Այսինքն` վերցնել եւ վերլուծության ենթարկել բանաձեւի` մարդկանց թվին վերաբերող հատվածը, այն կտրելով ժամկետի բաղադրիչից` անբարեխիղճ է։ Բանաձեւի մասին առաջին անգամ գրել եմ 2008 թվականի մայիսի սկզբին, հետո եւս մի քանի հոդված, որտեղ մանրամասն բացատրվել են այն գործարկելու մեխանիզմները, մանրամասները։ Այդ մանրամասներից, սակայն, ամենեւին չի բխում, որ եթե մեկ միլիոն մարդ հրապարակում չհավաքվի, իշխանափոխությունը հնարավոր չէ, կամ հետագա պայքարն անիմաստ է։ Քավ լիցի։ Մեծ հաշվով, իշխանափոխությունը հնարավոր է անգամ մեկ մարդու կոնկրետ գործունեության արդյունքում։ Խնդիրը, սակայն, այդ իշխանափոխության մեթոդաբանության, գաղափարախոսության եւ արժեքային համակարգի, դրանից ակնկալվող արդյունքների մեջ է։ Իսկ վերը նշված բանաձեւը ենթադրում է, որ եթե մեկ միլիոն մարդու առկայության պարագայում իշխանափոխության իրականացման ա, բ, գ հաջորդական պլաններից յուրաքանչյուրի համար սահմանվում է 24-ժամյա ժամանակացույց, ասենք` 500 հազարանոց հանրահավաքի համար սահմանվում է 48-ժամյա ժամանակացույց, ապա 100 հազարանոց հանրահավաքի դեպքում ժամանակացույց չի սահմանվում։ Սահմանվում է հենց ընթացիկ կամ հաջորդ հանրահավաքի, կամ` հաջորդող հանրահավաքներից որեւէ մեկի մասնակիցների թիվը կրկնապատկելու, եռապատկելու եւ դրանից հետո միայն իշխանափոխության իրականացման կոնկրետ ծրագիրը գործի դնելու ժամանակացույց։ Այսինքն` այդ բանաձեւի նպատակը պայքարին մարդկանց մասնակցության կարեւորությունն ու վճռական նշանակությունը ընդգծելն է։

Ընդ որում, 24 ժամը կամ որեւէ ժամանակացույց կարող է տեղադրվել պայքարի ցանկացած հանգրվանում։ Դա իշխանափոխության ֆինալն է, եւ ոչ թե մեկնարկը։ Այսինքն` առանց 24 ժամյա տրամաբանության, չի կարող լինել իշխանափոխություն. այս 24 ժամը իշխանության գործունեության վերջին 24 ժամն է։ Այս 24 ժամի մեկնարկի ճիշտ կետը որոշելու համար պետք է ընդամենը ակնկալվող իշխանափոխության պահից հետադարձ հաշվարկ կատարել։
Այս բանաձեւը գործելու ուղենիշ է. եթե որեւէ հանրահավաքի հավաքվում է ոչ թե մեկ միլիոն, այլ 70 հազար մարդ, ուրեմն ո՞րն է մեր անելիքը։ Մեր անելիքը գործելն է, աշխատելը, ձգտելը, եզրակացություններ անելը, որոշումներ կայացնելը` թե ինչ է պետք է անել, որ հաջորդ հանրահավաքին կամ որեւէ հանրահավաքի մասնակցի, ասենք, 200 հազար, 500 հազար, մեկ միլիոն մարդ։ Իսկ արձանագրելը, որ անհնար է մեկ միլիոնանոց հանրահավաք անել` ընդամենը անուղղակի հրաժարում է այդ ուղղությամբ կոնկրետ քայլեր ձեռնարկելուց։ Եթե անգամ անհնար է, դա ոչինչ չի փոխում, մենք պետք է ինքներս մեզ թեկուզ անիրականանալի խնդիրներ առաջադրենք` առավելագույնին հասնելու համար։ Իսկ եթե այսօր մեկ միլիոնանոց հանրահավաքին ենք ասում անհնար, վաղը 500 հազարանոցին կասենք անհնար, մյուս օրը` հարյուր հազարանոցին, էն մյուս օրը` 50 հազարանոցին, էն մյուս օրը` մինչեւ հարյուր հոգանոց ոչ զանգվածային հրապարակային միջոցառմանը եւ իրազեկման երթերին։ Մի օր էլ կասենք` անհնար է այս «այլանդակ ռեժիմից» ազատվել։ Ինքս համոզված եմ, որ հնարավոր է մեկ միլիոնանոց հանրահավաք անել` հենց մարտի 1-ին կամ առաջիկա ամսվա ընթացքում։ Բայց սրան հասնելու համար հարկավոր է հնարավոր դարձնել 10 հոգանոց մի երթ, 10 հոգանոց երկու երթ, 10 հոգանոց երեք երթ, 10 հոգանոց չորս երթ։ 10 հոգանոց տասը երթ։ Եւ սրա արդյունքը կլինի մեկ միլիոնանոց հանրահավաքը։

Մյուս կողմից` այնպիսի տպավորություն է, թե իմ սիրելի ընկերները հանրահավաքային հաշվապահության ինչ-որ մեթոդ ունեն, որով բռնում ճշգրիտ հաշվում են հանրահավաքի մասնակիցներին եւ ահա ուրեմն` ասում են, թե հնարավոր չէ մեկ միլիոնանոց հանրահավաք անել։ Հանրահավաքային իմաստով որեւէ թիվ ոչ միայն «մարդաքանակ» է խորհրդանշում, այլեւ ոգի, էներգետիկա, կամք, հանրահավաքի եկած մարդկանց եւ հարթակի հաստատակամություն, համախմբվածություն, պատրաստակամություն, միասնականություն։

