> ՀԱՐՑ-ՊԱՏԱՍԽԱՆ, ՀՈԴՎԱԾՆԵՐ > ՆԻԿՈԼԻ ՊԱՏԱՍԽԱՆԸ ALLA-ԻՆ

ՆԻԿՈԼԻ ՊԱՏԱՍԽԱՆԸ ALLA-ԻՆ

Հարց ALLA-ից

Լեւոն Տեր-Պետրոսյան. մտախոհMi avazakapetutiune tsankanum ek poxarinel mek urish avazakapetutiamb??? Xosks LTP-i avazakapetutian masin e! Inchu ain jamanak cheik paykarum? Nra orok tesanq kusaktsutian pakum, Marukhyani artaksum, terti pakum, patgamavorneri tsetsum /i dep aysor dzer kokgkin kangnats u jar asogh dzer gortsenker Mushex Saxatelyani koghmits - VOXBAM QEZ HAY JOXOVURD, berdi NADZIRATEL, takank Mushex saxateliann e votki kangnel paykarelu Hayastani prkutian hamar ev Matenadaranic jarer e asum… AMOT E!!! Mi angam dzer shurje nayeq! Ed ovqer en yelel payqari? Naxkin goghern u talanchinere??? Amot e!! Smbat ayvazyannern u mushegh saghatelyannere tegh chunen … ! Isk dzez xorhurd ktam - qich ureq u pchveq, karogh e traqeq, puchiknere shat shut en paytum. Aysor inch ailandakutiunner vor arka en mer Hayastanum, dranc himqe drel e HHSH-n u dzer sireli levone!!! miayn kuyre da chi tesni. Ev dzer nman takanknere het darci janaparh chunen ev dzez nman kextotnere chen karogh irents kextot dzerqerov payqarel…

Նիկոլի պատասխանը - Հարգելի Ալլա. ինձ ճիշտն ասած, զարմացրեց ձեր արած «նախկին գողեր եւ թալանչիներ» արտահայտությունը: Ստացվում է, որ դուք այնքան էլ դեմ չեք գործող գողերի ու թալանչիների ընկերակցությանն ու գործունեությանը: Եւ ավելին, դուք կարծես սարսափում եք այն մտքից, որ ձեր համակրելի գործող գողերն ու թալանչիները կարող են զրկվել գողանալու եւ թալանելու հնարավորությունից: Կներեք, բայց այն, ինչ դուք գրել եք, ստանդարտ ձեւ է, ասելիքի բացակայությունը թաքցնելու ստանդարտ ձեւ: Եթե դուք ինչ-որ անուններ եք տալիս, ինչ-որ բաներ ասում, ես նույնպես տամ անուններ. ՀՅԴ բյուրոյի ներկայացուցիչ Հրանտ Մարգարյան, որը ինչպես տեղեկացել եմ Սերժ Սարգսյանի ստորագրած մի պաշտոնական փաստաթղթից եւ որը հրատարակվել է «Հայկական ժամանակ» օրաթերթում, լրջագույն կապեր է ունեցել նարկոբիզնեսի հետ: Այն ժամանակ, երբ դաշնակցությունը փակվում էր, ես իմ դիրքորոշումները հստակ արտահայտել եմ, եւ այդ դիրքորոշումներին կարող եք ծանոթանալ ժամանակի մամուլում: Եւ ընդհանրապես, ցանկության դեպքում կարող եք տեղեկանալ, թե ձեր նշած «այն ժամանակ» ինչով էի զբաղվում: Բայց եթե դուք անուններ եք տալիս, խնդրում եմ մի զլացեք ասել, թե ասենք Մաքսայինի նախկին պետ Արմեն Ավետիսյանի, գործող պետ Գագիկ Խաչատրյանի եւ շատ նախկին պետ Սմբատ Այվազյանի միջեւ ի՞նչ համեմատություն գոյություն ունի: Դուք Սմբատ Այվազյանի անունը տալիս եք, որպեսզի մենք չնկատենք, հա՞, Արմեն Ավետիսյան եւ Գագիկ Խաչատրյան երեւույթներին, ովքեր այդ պաշտոնում մուլտիմիլոնատեր են դարձել, եւ որոնց միակ մեղմ բնորոշումը «մաֆիոզն» է:

Հարգելի Ալլա, մյուս կողմից դուք մոլորության մեջ եք, եթե մտածում եք, որ այս պայքարը Սմբատ Այվազյանի եւ Մուշեղ Սաղաթելյանի պայքարն է: Ազատության հրապարակում գտնված հարյուր հազարավոր մարդիկ ձեզնից պակաս տեղեկացված չեն հարթակում գտնվող մարդկանց անցյալի ու ներկայի մասին, բայց նրանք պայքարի մեջ են ոչ թե հարթակում գտնվող մարդկանց սիրույն, այլ հանուն իրենց իրավունքների: Տիպիկ հայլուրային մոտեցում է ձեր ասածը` հարթակում գտնվողները գող են ու թալանչի, իսկ հրապարակում գտնվողները բոմժեր: Եթե ձեր սիրած իշխանությունը Սմբատ Այվազյանի եւ Մուշեղ Սաղաթելյանի նկատմամբ չարաշահումների մեղադրանքներ ունի, թող ուրեմն դատեն նրանց այդ մեղադրանքներով, եւ մենք կծափահարենք այդպես վարվողին, նրանց մեղավորությունը հիմնավորողին: Բայց Սմբատ Այվազյանն ու Մուշեղ Սաղաթելյանը այսօր քաղբանտարկյալ են, եւ նրանց ծիծաղելի մեղադրանքներ են առաջադրվել: Մի անգամ էլ Մուշեղ Սաղաթելյանին դատել են այն բանի համար, որ դուխ է ունեցել Ռոբերտ Քոչարյանի աչքերի մեջ նայելով ասել, որ կասկածում է, թե հենց Ռոբերտ Քոչարյանն է կազմակերպել հոկտեմբերի 27-ը` նախկին դաշնակցական Նաիրի Հունանյանի հետ: Ի դեպ, ասում են` դաշնակցականը նախկին չի լինում. դուք այդ մասին տեղյակ կլինեք, այս էջ կայքի այցելուներին լուսավորեք այդ մասին: Նաեւ լուսավորեք, թե ինչո՞ւ այդ դաշնակ ընկերները մինչեւ այսօր բանտերում են թողել իրենց ընկերներ Արմեն Մնջոյանին, Արսեն Արծրունուն եւ ուրիշներին: Լեւոնը եւ Մուշեղը վատն էին, ապօրինություն էին գործել, թող ուրեմն պուպուշ Ռոբերտն ու Սերժը Արմեն Մջնոյանին ազատություն շնորհեին, ինչո՞ւ չեն արել: Ինչո՞ւ Վահան Հովհաննիսյանը չի բողոքարկում իր դեմ ժամանակին հարուցված քրեական գործը, որի համաձայն իրենք պետք է խփեին Վազգեն Սարգսյանին եւ այդ սպանությունը վերագրեին Վանո Սիրադեղյանին: Իսկ ի՞նչ կասեք այս պայքարի մեջ ներգրավված այնպիսի անձանց մասին, ինչպիսիք են Ժիրայր Սեֆիլյանը, Վարդան Մալխասյանը, Գառնիկ Մարգարյանը, Ռուբեն Թորոսյանը, ովքեր դաշնակցության կողքին են եղել այդ կուսակցության համար ծանր օրերին, եւ 1996-ին էլ ընդդիմություն են եղել: Հիմա դուք ուզում եք ասել, որ ապագա իշխանությունը վա՞տն է լինելու: Չեմ փորձի անգամ վիճել այդ դրույթի հետ, ոչ թե այն պատճառով, որ համաձայն եմ այդ մտքին, այլ որովհետեւ իմ ասելիքը մարդկանց` ուրիշ է: Ես մարդկանց ասում եմ. սիրելի ժողովուրդ, եթե մեր Շարժման արդյունքում ձեւավորված իշխանությունը վատը լինի, դուք նրանից ազատվելու հնարավորություն եք ունենալու, եւ սա է դրված այսօրվա քաղաքական պայքարի գաղափարական հիմքում: Իսկ եթե չունենաք այդ հնարավորությունը, ուրեմն քար ու փայտ առեք, ու այդ իշխանությանը վռնդեք կառավարական կաբինետներից, անկախ նրանից, թե ինչ է այդ վատ իշխանության ներկայացուցչի անունը` Նիկոլ Փաշինյան, Սմբատ Այվազյան, Մուշեղ Սաղաթելյան, թե ինչ-որ ուրիշ անուն է: Հիմա մեր խնդիրը, ի դեպ, ոչ այնքան լավ իշխանություն ձեւավորելն է, որքան վատ իշխանությանը վռնդելը, վատ իշխանությանը վռնդելու փորձ եւ ունակություն ձեռքբերելը, նախադեպ եւ ավանդույթ հաստատելը, վատ իշխանությանը այդպիսին լինելու համար քաղաքական եւ ոչ միայն քաղաքական պատասխանատվության ենթարկելը: Որովհետեւ, քանի դեռ ժողովուրդը իշխանությունը իր ձեռքը չի վերցրել, քանի դեռ ժողովուրդը իշխանության օձիգից չի բռնել ու իշխանության օձիգը իր ձեռքը չի վերցրել, չի՛ լինելու Հայաստանում լավ իշխանություն: Հրեշտակներ շարեք իշխանական կաբինետներում, եւ նրանք շատ արագ կդառնան սատանաներ, եթե աչքի առաջ եւ հոգու խորքում չունենան ժողովրդի արդար ցասման վախը, եթե իրենց ծոծրակին չզգան ժողովրդի շունչը:

Հարգելի Ալլա. ձեզ թվում է, թե ձեր տված այդ անունները սարսափելի՞ են: Սխալվում եք, որովհետեւ ձեր այդ անուններին կարող են հակադարձել այսօրվա իշխանավորի ցանկացած անունով` սկսած Աղվան Վարդանյանից, վերջացրած Աղվան Հովսեփյանով: Ընդունելության քննությունները Հայաստանում երեւի դաշնակցական նախարար Լեւոն Մկրտչյա՞նը չէր ղեկավարում, երեւի նրա՞ն չի պատկանում «Վալեմ» հայտնի համալիրը: Եւ ասեմ ձեզ, եթե Մուշեղ Սաղաթելյանը, Սմբատ Այվազյանը կամ Նիկոլ Փաշինյանը որեւէ անձի նկատմամբ ապօրինություն են գործել, վաղվա Հայաստանի դատարանում այդ անձինք իրենց իրավունքները պաշտպանելու հնարավորություն են ունենալու, անձեռնմխելի հնարավորություն: Եւ այդպիսի հնարավորության ստեղծումն է մեր այսօրվա պայքարի նպատակը: Եւ վերջապես, այդ ի՞նչ թեզ է, թե «այսօրվա բոլոր այլանդակությունների հիմքը դրել է ՀՀՇ-ն ու Լեւոնը»: Է, 1998-ին ՀՀՇ-ն ու Լեւոնը հեռացան իշխանությունից: Ձեր սիրած իշխանությունը, դաշնակցությունը, 96-ի ընդդիմադիր Դավիթ Վարդանյանը, Սեյրան Ավագյանը, Տիգրան Սարգսյանը թող այդ հիմքերը քանդեին, լավ հիմքեր գցեին, ո՞վ էր նրանց ձեռքից բռնել: Սերժ Սարգսյանն ու Ռոբերտ Քոչարյանը, որ Տեր-Պետրոսյանի իշխանության տարիներին առանցքային պաշտոններ են զբաղեցրել, թող մի այնպիսի վիճակ ստեղծեին երկրում, որ Տեր-Պետրոսյանի քաղաքական վերադարձի պահանջարկ չառաջանար: Այս տասը տարիներն ընդամենը ապացուցեցին, որ այս համակարգի ճարտարապետը ոչ թե նրանք են, ովքեր 98-ին իշխանությունից հեռացան, այլ նրանք, ովքեր մնացին այդ իշխանության մեջ` ի դեմս Սերժ Սարգսյանի, Ռոբերտ Քոչարյանի, գալուստսահակյանների եւ այլոց: Լավագույն մաղթանքներս եւ ամենայն բարիք:

  • Print this article!
  • E-mail this story to a friend!
  • Facebook
  • TwitThis
  • Google
  • MySpace
  • Technorati
  • LinkedIn
  • del.icio.us
  • Digg
  • StumbleUpon
  • Tumblr