Վերը նշված բանաձեւը ընդամենը նշանակում է` քաղաքացիական, հանրային այնպիսի ակտիվության ապահովում, որը կհանգեցնի իշխանափոխության։ Եւ ընդ որում, այդ բանաձեւը չեմ առաջարկել պարապությունից, այլ առաջարկել եմ որպես պատասխան այն շեշտադրումների, թե ինչպես է պատրաստվում Հայ ազգային կոնգրեսը, ուշադրություն դարձրեք` Հայ ազգային կոնգրեսը իրականացնել իր հռչակած խնդիրը։ Իսկ այսպես վարվել եմ, որովհետեւ ինձ համարում եմ Հայ ազգային կոնգրեսի ակտիվիստ եւ Հայ ազգային կոնգրեսի որոշումները համարում եմ իմ որոշումները` անկախ նրանից, թե որքանով եմ անձամբ մասնակից եղել դրանց կայացմանը։ Եւ այս գործելակերպը շարունակվելու է միշտ։ Հիմա` Հայ ազգային կոնգրեսը որոշել է մարտի 1-ին հանրահավաք անել։ Ինձ համար ակնհայտ է, որ պետք է ամեն ինչ անել, որ այդ օրվա հանրահավաքը լինի բազմամարդ, որովհետեւ դրա սակավամարդությունը ճիշտ է` ներքաղաքական իրավիճակում ոչինչ չի փոխի, բայց հոգեբանական ազդեցություն կունենա պայքարի հետագա տրամաբանության վրա։ Այս հանգամանքը առավել կարեւոր է դառնում, եթե հաշվի ենք առնում, որ այսօր ներքաղաքական պայքարը 90 տոկոսով գտնվում է հոգեբանական դաշտում։

Իսկ հանրահավաքի բազմամարդությունը ապահովելու մի տարբերակ կա. եթե հանրությունը, մարդը, քաղաքացին Հայ ազգային կոնգրեսից ստանա ուղերձ, որ ինքը` այդ մարդը, անելիք ունի այդ հանրահավաքում, շատ կարեւոր ու շատ կոնկրետ անելիք, եւ այդ անելիքը կապված է հենց այս հանրահավաքին ներկայանալ-չներկայանալու հետ։ Այդ անելիքը կարո՞ղ է լինել մարտի 1-ի տարելիցը նշելը, մեր զոհված եղբայրների հիշատակը հարգելը։ Համաձայն եմ, սա կարեւոր, չափազանց կարեւոր անելիք է, սուրբ պարտականություն։

Բայց մենք պետք է մարդկանց հստակ տեսանելի դարձնենք, որ մարտի 1-ի զոհերի հիշատակը հարգելու ճշգրիտ ձեւը մարտի 1-ին Հայ ազգային կոնգրեսի հրավիրած հանրահավաքին ու երթին մասնակցելն է, եւ ոչ թե` Տիգրան Կարապետիչի մոմավառությունը կամ մի խախանդ ժամի, ասենք` մարտի 1-ի երեկոյան կողմ կամ առավոտյան, Մյասնիկյանի արձանի մոտ գնալ եւ ծաղիկներ դնելը։ Այսինքն` եթե մարտի 1-ի հանրահավաքը չի տեղավորվում ընդհանուր, քաղաքական պայքարի տրամաբանության մեջ` խնդիր է առաջանում, եթե տեղավորվում է` պետք է լինի մաքսիմալ մարդաշատ, եթե պետք է լինի մաքսիմալ մարդաշատ, ուրեմն այդ հանրահավաքի պոտենցիալ մասնակիցը պետք է ունենա կոնկրետ ուղերձ` իր կոնկրետ անելիքի, առաքելության մասին։ Քավ լիցի, այդ միակ ուղերձը այն չէ, որ եկեք` մարտի 1-ին գնում ենք իշխանափոխություն անենք կամ սկսում ենք շուրջօրյա հանրահավաքը։ Այդ կոնկրետ ուղերձը պետք է լինի այնպիսին, որ մարդը հասկանա, որ ինքը գտնվում է մի պայքարի մեջ, որը խնդիր է դրել լուծել կոնկրետ հարցեր, ավելի ճիշտ` իր իսկ առաջադրած կոնկրետ հարցը։ Եւ ուրեմն` պարտադիր չէ, որ 24-ժամյա տրամաբանությունը սկսի գործել մարտի 1-ի ժամը 15.00-ից։ Մարդը պետք է հասկանա, որ ինքը գալիս է հանրահավաքի այդ 24 ժամի մեկնարկին ձգտելու, այդ 24 ժամի մեկնարկը հնարավոր դարձնելու համար։ Մարդը պետք է հասկանա, որ մարտի 1-ի հաջողված հանրահավաքը հիմք է ստեղծելու, ասենք` ապրիլի 5-ին ժամանակացույցը մեկնարկի դնել։ Մարդը պետք է հասկանա, որ եթե Հայ ազգային կոնգրեսը այսօր չի վերսկսում շուրջօրյա հանրահավաքները, ոչ թե նրանից է, որ հրաժարվել է իր առաջադրած քաղաքական նպատակներից, այլ ընդամենը պայմանավորված է մարտավարական նկատառումներով։ Եւ եթե հոկտեմբերի 17-ին տեղի չունեցավ անցումը շուրջօրյա ռեժիմի, մարտի 1-ին տեղի չունեցավ` մի տեսանելի օր, ասենք` ապրիլի 9-ին, դա հաստատ տեղի կունենա` եթե ինքը, ՀՀ քաղաքացին, հավատարիմ մնա Ազատության հրապարակում կնքված պայմանին` «Կանգնած ե՞ք», «Այո», «Մինչեւ վե՞րջ», «Այո»… շարունակությունը դուք գիտեք։