ՀԱՐՑ-ՊԱՏԱՍԽԱՆ, ՀՈԴՎԱԾՆԵՐ , ,


  1. Samvel
    Փետրվար 15th, 2009 at 04:16 | #1

    LSE AY alla AY PATRVAC PORNIK PARAPES MNACE MI QIC GIRQ KARTA VOCTE ANGRAGET ANGRAGET DUS TUR ES PAYKAR@ QO BAN@ CE DU AVELI LAVE PORNIKUTYONOV ZBAXVI BAYC URIS KAYKERUM HASKAZAR AY PATRVAC PORNIKKKKKKKKKKKKKKKKKKKKKKKKKKKKKKKKKKKKKKKK

  2. Տիգրան
    Փետրվար 15th, 2009 at 14:07 | #2

    Շնորհակալություն, Նիկոլ Ջա’ն:

  3. Փետրվար 15th, 2009 at 14:27 | #3

    Նիկոլ ջան, ծնդրում եմ էս կարգի հարցերի վրա էդքան ժամանակ մի ծախսի, միևնույնն է Ալլան այն չի հասկանալու: Դու ավելի կարևոր գործեր ունես անելու :)

  4. Edgar
    Փետրվար 15th, 2009 at 19:38 | #4

    Allan karcum em ete graget u mtacox mard e khaskana, patasxany bavakan hstak er u sparich, u es payqary hanun inch vor meki chi, ail hanun orinakan iravunqneri verakangnam, sa e xndiry. Indz tramabautyunn e spanum, jamanakin erb payqarum er Stepan Demirchany inch anun ases chein kpcnum, hima eli nuin tendency, lav duq mi aroxj gaxaparh unek eq yndunelu ev haskanalu kam arajarkelu?? Mievnuin e ais payqary aranc terahavatneri el e ir tramabanakan avartin hasnelu u en jamanak el iharke klinen payqari chakatner baic amenakarevory mardu orinakan iravunqneri hamakargi verakangnumn e, mnacacy kianq e vor bolors petq e aprenq.

  5. Սուրեն
    Փետրվար 15th, 2009 at 19:56 | #5

    Ապրես, ՆԻԿՈԼ ՋԱՆ:
    Անկախ դրանից, թե Ալլան անկեղծ էր արտահայտում իր մտահոգությունները /ինչի իրավունք բոլորն ունեն/, թե ուղղակի հերթական իշխանական սադրիչ էր` թող բոլորն իմանան, որ մենք մեր արածների ու ասածների համար պատասխանատու ենք:
    ՀԱՂԹԵԼՈՒ ԵՆՔ:

  6. Պայքա՛ր, Պայքա՛ր մինչև վերջ…
    Փետրվար 15th, 2009 at 22:28 | #6

    Սիրելի Նիկոլ: Խնդրում եմ այդքան ագրեսիվ մի եղիր, երբ քեզ հետ այդքան սիրալիր են: Ավելի լավ է ցույց տուր այս խաղաղասեր սերժականներին, որ մենք էլ կարող ենք լինել բարի ու հանդուրժող (իհարկե ոչ այդքան, ինչպես Սամվելը):
    Mi avazakapetutiune tsankanum ek poxarinel mek urish avazakapetutiamb???
    Մենք ավազակապետությունը ցանկանում ենք փոխարինել ժողովրդի իշխանությամբ: Երևի դու ժողովրդից չես:
    Inchu ain jamanak cheik paykarum?
    Դու պայքարերիր: Եթե այն ժամանակ պայքարում էիր, ապա ինչու հիմա էլ չես պայքարում? Եթե իշխանափոխությունից հետո նորից պայքարելու կարիք առաջանա, չկասկածես, ժողովուրդը նորից կպայքարի:
    terti pakum, patgamavorneri tsetsum
    Ա1+-ը չարժի, չարժի, մի թերթ էլ չարժի? Խնդրեմ, խնդրեմ, Բաբկեն Արարքցյանի նկատմամբ կիրառված բռնությունը 96-ի ընտրություններից հետո, ընդդիմության կողմից, ճիշտ նշեցիր:
    Aysor inch ailandakutiunner vor arka en mer Hayastanum, dranc himqe drel e HHSH-n u dzer sireli levone!!!
    Իհարկե, ՀՀՇ-ն այնքան ամուր հիմքեր է դրել, որ խեղճ իշխանությունները 10 տարում չկարողացան գոնե մի փոքր բարելավել ընդհանուր մթնոլորտը:
    Ev dzer nman takanknere het darci janaparh chunen ev dzez nman kextotnere chen karogh irents kextot dzerqerov payqarel…
    Այդ դեպքում կխնդրեմ, որ քո մաքուր ձեռքերով առաջ տանես այս համաժողովրդական պայքարը:

  7. Aram
    Փետրվար 16th, 2009 at 02:18 | #7

    VOXBAM QEZ HAY JOXOVURD - Erb es du maqrvelu alla-i nman takankic u kextic???

  8. ranger
    Փետրվար 16th, 2009 at 13:33 | #8

    պետք չի Ալլային վատ վերաբերվել: Նա ուղղակի ընկել է հայլուրների քարոզչության տակ ու շտապ օգնությունը դեռ չի եկել……
    Կասկածում եմ, որ դոկտոր Գեբբելսը կարող էր նման հմտորեն ուտել մարդկանց ուղեղը, ոնց որ հայլուրները…ու այդքան արագ…..Ալլայի դեպքում հայլուրը հասել է նպատակին