Դիլեմա թիվ 1

Ընթացիկ քաղաքական տրամաբանությունը ճշգրտելու իմաստով շատ կարեւոր է հետեւյալ տեսական հարցի պարզաբանումը։ Ընթացիկ փուլի մեր քաղաքական պայքարը 2008-ի փետրվար-մարտի պրոցեսների շարունակությո՞ւն է, թե՞ մենք նոր գործընթաց ենք սկսում։ Հարցը կարեւոր է, որովհետեւ սրանով, ի վերջո, պարզաբանվելու է` մենք միայն սգալո՞ւ ենք մարտի 1-ը, թե՞ նաեւ հենվելու ենք նրա արդյունքների վրա։ Իսկ մարտի 1-ի արդյունքը այն է, որ չնայած իշխանությունը գործադրեց ամենաբիրտ միջոցներ, չնայած իրականացրեց նենգ արյունահեղություն, քաղաքացին չընկրկեց այդ բիրտ ու նենգ ուժի առաջ։

Բայցեւայնպես, ավազակապետությունը շարունակեց գոյություն ունենալ։ Եւ եթե մենք մարտի 1-ին վերջակետ ենք դնում եւ ամեն ինչ սկսում ենք նորից, նոր կետից, նշանակում է` ամեն ինչի կրկնության հնարավորություն ենք թողնում։ Հնարավորություն ենք թողնում, որ այդպես վարվելով` ավազակապետությունը հավերժ երկարաձգի իր գոյությունը։ Իսկ մարտի 1-ը որպես հենման կետ ունենալով եւ ընթացիկ պայքարը տեղադրելով այդ տրամաբանության համատեքստում` քաղաքացին, ժողովուրդը, ընդդիմությունը ստանում է հոգեբանական առավելություն եւ արձանագրում, որ չնայած իր վրա կրակել են, չնայած իրեն սպանել են, չնայած իրեն բանտարկել ու հետապնդել են` ինքը կանգուն է, ինքը պայքարը շարունակում է, եւ ինքը պատրաստվում է վճռական հարվածի։ Այս հոգեբանությունը հակառակ կողմի համար ակնհայտ է դարձնում արյունահեղության անիմաստությունը, եւ ընդհակառակը` նման փորձի կրկնությունը ավազակապետության եւ նրա առանձին ներկայացուցիչների համար դարձնում ծայրահեղ վտանգավոր ու անկանխատեսելի։ Ոմանք ասում են, որ եթե անհրաժեշտ լինի, իշխանությունը եւս հազար հոգի կսպանի։ Մեզ հարկավոր է այնպիսի հոգեբանական վիճակ, որ իշխանությունը հասկանա, որ անգամ տասը հազար հոգու սպանելով` չի կարողանալու կասեցնել պայքարը։ Իսկ որպեսզի նման վիճակ ստեղծվի, մեզնից յուրաքանչյուրը պետք է հոգեբանորեն պատրաստ լինի դառնալ այդ տասը հազար զոհերից մեկը։ Այս պայմաններում, որեւէ մեկի զոհվելու կարիք չի առաջանա։

Դիլեմա թիվ 2

Իսկ գուցե Հայ ազգային կոնգրեսը պետք է մի կողմ դնի արտահերթ նախագահական ընտրությունների պահանջը եւ փորձի ուրի՞շ քաղաքական խնդիրներ հռչակել։ Օրինակ` կենտրոնանալ Երեւանի քաղաքապետի` առաջիկայում սպասվող ընտրությունների վրա։ Այս տարբերակը որոշակի քննարկումների տեղիք, անշուշտ, կտա, մանավանդ` հնարավոր է փաստարկել, որ կարելի է այդ ընտրությունները օգտագործել ներքաղաքական պրոցեսները արագացնելու համար։ Տեսականորեն` սա հիմնավոր փաստարկ է։

Բայց այն դիտարկելու համար հարկավոր է հաշվի առնել մի պարզ իրողություն։ Անկախ նրանից, թե ինչ արդյունքներ կգրանցվեն քվեարկության ընթացքում, իշխանությունը քաղաքապետի ընտրություններում հայտարարելու է իր նախապատրաստած արդյունքը, այնպես, ինչպես արեց 2008-ի նախագահական ընտրություններում, 2007 թվականի խորհրդարանական ընտրություններում, 2003 թվականի նախագահական եւ խորհրդարանական ընտրություններում։ Իհարկե, կարելի է այդ ընտրությունները բողոքարկել հանրահավաքային պայքարի եւ սրան զուգահեռ այլ միջոցներով։ Բայց էլի կանգնում ենք նույն դիլեմաների առաջ` պետք է Երեւանի քաղաքապետի ընտրություններից հետո մեկանգամյա՞ հանրահավաքներ անենք, թե հանրահավաքը պիտի լինի շուրջօրյա։ Իսկ եթե շուրջօրյա է հանրահավաքը կամ շուրջօրյա չէ, մենք ի՞նչ ենք ասելու մարդկանց. որ նորից կեղծեցի՞ն։ Է հա, գիտենք, բոլորս էլ գիտենք, գիտեինք, որ կեղծելու են։ Ի՞նչ է, ուրեմն, առաջարկվում. ահա այս կետից մենք վերադառնալու ենք ի շրջանս յուր։ Այնպես որ, տվյալ դիլեմայի լուծումը ակնհայտ է։

Սա, իհարկե, չի նշանակում, թե Հայ ազգային կոնգրեսը պետք է հրաժարվի Երեւանի քաղաքապետի ընտրություններից։ Պարզապես ահրաժեշտ է, որ այդ ընտրություններին մասնակցելու կամ թեկուզ` չմասնակցելու շարժառիթները հստակ լինեն Կոնգրեսի համակիրների, երեւանցի ընտրողների եւ ընդհանրապես` Հայաստանի հանրության համար։ Ընտրության կանխատեսելի ելքը չպետք է հարվածի Շարժմանը, իսկ անկանխատեսելին, հասկանալի է, միայն օգուտներ կբերի։

շարունակելի

ՆԻԿՈԼ ՓԱՇԻՆՅԱՆ

Փետրվար 19, 2009

  • Print this article!
  • E-mail this story to a friend!
  • Facebook
  • TwitThis
  • Google
  • MySpace
  • Technorati
  • LinkedIn
  • del.icio.us
  • Digg
  • StumbleUpon
  • Tumblr

ՀՈԴՎԱԾՆԵՐ , , ,


  1. ashxen
    Փետրվար 19th, 2009 at 12:03 | #1

    jishtn asatc shurjorya hanrahavakneri voroshum petke voroshi motaka hanrahavak@,dra tvakanak@ ev hanrahavaki energetik dasht@.isk yd amenin hasnelu hamar petke,inchpes du es asum Nikol jan,petke lini hayreniki u petucyan handep jurakanchyuris mec patasxanatvucyan zgacum@.ajy sa e berelu 1milion mard`24 jam nranc heranalu hamar banadzevin.es,iravunk verapahelov indz xosel HAYASTANI HANRAPETUCYAN AZAT ERITASARDUCYAN ANUNI,asum em`anelu enk hnaravor-anhanar amen ban hasnelu mer cragreri iragorcman@usti `PAYQAR_PAYQAR MINCHEV VERJ….

  2. Փետրվար 19th, 2009 at 16:37 | #2

    Esh esh heriq a durs tas!!!!!!!!!

  3. hay
    Փետրվար 19th, 2009 at 18:41 | #3

    Joxovurd marti 1@ mer payqari sharunakutyunna , ekeq hanrahavaqi, ekeq amboxj @ntaniqov, mi vaxeceq , inchic eq vaxenum vor eli kkraken????
    isk tun@ nstac chen krakum? habrgacneri dexnaktuc tuleq@ avtoyi tak mard chen qcum u anpatij mnum? liskan chi brnabarum ?, lyovik@ chi spanum?, dod@ chi arevangum? nemec@ chi xlum?B- i txa vostikanner@ chen cecum joxovrdin amen astcu or?

  4. yervand
    Փետրվար 20th, 2009 at 02:43 | #4

    axr cav@ gitek vorna zoxovurd? orinak@ ka che koxqi hanrapetutyunum vonc exav ed hexapoxutyun@….kam ukrainayum….petka shat mec mardkanc tiv lini….milion te inchqan kaevor chi petk enqan lini vor bolor@ zgan vor da shat shata….bajc mjus koxmic el chishta vor ete robert@ ed arunaxum chler tenc ban cher ani ktoxein ketayin…ed mi harcum hamadzayn em aramm abarahamyani het vor ed sax texi unecav roberti arandznaki dazanutyan patcharov…voch serz€ voch el levon@ voch el vazgeb@ zovovrdin tenc chein spani voncor vor da arec!

  5. yervand
    Փետրվար 20th, 2009 at 02:45 | #5

    ham el aryun@ aryuna cnum…ete chler hoktemebri 27 kam ete ayn bacahaytver mnchev verch cher lini mrti mek..hima el ete chbacahaytvi marti mek klini mi nor ban…u senc sharunak..petka es aryunali shxtanyin verch tal…

  6. yervand
    Փետրվար 20th, 2009 at 02:46 | #6

    u hay zoxovurd@ eli nuyn @ntrutyan araga inch 15 tvin er….kam hlu hnazand kotorvi u paxni kam el votki kangni u payqari…

  7. Փետրվար 20th, 2009 at 23:26 | #7

    SIRELI HAY JOXOVURD! ERBEK MI HAMAKARPVEK AYN MDKI HET TE ISHXANAPOXUTYUNE HNARAVOR CHE! HAVATACEK KYANKUM ANHNAR BAN CHKA< ISHXANUTYANE KICHE MNACEL AYSPES KOCHVAC SERAROBAKAN ISHXANUTYUNE SHAT TULE EV ENDAMENE MEK ELEKRAKAN IMPULSE ANRAJESHT YURAKANCHURIS UEXI MECH VOR MENK HAXTENK! AYD IMPULSE PETKE NOR PAYQARI SKIZB DARNA EV KDARNA! BOLORS DEPI HANRAHAVAQ MARTI 1-IN! MI MARDU PES! ZGACEK DZES MARD VERCHE VERCHOV! SIRELI JOVOVURD MENK ARDEN HAXTELENK HAXTANAKE MER UXEXUME EV AYN ENDAMENE PETKE FIZIKAKAN IRAKANUTYUN DARNA!!!

  8. David A
    Փետրվար 21st, 2009 at 02:31 | #8

    aveli lav e @ntrel 2@! Payqari uxin, u payqarel minchev verj! Hamozvac em et depqum haxtelu enq!!!

  9. Edgar
    Փետրվար 21st, 2009 at 03:56 | #9

    ai AAA, vay AAA anem qez ha, normal ban karox es xosal ai dursprcuki meky…..