  9. Մարի Սյունե` Նիկոլի Համակիր
    Փետրվար 16th, 2009 at 14:04 | #9

    Հարգելի Ալլա.
    Ի դեպ. դուք այդքան էլ չզարմացրիք ո’չ ձեր ինտելեկտով, ոչ էլ “գրագետ” շարադրված հարցադրումներով.
    Պազրպաես ես չեմ կրկնվի, և ձեզ մի խորհուրդ կտամ,զբաղվեք ինքնակրթությամբ և ինքնադաստիրակակությամբ, որը չէր խանգարի ձեզ հետագայում:
    Ի դեպ երևում է, որ մտավոր հետամնացություն ունեք, մի բառով ասած` ապուշի մտածելակերպ և շիզնոֆերնյաի հատկություններ:
    Ձեր գրվածից ենթադրվում է, որ ձեր ստամոքսը ազդում է ձեր սրտին, որն էլ ի դեպ` ջղաձգության նոպաների առաջ է կանգնեցնում` ձեզ:
    Բայց խորհուրդ կտայի, որ այդ ջղաձգության նոպաներից ազատվեյիք և ձեզ կարողանայիք վերսհասկել: Ամեն դեպքում, դուք տեսաք ,թե այստեղ որքան Համակիներ ունեն և’ թե Մեծարգո Առաջին Նախագահն` Լեւոն Տեր_ Պետրոսյանը, և’ թե Փաշինյանը , և’ թե….մյուսները..
    Ձեզ մնում է միայն բուժվել և մնում է հետևեք `ձեր խոսքի կուլտուրային:
    Շնորհակալություն ընթերցելու համար :
    “Թանկագին” Ալլչկա,մի հարց._ Որքան էին քեզ վճարել, որ նման անգրագետ շարադրանքով էիք հանդես եկել;
    Ասացեք որքան է ձեր գինը, մենք կվճարենք դրա քառապատիկը::)
    Կարծում եմ հասակցաք ինձ:
    Ձեզ հաջողությաուն ` ալլչկա;;;;
    եւ փորձեք ձեր քիթը խցկել այնտեղ, որտեղ ձեր ասածները կարհամարվեն..
    Չկա ավելի ստորացուցիչ նվաստանք, քան `Արհամարանքն է….

  10. Lilit
    Փետրվար 16th, 2009 at 14:10 | #10

    Ov hayhoyum e, pornik@ inqn e-amot e, amot. Duq poxocayin xuzhan eq, te normal mardik. Verj tveq ed hayhoyelun. Bolorn el lezu unen ev karox en shat hangist hayhoyel. Allan el e sxal, vor takanq pitakavorumn e gortsatsum-charzhe, petq che. Menq nuyn erkri qaxaqaciner enq. Kareli e payqarel, payqarenq hanun mer iravunqneri, mer kyanqi lavacman, bayc heriq e tuyn tapeq, chi kareli. Atelutyamb ishxanutyan chen hasnum. u ete kartsum eq dimacinin takanq aselov, henc inq@ Levon Ter Petrosyan@ shahec, sxalvumeq. Hakarak@.

  11. Սամվել
    Փետրվար 16th, 2009 at 18:56 | #11

    Ժողովուրդ,էդ Ալլային ճանաչում եմ:Գալուստ Սահակյանի որդու՝ Արմանի բոզն է:

  12. Arm
    Փետրվար 16th, 2009 at 23:00 | #12

    Mersi Nikol jan, shat lavner

  13. yervand
    Փետրվար 18th, 2009 at 00:30 | #13

    es el hamadzyan nikoli het vor allan amenshat@ vaxenuma nranic vor iren sireli avazakapetutun@ karoxa hankarc poxarinvi mek urishov! ink@ siruma nerkayis azvazakapetutyan@ u sarsapum e mtkic nagam vor hankarc karox e dra verch@ ga!

  14. Արմեն
    Փետրվար 18th, 2009 at 01:39 | #14

    Հարգելի Նիկոլ, շնորհակալություն քաղաքակիրթ պատասխանի համար, թեեւ ունեմ որոշակի վերապահումներ:

    Ափսոսում եմ, որ այս հրապարակման արձավանքողներում էմոցիոնալ մղումները հաճախ շեղում եմ իրականությունն ամբողջական տեսնելուց: Անկախ նրանից, թե Ալլան իր «դարդից» մղված է գրում, թե ինչ-որ մեկի պատվերով,եկեք չանտեսենք, որ հասարակության մեջ բոլորը չէ, որ ՊԱՐՏԱՎՈՐ են վերլուծական դատողությամբ օժտված լինել ու հետեւություններ անել ոչ վաղանցիկ անցյալի ու ներկա իրավիճակի մասին: Մյուս կողմից, եթե մենք ուզում ենք ստեղծել ԺՈՂՈՎՐԴԱՎԱՐ (այսինքն նաեւ բազմակարծ, ազատական) պետություն, պիտի ուժ գտնենք հանդուրժելու մեզ անընդունելի կարծիքների առկայությունը եւս:

    Ինչ վերաբերում է պայքարին՝ սրտիցս արյուն է կաթում, որ դա զարգանում է անհատականությունների գովերգման կամ փնովման հարթությունում: Թեեւ Նիկոլը նշում է, որ դրա հիմքում (գոնե այս պահին)դրված են արժեքներ ու սկզբունքներ (որի անկեղծության առումով կասկած չունեմ),երաշխիք չկա, որ դրանք չեն կարող երկրորդական գոտի մղվել նորեկ իշխանության կողմից՝ «հիմնավորելով», թե «նեկայիս առաջնահերթությունները» երկրում ստեղծված իրավիճակի եւ անվտանգության «հրամայականն են»: Սա այն ստանդարտ վարքագիծն է, որ շատ արագ յուրացնում են բոլոր ավտորիտար իշխանությունները՝ լինի դա նախկինը, ներկան, թե ապագան: Իսկ որպեսզի դա հեշտությամբ արվի,իշխանափոխության հավակնողները փորձում են քիչ կոնկրետություն մտցնել իրենց ապագա գործունեության առումով՝ ուղղված բաղձալի արժեքներին ու սկզբունքներին,որ իշխանության գալու դեպքում այդ կոնկրետ անելիքների կամ դիրխորոշումների պատասխանատվությունը սահմանափակումներ չստեղծի եւ հասարակության մեջ, գոնե սկզբնական շրջանում, վտանգավոր դժգոտհություն չառաջացնի:

    Այսօր շատ է խոսվում այն մասին, որ անպատժելիությունը, կոռուպցիան, լրատվական միջոցների անազատությունը խոչընդոտում են Հայաստանի զարգացմանը (ի դեպ այս վիճակագրությունը առանձնահատուկ է զարգացող երկրների ճնշող մեծամասնությանը): Եւ այդ չարիքների դեմն առնելու ԿՈՆԿՐԵՏ ու գործող միջոցները կան (որոնք այլ քննարկման առարկա են թերեւս) ու կիրառվում են ավելի առաջադեմ երկրների կողմից: ՊԱՅՔԱՐԸ շատ ավելի իմաստալի ու արժեքավոր կլիներ, եթե ծավալվեր այդ ԿՈՆԿՐԵՏ միջոցների կյանքի կոչման շուրջ,որոնք կառաջադրվեին ընդդիմության կողմից: Ավելի գործուն հասարակական աջակցություն վաստակելու ու քաղաքական հաջողության հասնելու համար ընդդիմությունը ստիպված կլիներ բարձրացնելու հասարակության իրազեկությունը այդ միջոցների անհրաժեշտության առումով (ավելի մնայուն նշանակություն ունի պետության համար!): Այստեղ ելքը 2-ն է. 1) իշխանություն չկորցնելու համար ներկա քաղաքական ուժը կյանքի է կոչում այդ միջոցները՝ հաստատելով «այդ բաղձալի արժեքների ու սկզբունքների» զարգացման նախապայմանները (ինչն աներեւակայելի բարդ է փոխադարձ կապերով խճճված-կոռումպացված պետական ապարատում), 2) իշխանություններն անում են այն, ինչ հիմա են անում (ճնշում են քաղաքական ընդդիմությունը), սակայն ընդդիմությունն ունենալով ժողովրդի աջակցությունը օրերից մի օր հաջողության է հասնում:

    Մեծ առումով 2 տարբերակն էլ ավելի շահեկան են, քան այսօրվա իրավիճակը: Ժողովրդի համար ամենակարեւորն այն է, որ հաստատվի իրական ժողովրդավարական միջավայր՝ նպաստելու տնտեսական ու քաղաքացիական զարգացմանը, այլ ոչ թե կարեւոր է, թե ով է կոնկրետ դրա իրականացնողը՝ ներկա (փոխակերպված), թե նորեկ իշխանությունը (հաջողած ընդդիմությունը):
    1) եթե դա լիներ ներկա իշանությունը , ապա նրանից «ամեն կերպ ազատվելն» այլեւս չէր լինի օրվա խնդիր, այլ անհրաժեշտության դեպքում շեշտը կդրվեր տնտեսական ու քաղաքական ծրագրերի ավելի լավ կամ վատ լիներու վրա:
    2) եթե ներկա կառավարությունը ձախողեր, ապա նորեկ իշխանությունը կունենար ավելի ամուր հիմքեր իր առադրած ծրագրերն իրականացնելու՝ որոնք ունեն լայն հասարակական աջակցություն: Այս տարբերակի առանձնահատկությունն այն է, նորեկ իշխանությունն ունենում է որոշակի «կոնտրակտ» հասարակության հետ՝ կյանքի կոչելու այն ԿՈՆԿՐԵՏ միջոցները, որոնք կնվազեցնեին անպատժելիությունը ու կաշառակերությունը, կբարձրացնեին կառավարության գործունեության նկատմամբ հասարակության վերահսկողությունը, ԶԼՄ ազատությունը, եւ այլն: Դրանով կչափվեր նորեկ իշխանության գործունեությունն առհասարակ, որով հասարակությունը հետեւություն կաներ նրան փոխելու կամ պահպանելու մասին: ՍԱ է, որ հիմա բացակայում է այսօրվա ՊԱՅՔԱՐ-ից:

    Ես չեմ ուզում անհիմն հետեւություններ անել, թե ՊԱՅՔԱՐ-ի թիմը չի պատկերացնում իր անելիքներն այդ ԿՈՆԿՐԵՏ միջոցների առումով: Փորձում եմ լավատես լինել, որ պարզապես չեն կարեւորել դա առանցքային դարձնելն այս շարժման համար՝ մտածելով, որ նման բարդ խնդիրները պրոֆեսիոնալների գործն են, ու դրանք անհրար կլինեն հասու դարձնել հասարակ քաղաքացուն (չեմ կիսում այդ կարծիքը):

    Սակայն կարծում եմ, որ քանի դեռ անհայտ է ընդդիմության գործունեության կոնտրետությունը, եւ նրա գործունեությունը դուրս դի գալիս «վատ իշխանությունից ազատվելու» եւ ընդհանրական արժեքների ու սկզբունքների ջատագովման շրջանակներից, իմ տեսանկյունից մոտեցող մարդկանցից քչերը կլինեն, իր «իրենց ճղեն» այսօրվա պայքարողներին իշանության բերելու համար: Եւ հավատացեք, որ իմ տեսանկյունից մտածող մարդիկ քիչ չեն Հայսաստանում եւ կարող են բավականին մեծ պոտենցիալ ունենալ այսօրվա իրավիճակի լուծման առումով:

  15. Փետրվար 18th, 2009 at 02:16 | #15

    Alla asem avelin jamanakin asum ein te Ayvazyan Smbat@ erb”Sapfir”tnornn er milionner goxacel(haylurov e hnchel)203 in ba inchugorc chbacecin?vorovhetev da irenc goxacatsn e
    lav Smbat ayvazyann gone krvel e Arcaxum isk sranq inch en arel
    i dep xi chhishatakecir te LTP galisa vor arcax@ hadzni da el er Hayluri asacneric
    dranel patasxan ka chem kartsum te erkrapahi txerq@ Myasnik malxasyann Sasun mikaelyann i td u im koxmic shat sireli ev hargeli Sefilyann jirayr@ arcax@ handznoxi koxkin kkangnein

    mer npatak@ levonin berel@ che ayl na e vor tox Karapetich@ darna naxagah bayts joxovrdi @ntrats karapetich@ ayl voch te riobiki koxmic dabro stacats karapetich@

  16. Արամազդ
    Փետրվար 18th, 2009 at 10:36 | #16

    Արմեն :
    Սակայն կարծում եմ, որ քանի դեռ անհայտ է ընդդիմության գործունեության կոնտրետությունը, եւ նրա գործունեությունը դուրս դի գալիս «վատ իշխանությունից ազատվելու» եւ ընդհանրական արժեքների ու սկզբունքների ջատագովման շրջանակներից, իմ տեսանկյունից մոտեցող մարդկանցից քչերը կլինեն, իր «իրենց ճղեն» այսօրվա պայքարողներին իշանության բերելու համար:

    Հարգելի Արմեն, բարձրացված խնդիրը չափազանց կարեւոր է. ես լրիվ համամիտ եմ: Բայց այ էս վերջին գնահատականի հետ համամիտ չեմ, քանի որ Ձեր պահանջածը Լեւոն Տեր-Պետրոսյանը, եւ բնականաբար` նրա թիմը, ներկայացրել են անցյալ տարվա հունվարին` նախընտրական բավականին «կոնկրետ» ծրագրի տեսքով:
    Ահա հղումը` http://www.levonpresident.am/?catID=19&contID=0