  10. Artak
    Փետրվար 22nd, 2009 at 19:39 | #10

    Հարգելի Նիկոլ

    կցանկանայի խոսել դիլեմա մեկի` վճռական հարվածի և դիլեմա երկուսի` հետագա անելիքների մասին ՀՀ բնակչության անունից (ոչ թե հայ ազգի, ոչ թե հայ ժողովրդի ոչ թե ՀՀ քաղաքացիների այլ բնակչության)
    նախ փորձեմ ինձ և ինձ նմանների համար ճշգրտել (ես շարքային քաղաքացի եմ նաև շարքային ցուցարար)ում եմ հասցնում վճռական հարվածը, ինչ մեխանիզմով և ամենագլխավորը ինչի համար: Ենթադրվում է որ հարվածել պետք է ուզուրպատոր իշխանությանը հանրահավաքի միջոցով իշխանափոխության համար:
    Ինչքանով է իշխանությունը ուզուրպատոր (այնքանով ինչքանով ապացուցելի է տվյալ հանգամանքը), ընդգծված ընդդիմադիրներիս համար դա թերևս անժխտելի է ( եթե համարենք որ Հայաստանում ամեն երկրորդ քաղաքացին ընդգծված ընդդիմադիր է, ինչը իմ խորին համոզմամբ այդպես չէ, ապա մենք կկազմենք բնակչության ընդամենը 50%-ը ինչը դեռևս բավարար չէ ), չկողմնորոշված հատվածի համար այս փաստը անժխտելի չէ քանի որ լինելով չկողմնորոշված նրանք ընտրությունների ընթացքում փաստերի մեջ չեն խորացել պարզապես գնացել և ընտրել են իսկ այս մեկ տարին ավելի է մթագնել նրանց հիշողությունը (սրանք ևս կազմում են զգալի տոկոս), ծախվածների և ահաբեկվածների հատվածը սրանց այլ կերպ կոչում են լռակյաց մեծամասնություն ահա սրանք են կազմում նշանակալի տոկոս իսկ սրանց համար ուզուրպատոր բառի իմաստը անհասկանալի է կամ նրանք թքած ունեն այդ իմաստի վրա իսկ իշխանություն կամ իշխանավոր կոչվածը նա է ով հարվածում է իրենց գլխին այլ ոչ նա ով բարեկեցիկ ապագա է խոստանում հանրահավաքներում (ապագան հեռու է ու անորոշ իսկ հարվածները անմիջական են ու ցավոտ) ցավոք դեպքերի մեծամասնությունում մենք դեռևս գործ ունենք հին ժամանակներում ստրուկ կոչվող մարդկային այս տեսակի հետ մի խոսքով սրանց համար սերժը միանշանակ իշխանություն է այլ ոչ ուզուրպատոր կամ չգիտեմինչ:
    Եվ այսպես հարվածում ենք հանրահավաքի միջոցով: Իմ կարծիքով հանրահավաքի միջոցով կարելի է միայն ներկայացնել սեփական քաղաքական դիրքորոշումը այս կամ այն հարցի վերաբերյալ, կարելի է իհարկե նաև ժողովուրդ դաստիարակաել, ստեղծել, կայացնել որ գնա և գիտակցված ընտրություն կատարի և ընտրի արժանավոր իշխանություն բայց սա տասնամյակների հարց է եթե չօգտվենք հեռուստատեսության ընձեռած հնարավորություներից, բայց հարվածել հանրահավաքի միջոցով դժվարանում եմ պատկերացնել: Հարվածում են օրենքով եթե գործում է օրենքը կամ այլ հարվածային գործիքներով եթե չի գործում օրենքը:
    Ինչի համար ենք հարվածում իշխանափոխության?: Ինչ օգուտ այդ իշխանափոխությունից եթե միևնույն է այդ նոր իշխանության մեջ սողոսկելու է հասարակության տականքը (զուտ մաթեմատիկորեն դրանք ավելի շատ են շնորհակալություն սովետական և այլ կայսրություններին որ մեր նման հպատակ ժողովուրդներին այդպիսին են սարքել): Էջմիածին քաղաքում փոխվեց իշխանությունը իսկ ինչ փոխվեց դրանից հետո: Ոչինչ: Իսկ մարդկանց պետք են հուսադրող օրինակներ: Ցույց տվեք մարդկանց մի գյուղ ուր իշխանության է եկել ՀԱԿ-ի ներկայացուցիչը և բարելավել բնակչության պայմանները (ցավոք սա է մեր ժողովրդի մեծամասնության հիմնական պահանջը) և այդ գյուղը հաջորդ ընտրությունում թե կընտրի ՀԱԿ-ի ներկայացուցչի և թե փաստացի տեր կկանգնի իր ձայնին:
    Հարգելի Նիկոլ մենք ավելի լավ սկսեցինք ճանաչել մեր ժողովրդին: Ժողովրդի մեջ կան այնպիսիք որոնք պատրաստ են կանգնել զրահատեխնիկայի առաջ իրենց գաղափարների համար և կան նաև այնպիսիք որոնք հինգ հազար դրամի կամ հինգ հարյուր հազար դոլարի դիմաց կարող են հայլուրով անվրդով նայել թե ինչպես են գնդակահարում իրենց համերկրացիներին:
    Մենք պետք է զբաղվենք ժողովրդափոխությամբ, ժողովրդաստեղծմամբ ազգաստեղծմամբ: Սա տեղի է ունենում կամ ներքևից երբ ժողովուրդի ճնշող մեծամասնությունը գիտակցում է դրա անհրաժեշտությունը կամ վերևից երբ իշխող վերնախավն է գիտակցում դրա անհրաժեշտությունը կամ կողքից երբ հարևան կայացած ազգին ձանձրացնում է իր կողքի անկանխատեսելի խառնամբոխը և վերջինս հանձն է առնում այդ խառնամբոխի դաստիարակությունը: Ահա և իմ պատկերացմամբ մեր հետագա անելիքները:

    Հանրահավաքում ձեր ասելիքը խնդրում եմ ուղեք այս խառնամբող կամ ստրուկ կոչեցյալին դուք այն 400 000 մարդուն որոնք ներկա էին մարտի մեկին ավելացնելու ոչինչ չունեք մենք նորից գալու ենք հանրահավաքի ու նորից կանգնելու ենք Լևոնի կողքին Ձեր կողքին նույնպես կկանգնենք եթե դուք ներկա լինենք:

  11. Սուրեն
    Փետրվար 23rd, 2009 at 13:25 | #11

    Արտակ ջան, շատ լավ կարծիք էր: Շատ ճիշտ դիտարկումներ են:
    Միայն կուզեի ասել, որ մեր փոքր երկրի համար 400000 մարդ, որ պատրաստ են կանգնել տանկերի առաջ, դա արդեն շատ լավ է: Գումարենք դրան ևս 600000 մարդ, որ ատում են այս իշխանություններին, բայց դեռ պատրաստ չեն կանգնել տանկերի առաջ: Գումարենք դրան այն մարդկանց, որ նոր-նոր են սկսում ատել այս իշխանություններին` տնտեսական, ֆինանսական և այլ` վրա հասած ճգնաժամերի պատճառով: Գումարենք դրան այն շատ-շատ “չինովնիկներին”, որ այսօր պաշտոն ունեն, բայց երբ Սերժիկի խորտակվելու պահը գա, կփախնեն կողքից /այդպես կանի մեծամասնությունը/: Մի խոսքով, ավազակապետության վերջն ուղղակի անխուսափելի է:
    Ինչ վերաբերում է դրան, որ Հայաստանի 50 տոկոսն է ընդամենը պայքարող, կամ ավելի քիչ, ապա միշտ որոշողը բնակչության ակտիվ մասն է: Իսկ այսօր ակտիվ մասը ընդդիմադիր է: Պայքարողները ընդդիմադիրներն են: Հինգ հազար դրամանոց քաղաքացիք պայքարող չեն:
    Իսկ ինչ վերաբերում է դրան, որ մենք պետք է զբաղվենք ժողովրդափոխությամբ` լիովին համաձայն եմ և կարծում եմ, որ այդ գործըթացն արդեն սկսվել է:
    ՀԱՂԹԵԼՈՒ ԵՆՔ:

  12. ashot_tiko
    Փետրվար 23rd, 2009 at 21:47 | #12

    Shurjorva hanrahavaq!!!

  13. iskakan hay
    Փետրվար 25th, 2009 at 05:44 | #13

    esor araji angam em mtel es sayt yev mtacum em, es mardik, Nikol-ic sksac , mite sranq xelagarvel en? Inch vor tver, fantasia-ner, od-i mej hexapoxutyun-ner…

    Amenayn patasxanatvutyamb haytararum em:

    voch marti mekin voch abril-i mek-in, yerbeve, voch mi mard chi kanqnelu levon Charagorc-i koxk-in. Isk Nikol, du vor lav-lav Goebbels-i nman hskayakan blanner es anum, ba kach exir, Hayastan ari es gorc-e du hajoxcru. Vaxenum es bant-ic? Te tank-eric? Du aveli lav-n es kan jhankirian-e Sasun Mikayelian-e Smpat Ayvazyan-e? Ba inchi Du u Grzo-n, Vano-n jakatabac chek galis Hayastan dser nerkayacrac “zhoghovrd”i koxkin linelu yev hanun azatutyan nuynisk zohvelu. Bayc nuyn aten asum eq mardkanc “paykar…paykar”

    Vaxkot eq Baron Pashinyan. Amot dsez!

  14. Hayastanci
    Փետրվար 25th, 2009 at 10:42 | #14

    Արա այ դաս տվող սփյուռքահայ, այ անբարոյական, դու ո՞վ ես, որ մեզ ու Նիկոլին սովրացնես, թե մենք ինչ անենք մեր երկրում: Այ գանդոն, էդքան դուխով տղա ես, խի՞ ես վեր ընգել Ամերիկաներում, Կանադաներում ու Եվրոպաներում, բա հել արի Հայաստան, այ Սասուն Միքայելյանի անուն տվող ու կամֆորտի մեռած բանան ուտող: Երբ որ կգաս Ազատության հրապարակում մեր կողքին կկանգնես, էն վախտ էլ իրավունք կվաստակես մեզ կամ Նիկոլին դաս տաս, եղա՞վ: Տեղդ վեր ընգի, դոլար աշխատի, մեկ մեկ էլ կիրակիները գնա դաշնակցական կլուբ-մլուբ` Հայլուր նայելու: Դու էս երկրի ներքին գործերին չխառնվես!

  15. Hayastanci
    Փետրվար 25th, 2009 at 10:44 | #15

    Արտակ, հալալ ա, ախպեր ջան:
    ՀԱՂԹԵԼՈ՛Ւ ԵՆՔ:

  16. Սուրեն
    Փետրվար 25th, 2009 at 13:51 | #16

    iskakan hay, ճիշտն ասած, երևում է, որ դու ոչ միայն այս կայքն ես առաջին անգամ մտել, այլև չես էլ կարդացել շատ և շատ կարևոր դրույթներ, որ Նիկոլը հնչեցնում է: Այլապես էդ կարգի մերկապարանոց հայտարարություններ չէիր անի: Չնայած, հնարավոր է, որ դու ուղղակի հերթական սադրանքն ես փորձում իրականացնել այս կայքում: Հնարավոր է: Եթե ոչ` կներես:
    Եթե այո` չի սացվի:
    Ինչ վերաբերում է դրան, որ Լևոնի կողքին ոչ-ոք չի կանգնի, ապա երևի տեղյակ չես, չես տեսել, չես լսել, որ Լևոնի կողքին այսօր արդեն ժողովրդի մեծամասնությունն է կանգնած:
    Իսկ ինչ վերաբերում է դրան, որ մեր հեղափոխությունները վիրտուալ են` ցանկացած ծրագիր նախ և առաջ պետք է ծնվի մեր ուղեղում, իսկ դրանից հետո միայն ի կատար ածվի: Դե ուրեմն, մեր ուղեղներում հեղափոխությունը արդեն ծնվել է, իսկ ի կատար ածելու գործընթացը վաղուց սկսվել է: Մեզ ոչ մի սադրիչ, ոչ մի սադրիչիկ, որ մի սադրիչուլիկ չի կարող շեղել մեր բռնած ուղղուց: Չուզողներին խորհուրդ կտամ վալերիանկայի օգնությանը դիմեն:
    ՊԱՅՔԱՐ, ՊԱՅՔԱՐ ՄԻՆՉԵՎ ՎԵՐՋ:

  17. Artak
    Փետրվար 25th, 2009 at 17:19 | #17

    Տղերք կարծում եմ իմ նախորդ վերլուծական փորձը ինչ որ առումով կիսատ եր մնացել քանի որ ես մոռացել էի գաղափարական մարտիկների, չկողմնորոշվածների, ծախված կամ ահաբեկված բնակիչների թվերին ավելացնել այսպես կոչված “իսկական հայերին” որոնք ինչ խոսք էլի հայ են բայց ես խիստ կասկածներ ունեմ որ որևէ սփյուռքահայ իրեն կարող է կոչել իսկական հայ, հարգելի սփյուռքահայեր կոչեք ձեզ հայկական արմատներով իսկական ամերիկացիներ, իսկական կանադացիներ, իսկական կիրգիզներ վերջապես, դա կարծում եմ ավելի ճիշտ կլինի քանի որ ապրում և աշխատում եք ձեզ` մազապուրծ եղածներիդ կամ ավելի ճիշտ սեփական հայրենիքը թողած փախածներիդ, ընդունած երկրի համար, պատեհ անպատեհ հիշելով սեփական արմատները:Բնակչության այս տեսակը նախորդ երեք խմբերի համեմատ չափազանց ինքնավստահ է դատելով նրանց ամենայն պատասխանատվությամբ արվող հայտարարություններից: Սրանց ինքնավստահությունը թերևս գալիս է նրանից, որ մեր ողորմելի իշխանավորները պարբերաբար դրամահավաքներ են կազմակերպում և էս վերջիններս ինչ որ մուծումներ են անում Հայաստան հիմնադամ կոչվող կառույցին: Այս առումով կարծում եմ մենք ևս մի քանի տարի պետք է ըմբռնումով մոտենանք նրանց ամպագորգոռ բայց ըստ էության դատարկ հայտարարություններին մինչև որ ինքներս ամբողջությամբ կկարողանանք հոգալ մեր երկրի ֆինանսական խնդիրները (պայմանով եթե տապալենք մեր մուրացկան կառավարությանը և մեր մեջ նստած մուրացկան հային): Հիմա անցնենք ամենակարևոր հարցին ինչ ազդեցություն ունի բնակչության այս տեսակը մեր երկրի կյանքի վրա: Քաղաքական առումով կարծում եմ ոչ ավել քան 0.1 % այն էլ միջնորդավորված: Սխեման հետևյալն է դաշնակները այս զանգվածի մոտ պարբերաբար ողբում են կորսված հայրենիքը և դրամ մուրում խոստանալով այն վերադարձնել սրանք ել իրենց հոգու հանգստության և իրենց պապերի կողմից հայրենիքը թուրքին հանձնելու նվաստացուցիչ հանգամանքը թեթևացնելու համար որոշակի գումար են տալիս այս կուսակցությանը: Իսկ հարյուրտասնութամյա կուսակցությունը Հայաստանում այդ փողերով տարեկան մեկ անգամ կազմակերպում է ջահերով երթ և թուրքական դրոշների հրկիզում, դրանով որոշ մարդկանց մոտ մի քանի ժամով բարձրացնելով կորսված ինքնագնահատականը, իսկ տարվա մնացած օրերին զբաղվում է անտառակերությամբ, նարկոբիզնեսով, կրթական համակարգի կազմաքանդմամբ բայց սա արդեն այլ հարց է: Մի խոսքով մարդկային այս տեսակը քաղաքական առումով որոշիչ չէ մեզ համար սակայն տնտեսական առումով դեռևս որոշակի դեր խաղում է և նեղացնել այս տեսակին տնտեսապես արդարացված չէ:
    Մենք ֆորումի մասնակիցներս մտահոգված ենք մեր երկրի ապագայով և քննարկում ենք երկրի զարգացման հետագա սցենարները ընդհուպ մինչև հեղափոխության միջոցով զարգացումը և ինչն ա էս ամենի մեջ զարմացնում կամ անհանգստացնում այս տեսակին ես չեմ հասկանում: Համենայնդեպս այս պահի դրությամբ դա էական չի մենք ավելի լուրջ խնդիրներ պետք է մեր առաջ դնենք և լուծենք քան դրանց հոգեխառնվածքը վերլուծելը:
    Պայքար, պայքար մինչև վերջ
    p.s. հայրենադարձ սփյուռքահայերը ինձ համար իսկական հայեր են

  18. iskakan hay
    Փետրվար 25th, 2009 at 19:43 | #18

    cicax-s galis a dser hivandakin , ISKAPES hivandakin vijak-e tesnelov. Uremn:

    Hayastan-i ancnagir unecogh-e ashkharh-i voryeve yerkrum gtnvi NUYN IRAVUNQ-E uni ir xosq-n aselu ir hayrenik-i masin. Inch a , yes nikolgrzoneric pakas em? Srank el Vano-yi yet Hayastan-ic PAXNAC blanner en anum 400,000 mard, 600,000 mard 1 million… CICAXELI.Hay azg-e lav sovorec ov a levonakan-e.Sa nororia Hayi makanunov turq-n a.