    Համոզված եմ, որ այն կարդալուց հետո մի փոքր կփոխեք ձեր գնահատականները ընդդիմության մոտ «կոնկրետության» պակասի մասին:

  17. Սուրեն
    Փետրվար 18th, 2009 at 16:50 | #17

    Արմեն, մի՞թե դուք կարծում էիք, որ Լևոն Տեր-Պետրոսյանի պես քաղաքական գործիչը կարող էր դառնալ նախագահի թեկնածու առանց կոնկրետ ծրագրի:

  18. Narek
    Փետրվար 25th, 2009 at 15:48 | #18

    Nikol jan du lriv chisht es.Allan ughaki chi haskanum iravichaki lrjutyun@,bayc ete chporci el haskanal eskanic heto,uremn cavum enq ira hamar……….Nikol menq`hajerov,piti haghtenq,menq urish chanaparh chunenq,lav mna harazat jan

  19. pitak
    Փետրվար 27th, 2009 at 12:47 | #19

    Yerani turk linei, vorovhedev gdesnei te inchbes en im tshnaminer@ irenk irents mis@ utum. Ayt yerpvanits e, vor charik@ gareli e charikov hanel?. Joghovurt@ khaghaghutyun e uzum, voch te hertakan khapepa. Hayhoyankov yev tuk u murov duk dzez inchbes ek darberum ayn martgantsits voronts dem baykarum ek? ankeghtz pataskhanek inknerd dzez, voch te indz yete iharke mnatsel e ankeghtzutyun.
    Khorhurt kdam gartal Yervand Otyani @nker panjunin, ayt hanjaregh glukhgorzots@ jishd yev jishd dzer hayelin e, vori mech kdesnek inknerd dzez.

  20. Սուրեն
    Փետրվար 28th, 2009 at 12:43 | #20

    Պիտակ ջան, այս կայքում շատ այցելուներ կար: Այցելուների մեջ կան նաև սադրիչներ, որ հատուկ հայհոյում են տարբեր մարդկանց անունից` վատ տպավորություն ստեղծելու համար: Կան նաև մարդիկ, որ անկեղշ են հայհոյում: Դա էլ կարելի է հասկանալ` հաշվի առնելով երկրի անհանգիստ մթնոլորտը: Բայց ես Ձեզ խնդրում եմ ուշադրություն դարձնել այս կայքի պատասհանատուի` Նիկոլի խոսքերին: Նա հայհոյանքով չի պատասհանում ոչ մի հայհոյանքի, ոչ մի սադրանքի չի տրվում, կոչ է անում հայհոյանքներ չօգտագործել…
    Ես, և շատ-շատերը կիսում ենք այդ մոտեցումը, և հարգում ենք Նիկոլին հենց այդպիսի մոտեցումների համար:
    Ճիշտ եք ասում` հայը հային պետք է հարգի, ոչ թե կոտորի Մարտի 1-ի պես:

  21. vano
    Մարտ 1st, 2009 at 03:19 | #21

    privet obijnikutyan@

  22. Արմեն Բեժանյան
    Մարտ 4th, 2009 at 12:46 | #22

    Ողջույն Արամազդ ջան,

    Ուրախ եմ արձագանքիդ համար - Վաղուց է «ձայնդ» չեէ լսել :)
    Ես կարդացել էի Լեւոն Տեր-Պետրոսյանի ծրագիրը… Խնդիրը նրանում է, թե ինչ ենք հասկանում կոնկրետություն հասկացության տակ: Հիշյալ ծրագրում առաջադրված դրույթներն ավելի շուտ որոշակի անհրաժեշտ նախապայմանների (փոփոխականների) հետեւանք են, այլ ոչ թե կոնկրետ նախապայմաններ, որոնք պիտի ապահովվեն կոնկրետ միջոցառումների տեսքով. Էսպես ասած՝ տրամաբանական մոդելով՝ ինչ ներդրանք պիտի ունենաս, որ ակնկալվող արդյունքն ապահովես (համոզված եմ, որ քո կրթական պատրաստվածության առումով բարդ չեմ խոսում :)

    Ավելի մանրամասնեմ ասածս:

    Օր.՝ «Օրենքի առջեւ մարդկանց հավասարության եւ դատարանների լիա-կա-տար անկախության ապահովում՝ բացառելով իշխանության մյուս թեւերի կողմից դատավորների վրա գործադրվող որեւէ ճնշում» - Սա հնարավոր է ապահովել փոփոխելով այն իրավական դրույթները,կարգերն ու ընթացակարգերը, որոնց վրա կառուցված է ներկայիս չարաբաստիկ համակարգը. համակարգ, որը չի ապահովում իշխանության թեւերի բացարձակ տարաջատումն ու անկախությունը: Բնականաբար ծրագրի տեքստային մասում անհեթեթ կլիներ մանրամասնել այդ ամենը: Բայց դա չի խանգարում, որ ծրագիրը հղում կատարի մեկ այլ փաստաթղթի (թեկուզ համացանցում հրապարակված), որը կմանրմասնի, թե հատկապես ինչն է փոխվելու որպես քաղաքականություն (Policy), իր համապատասխան կարգերի ու ընթացակարգերի համատեքստում, որը գործնականում անհնարին կդարձներ դատական իշանության վերահսկումը գործադիրի կողմից: Ի դեպ, այդ առումով կան մի շարք ուսումնասիրություններ, էլ չեմ խոսում միջազգային փորձի վրա հիմնված՝ Հայաստանի քաղաքացիական նախաձեռնությունների ու միջազգային ծրագրերի կողմից կատարվող առաջարկների մասին, որոնց թերեւս՝ ինքդ էլ բավականին ծանոթ ես:

    Ի դեպ, ներկայիս իշխանություններն էլ են ասում, որ «պատրաստ են ու ամեն ինչ անելու են դատական իշանության անկախությունն ապահովելու համար» (չեմ կենտրոնանում զուտ այս օրինակի վրա, պարզապես քննարկման օրինակ եմ գործածու): Նույնիսկ ստորագրել են մի շարք համաձայնագրեր՝ պարտավորվելով դա անել: Բայց երբ հերթը գալիս է կոնկրետ քայլերի, ինչպես օրինակ՝ GRECO-ի առաջարկած օրենսդրական-իրավական փոփոխությունների, իշխանություններն ամեն տեսակ պատրվակ են գտնում դա չկատարելու համար՝ հասկանալով, որ դրանով իրենք իրենց իսկ կզրկեն «գառան դմակից»:

    Այ օրինակ եթե, նման կարգի կոնկրետ առաջարկների ու քայլերի պարտավորություն ստանձներ ընդդիմությունը՝ ըմբռնելով դրա չիրականացման հետեւանքով հեղինակազրկվելու վտանգը հետագա ընտրություններում, ակներեւ կլիներ նրա մտադրությունների անկեղծությունը:

    Օրինակս ինձ վրա բերեմ՝ որեւէ մեկին չվիրավորելու համար: Ենթադրենք՝ ես եմ ընդդիմությունը, ու ամենայն լրջությամբ խոստանում եմ, որ ապահովելու եմ իշխանությունների տարանջատումը, տնտեսության վնասակար մենաշնրոհի վերացումը, հարկերի թափանցիկությունը, եւ այլն (հիշյալ ծրագրի մնացած բոլոր դրույթները): Ընտրվելուց հետ, երբ հերթը գալիս է «ԻՆՉՊԵՍ անելուն», այսինքն՝ թե ինչի արդյունքում դրանք կապահովվեն, ես տարբեր պատճառներ եմ գտնում չկատարելու այն, ինչն իրոք կհանգեցներ իմ խոստացած իրավիճակին: Էստեղ 2 խնդիր կա: Կամ ես գիտեմ, բայց չեմ ուզում անել, կամ էլ՝ չգիտեմ: Եթե չեմ ուզում անել, ուրենմ՝ ես էլ իմ քարկոծած իշխանությունների նման ստախոս եմ, ու իմ իրական նպատակը պարզապես եղել է պոպուլիզմի տեխնիկայի կիրառմամբ իշխանության գալը: Իսկ եթե ես մինչեւ էդ էլ չգիտեի, ապա ինչով եմ տարբերվում իմ քարկոծած իշխանությունից, որը նույն հաջողությամբ էսօր էլ է ասում, որ ինքն էլ է ուզում բարեփոխել, համա թե՝ ձեւը չի գտնում, իսկ առաջարկած տարբերակները անիրատեսական են: Կարճ ասած՝ 2 տարբերակն էլ իմ օգտին չեն գործում: Հիմա հարց է առաջանում, բա ինչը կերաշխավորի, որ իմ ընտրվելուց հետո հենց էդպես էլ չի պատահի:

    Հուսով եմ՝ հասկանում ես, թե ինչի մասին եմ խոսում:

    Ավելի մասնագիտական լեզվով ասած (որը քեզ անծանոթ չի)՝ ժողովրդավարական կարգ ունեցող երկրում (մեծ առումով՝ թեկուզ այդ կարգը դեռեւս ֆորմալ է), քաղաքական, վարչական ու քաղաքացիական իրականությունը կառուցվում է որոշակի քաղաքականությունների (policy), կարգերի ու ընթացակարգերի վրա: Ու նույնիսկ վերջիններս էլ, որպես էդ իրականության մաս, նույնպես հիմնվում են որոշակի կարգերի ու ընթացակարգերի վրա: Իրականությունը փոխվում է այդ քաղաքականությունների, ու դրանք կիրարկման մեջ դնող կարգերի ու ընթացակարգերի փոփոխության արդյունքում: Զարգացած ժողովրդավարական երկրներում (որոնց մեր ժողովուրդը փափագում է, ու ինչի վրա սովորաբար մեր քաղաքական ուժերը խաղում են), տեղի հասարակությունն առաջին հերթին պայքարում (կամ պայքարել)է ոչ թե ավելի շատ հանում այս կամ այն քաղաքական ուժի (ու նրա տված ընդհանրական խոստումների), այլ հանուն այն նախապայմանների, որոնք «օդ ու ջրի պես» անհրաժեշտ են գործուն ժողովրդավարական կարգի հաստատման ու պահպանման համար. քանի որ հենց դրա վրա է հիմնվում ու իրականություն դառնում իր իսկ՝ ժողովրդի՝ երկրին իշխելու իրավունքը: Ինձ համար ցանկալի քաղաքական ուժը (այլ ոչ թե՝ չարիքի փոքրագույնը)նա կլինի, որի քաղաքական ծրագիրը հիմնվում է հենց նման պարտավորությունների վրա՝ ապահովելու նշված նախապայմանները՝ միաժամանակ նշելով, թե կոնկրետ ինչի փոփոխությունների արդյունքում է տեսնում դա: Մյուս կողմից, հասարակական լայն աջակցություն գտնելու համար նույն քաղաքական ուժը ստիպված կլինի հասարակության մեջ սերմանել ու կրթել այդ նախապայմանների կարեւորության գիտակցումը: Ինչպես նախորդ մեկնաբանությունում նշել էի, դա ավելի կարեւոր ու հարատեւ ներգործություն կունենա հետագա քաղաքական մշակույթի ձեւավորման առումով, ու դա հեղինակած քաղաքական ուժն այլ ելք չի ունենա, քան իր սկսած գործի շարունակումը: Այլապես կկանգնի իր քաղաքական դիրքը կորցնելու վտանգի առջեւ:

    Հիմա հարը մնում է մեկը՝ կա արդյոք էսօր նման քաղաքական ուժ Հայաստանում, թե՞ էլի գործ ունենք «չարիքի փոքրագույնով յոլա գնալու» հետ:

    Հարգանքներս՝

    Արմեն

    Հ.գ.
    Սուրեն ջան,
    ի դեպ ասեմ, որ Լեւոն Տեր-Պետրոսյանից նոր չեմ տեղեկանում ու գիտեմ իր՝ որպես քաղաքական գործչի եզակի տաղանդների մասին : Ես ընդունում եմ նրան Հայաստանի համար բերած իր բոլոր ձեռքբերումներով, ինչպես նաեւ կատարած ծանր բացթողումներով՝ համոզված լինելով, որ նա այդ ամենը հետհայաց գիտակցել է:

  23. Գագիկ
    Մարտ 6th, 2009 at 11:42 | #23

    Ողջույն Արմեն ջան,

    Ինչ որ դու ասում ես դասական ճշմարտություններ են:Դու խոսում ես հզոր, ինստիտուցիոնալ, պրոֆեսիոնալ-փորձագիտական ենթակառուցվածքներ ունեցող ընդդիմության մասին, որը որ կհռչակի ոչ միայն իր դավանած սկզբունքներն ու արժեքները, այլ նաև ցույց կտա նպատակին հասնելու ԿՈՆԿՐԵՏ ու գործուն միջոցներ:Բնականաբար, նման ընդդիմությունը կունենա շատ ավելի լուրջ հասարակական աջակցություն, լուրջ կընկալվի ներքին և արտաքին փոխհարաբերություններում և այլն: Շատ լավ…իմ կարծիքով էսօրվա ընդդիմության և նրա լիդերի գլխավոր առավելություններից մեկը հենց գիտակցումն ա, որ ժողովրդավարության հաղթանակի միակ ու գլխավոր երաշխիքը հենց էդ հզոր գաղափարական հենք ունեցող, ինստիտուցիոնալիզացված կառույցի ստեղծումն ա:Ընդ որում, ինչքան ես եմ կարողացել ընկալել, խոսքը վերաբերում է ոչ թե անհատականության խարիզմի վրա, այլ սկզբունքների և արժեքների վրա հիմնված կառույցի մասին:Իմ պատկերացմամբ, շարժման ոչ բոլոր շերտերն ընդունում էս մարտավարության արդյունավետությունը…և դա ես շատ բնական ու նաև օգտակար եմ համարում: Որովհետև շարժումը /կամ առնվազն նրա որոշումներ ընդունող մասը/ պետք ա մաքրվի “հեղափոխականությունից”, “աբիժնիկությունից” ու “պատեհապաշտությունից”, ամբողջովին հնարավոր չի իհարկե, բայց գոնե որակ չպիտի կազմի:Ես 100 տոկոսով վստահում եմ Լեվոն Տեր-Պետրոսյանի խոսքերին, որ ճիշտ վարքագիծ ընտրելու դեպքում շատ ավելի քիչ ջանքեր կպահանջվեն ապաշնորհ իշխանությանը հեռացնելու համար:
    Ի դեպ, իմ դիտարկմամբ ընդդիմության էսօրվա վարքագիծը արդեն իսկ բավականին “ԿՈՆԿՐԵՏ ու գործուն միջոցներ” ա պարունակում: Մի պատահական ու թարմ օրինակ բերեմ… գիտես վերջին օրերին դոլարի փոխարժեքի հետ կապված իրարանցման մասին: Ընդիմությունը տվեց իրավիճակի փորձագիտական գնահատականը /պատճառները և հնարավոր զարգացումները/թե աժիոտաժից առաջ, թե ընթացքում, ապա նաև առաջարկներ տվեց թե ինչ ճանապարհ պետք ընտրի իշխանությունը իրավիճակը հաղթահարելու համար: Ինձ համար տվյալ դեպքում ընդդիմության վարքագիծը օրինակելի էր: Պոպուլիզմի վրա հիմված ընդդիմությունը բոլորովին այլ ճանապարհ կընտրեր…”որքան վատ, այնքան լավ” և այլն:
    Ես մտածում եմ, որ ամեն դեպքում էսօրվա ընդդիմությունը նոր քաղաքական մշակույթի ձևավորման քայլեր ա ձեռնարկում ու դա անձամբ ես դրական եմ գնահատում:

  24. Anonymous
    Մարտ 7th, 2009 at 02:23 | #24

    Արմեն ջան, ողջույն: Ես էլ եմ ուրախ նման վիրտուալ կապի համար:

    Բայց ես սկզբունքային անհամաձայնություններ ունեմ «ասածներիդ» հետ: Ու գլխավորը հետեւյալն ա. ախպեր ջան, ու՞մ ա հուզում էդ փոլիսի-մոլիսին, դու հո Լուսնից չե՞ս ընկել:
    Էն օրը «Ազատությունով» Թրասփարենսիի Ամալիան մի հատ շատ դիպուկ դիտարկում արեց. ասում ա տեսեք, մեր ամենալավ, ամենաչվիճարկվող ընտրություններն անցել են 91-ին, երբ մեր օրենսդրությունն եղել ա սովետական մնացուկ, միջազգային որեւէ չափանիշի չբավարարող: Իսկ հիմա մենք ունենք «բարեփոխված» օրենսդրություն, բայց անց ենք կացնում խայտառակ ընտրություններ:

    Արմեն ջան, վերջին համապետական ընտրություններում ես Լեւոնի վստահված անձանցից եմ եղել, իմ տեղամասում էլ շատ վատ անցավ ամեն ինչ` ընդհուպ մինչեւ բռնություններ, արդյունքների կեղծում, հիմա դու եկել ասում ես, որ օրենքն է՞ր վատը: Այ ախպեր, ի՞նչ տանձիս օրենք: Կարեւորը ԿԱՄՔՆ ա, հասկանում ե՞ս:

    Վաղվա իշխանությունը պետք ա նախեւառաջ ԿԱՄՔ ունենա: Օրինակ` կամք` յուրայինին դատելու, պատժելու: ՍԱ Ա ԿԱՐԵՎՈՐԸ: Իսկ դու ընկել ես logical framework-երի հետեւից:
    Կներես, եթե կոպիտ ստացվեց, բայց չեմ ուզում խմբագրել:

    Հավատա, վաղը, երբ նոր իշխանության ժամանակ մի քանի նախարար դուրս կշպրտվեն միայն նրա համար, որ Ջիպ են առել կամ էլիտար բնակարան, վաղը, երբ Լեւոնի կամ էլ Նիկոլի յուրային մեկին, հարազատ մեկին կդատեն ասենք մի ինչ-որ հանցանքի կամ զանցանքի համար, այ էն ժամանակ քաղաքացին կհավատա, որ էն «նախընտրական ծրագրերը» խաբեություն չէին:

    Թե չէ` քեզ մի՞թե թվում ա, թե ՀՀԿ-ի ծրագրերը, կամ էլ ԲՀԿ-ի ու ՕԵԿ-ի, վատն են: Իհարկե թղթի վրա - կուկլա են, կուկլա:
    :)

    Լավ եղի: Անպայման պատասխանի: Հետաքրքիր ա քո հետ բանավիճելը:

    ՀԳ. Ասեմ, որ Գագիկի գրածի հետ համամիտ եմ. իրականությունն ա ներկայացրել: Այո, Լեւոնը գնում ա հենց էդ ճանապարհով` «ինստիտուցիոնալ»: Էդ էլ ա պետք: Բայց եթե իմ ասած Կամքը չլինի, էդ սաղ դատարկաբանություն կդառնա:

  1. No trackbacks yet.