    Hayastan-i mej avazakapetutyan him-e drec Levon Ter Petrosyan-e, Vano Siradeghyan-i yev Vazken Sargsyan-i het miasin 1992-93 tverin. joghovurd-e lav haskanum e sa. Duq partvel eq. yev yerazel-e angam vor hhsh-akan mafia-n 2009-in , 2010-in , 2011-in 2012-in, 2013-in, 2014-in kam el 2100-in, baci eshacac maximum 1000 baravneric u mi 500 sexual bartuytneric tarapox himasksela tgha-axchikneric, voch mekn el chi kanknelu Levon Charagorc-i koxk-in.

    Isk Mart-i mekin hishek yerku iskakan nahataknere: 2 vostikannere voronk verji zohern eyin Levon Charagorci u nra vayrenineri.levonakan-i miak tegh-e Hayastan-um bant-n a.

    payqar minchev verj levonakan mafiayi dem!

  19. Սուրեն
    Փետրվար 26th, 2009 at 01:20 | #19

    iskakan hay, ընդամենը երկրորդ քոմենթն ես գրում, բայց արդեն կրկնվում ես:
    Մի փոքր ավելի լավ ծանոթանայիր այս կայքում հնչեցրած մտքերին` և Նիկոլի կողմից, և այցելուների, ու էդպիսի բաներ չէիր գրի:

    Դու նորից ասում ես, որ հայ ժողովուրդը գիտի, թե Լևոնը ով է, և դրա համար չի կանգնի Լևոնի կողքին: Ստիպված եմ կրկնել` հայ ժողովուրդը արդեն կանգնած է Լևոնի կողքին:
    ՊԱՅՔԱՐ, ՊԱՅՔԱՐ ՄԻՆՉԵՎ ՎԵՐՋ: ՀԱՂ-ԹԵ-ԼՈՒ-ԵՆՔ:

  20. iskakan hay
    Փետրվար 26th, 2009 at 10:08 | #20

    Ohhh Nikol Pashinyan-i gaxaparnerin arden mi 12 tari canot em. Iskakan utopia-um e aprum ed marduk-e. +1 +1 +1 +1 (hishum eq che?).

    Yes espes bacatrem.
    Amen mard (nuynisk idiot) kyank-um unenum a asteghayin jam. Bravo Nikol-in nra asteghayin jam-e hrashali stacvec Petrvar 2008-in.Halal a. Ba heto? vortex a paxnel?
    Mard vor ir entaniq-in ir anchapahas erexek-in ter chi kangnum, ed vonc uzum eq ter kangni hayrenik-in. txamard a togh ga Hayastan. Amenavat-e vor patahelu a nra hed, ir “hexapoxakan” idealneri hamar bant a nstelu. 7-i gorc-e 8-i gorc a darnalu.himaskselaner, harcrek nran khndrem, es vortegh a?

    Isk Miakani-n nstel a tan-e (eh, vonc vor 98-i petrvar-e lini). Mec AMOT a aprum et mard-@.Sa hskayakan caxoghutyun er HHSH-i hamar. Isk ink-e vonc a nayelu sasunalikhakobjhangirianneri achkerum , et nran harcrek. isk vor asum ek arachin naxagah, jisht ek asum:
    ARACHIN NAXAGAH-e vor avazakapetutyun himnadrec(1992 tiv)
    ARACHIN NAXAGAH-e vor kusakcutyun/ter pakec (1994 tiv)
    ARACHIN NAXAGAH-e vor oligarxya himnadrec (hantsin Telman axberi)
    ARACHIN NAXAGAH-e vor mard spannec (amenaverchi zoher, 2 vostikan Marti mek-in). Yevayln yevayln.

    Uremn dsez maxtum em bari yerazner , Aramik Sargsyan-i het kef arek kofee-yi bazhak-in nayeq et gani orvanic es ishxanutyunnere heranum, asek menk el uraxanank. Kam el 1 million-e yerb a havaqvelu .Nikol-in sarqelu enk naxagah, Marxist David-in el varchapet. Lav a linelu, de amen mard ir kometya-yov.
    de eli…
    Kikos-i mah-e 2009 tiv

  21. Սուրեն
    Փետրվար 26th, 2009 at 12:51 | #21

    iskakan hay, նորից կրկնվում ես:
    Էդ ասածներիդ արդեն պատասխանած ա:

  22. Մինաս
    Մարտ 14th, 2009 at 11:38 | #22

    “iskakan hay”,գնելով կացութըան անձնագիր չես դարնա Հայաստանի քաղաքացի, պիտի վաստակես այն, իսկ դու ինչ ես արել Հայաստանի համար?, քեզ նմանների համար Հայաստանը միայն հարստանալու աղբյուր է,միայն քննադատելու առարկա:Այնքան ապուշ ես, որ ինքտ քեզ հակասում ես, էտ վոր բանտւմ գտնվողնա իր ընտանիքին տեր կանգնաց?վախկոտ ես անվանում?Իսկ դու ինչու Սեֆիլյանի և Հացպանյանի կոխքին չես?Դու երևի հեռվից ես հայրենասեր չե,տենց երեվի ավելի հարմար է, տեղտ տաք,ապահով:Քո նման պոռնիկ-դավաճանների պատճառովա դժվարանում մեր գործը:Ինչու դաշնակներին չես քննադատում, այ “հայրենասեր” որ ձեզ ռեկետ են անւմ? վախենում ես?բա ինչով ես դու հայ?ինտերնետում հերոսութըուն անելով?Ուր էիր դու մարտի 1-ին, ում ծակն էիր մտել?վոր հայ լինեիր կիմանաիր օվա երկու զինվորներին կրակել:Ինչու չես խոսում բարցրաճայն քոչարյանի հարստությամ մասին? վախենում ես? Ուրեմն ճայն կտրիր ու մտիր այն ծակը, որտեղից դուրս ես եկել, քո նմանները հայ կոչվելու իրավունք չունեն:

  1. No trackbacks yet.