> ՀՈԴՎԱԾՆԵՐ > ՄԵՐՁԴՈԴՅԱ ԿԱՅՔԵՐԻ ԱՌՆՉՈՒԹՅԱՄԲ

ՄԵՐՁԴՈԴՅԱ ԿԱՅՔԵՐԻ ԱՌՆՉՈՒԹՅԱՄԲ

images-1Դոդամերձ կամ մերձդոդյա մի շարք կայքեր վերջերս հատուկ ուշադրության կենտրոնում են պահում իմ համեստ անձը: Իրենց նպատակները անիրագործելի գտնելով «քաղաքագիտական վերլուծությունների» ժանրում՝ նոքա անցել են այլեւս լկտի շանտաժի լեզվին: Ինչպես պարզվեց օրերս, սկսել են սպառնալ, թե ինձ վարկաբեկող տեղեկություններ կհրապարակեն եւ սա անում են ընդամենը մեկ ամիս անց այն բանից, երբ նման մի տապալված փորձեց արեց Նեմեց Ռուբոն՝ իր տխրահռչակ հարցազրույցում: Դոդամերձ կամ մերձդոդյա կայքերի շանտաժի հետ կապված հարկ եմ համարում ընդգծել հետեւյալը.

1.Այդ կայքերը ոչ թե հրապարակում են իմ մասին իրենց իբր ունեցած «վարկաբեկիչ տեղեկությունները», այլ սպառնում են, որ ի պատասխան Վարդան Օսկանյանի հարցում իմ ունեցած դիրքորոշման կհրապարակեն դրանք, որի արդյունքում իմ «դիմակը կպատռվի»: Ազնիվ մղումեր ունեցող մարդը, քաղաքական ուժը, լրատվամիջոցը միանգամից, առանց զգուշացման կհրապարակեին այդ՝ իբր գոյություն ունեցող նյութերը, որպեսզի հանրությունը զերծ պահեր իմ «դիմակավորված» ելույթներին ու դիրքորոշումներին ուշադրություն դարձնելուց: Բայց դոդամերձ կամ մերձդոդյա կայքերը դա չեն անում, այլ նախազգուշացնում են, ասել է, թե շանտաժ են անում՝ հույս ունենալով, որ վախենալով կտեղավորվեմ իրենց կամ իրենց մերձ քաղաքական ուղեծրի մեջ: Սա կարեւոր է հասկանալու համար, թե ինչ բնույթի խմբավորման հետ գործ ունենք, եւ ինչի շուրջ է այն համախմբված. շանտաժի եւ պարզ առեւտուրի:

2. Վերջերս կրկին շրջանառության մեջ դրված սպառնալիքը անծանոթ չէ ինձ. ոմն մեկը դեռ 2007 թվականին ինձ ուղերձ էր փոխանցել, թե ասուլիս կանի ու ինձ վարկաբեկող տեղեկություններ կհրապարակի: Այն ժամանակ պատասխան ուղերձ ուղարկեցի մոտավորապես հետեւյալ բովանդակությամբ. ով չանի խոստացված աուլիսը «ինչ-որ բան» է: Ինչպես գիտեք, ասուլիսը չի արվել մինչեւ օրս, եւ ոմն մեկը ըստ ամենայնի տքնում է հնգամյա վաղեմության պայման-հիշոցի բեռից:

3. Վերստին հաստատում եմ, որ ընդունում եմ դոդամերձ կամ մերձդոդյա կայքերի առաջ քաշած թեմային վերաբերվող ցանկացած մարտահրավեր: Հակառակ կողմում, սակայն, պետք է լինեն ակնարկվող իրավիճակների իբր օբյեկտ կամ սուբյեկտ հանդիսացող անձինք, որոնց անունները շրջանառվում են եւ ոչ թե ֆեյք հեղինակներ կամ ֆեյք կայքեր: Ակնկալում եմ, որ ինչպես ԱԺ նախկին պատգամավոր Ռուբեն Հայրապետյանը, այս մարդիկ էլ իրենց ասելիքը կասեն անձամբ ու հանրությունը կտեսնի, թե քանի րոպեի կյանք կունենա նրանց շանտաժը: Կայքերի տերերին ասում եմ. տղամարդ եք՝ մի թաքնվեք ակնոցավոր կագեբեշնիկների թիկունքում: Հանդես եկեք անձամբ, բացահայտ, դեմ առ դեմ, որ հանրությունը տեսնի մեզնից ով ով է: Չնայած, համոզված եմ, վաղուց գիտի, թե ով ով է:

4. Վերահաստատում եմ Մարտի 1-ի ոճրագործներին առաջին իսկ հնարավոր առիթով, օրենքով սահմանված կարգով դատարանի առաջ կանգնեցնելու հանձնառությունս՝ Ռ. Քոչարյան-Ս. Սարգսյան, Ա. Հովսեփյան-Վ. Օսկանյան ողջ դիապազոնով:

5. Դոդամերձ կամ մերձդոդյա կայքերը զարմացած պնդում են, թե որոշ մարդիկ ինձ հետ հույսեր են կապում: Ի տարբերություն ոմանց, ես այդ մարդկանց հույսերը չեմ գնել եւ ոչ էլ վաճառքի եմ հանում: Հավաստիացնում եմ, որ այդ հույսերը ներդրված են հուսալի տեղում եւ քաղաքացիական ներդրողներին բերելու են կայուն, հարաճուն քաղաքացիական դիվիդենտներ:

ՆԻԿՈԼ ՓԱՇԻՆՅԱՆ

  • Print this article!
  • E-mail this story to a friend!
  • Facebook
  • TwitThis
  • Google
  • MySpace
  • Technorati
  • LinkedIn
  • del.icio.us
  • Digg
  • StumbleUpon
  • Tumblr

ՀՈԴՎԱԾՆԵՐ


  1. Հոկտեմբեր 6th, 2012 at 17:27 | #1

    Kak vsegda on prav!

  2. ՀՀ քաղաքացի
    Հոկտեմբեր 6th, 2012 at 20:08 | #2

    Եթե սենց շարունակվի ես Նիկոլին եմ ընտրելուուուոււոուոււ, օրգինալ քաղաքական գործիչ՝անկախ որոշ դուդուկներից ու դրա տակ լակողներից…..էս վերջերս շատ եմ սկսել հիանալ քո քաղաքական պահվծքով…

  3. Հոկտեմբեր 7th, 2012 at 23:13 | #3

    Նիկոլ ջան իրանց ուղեղը մենակ փողով ա չափվում հիմա էլ քեզ մեղադրում են փող վերցնելու մեջ, ասում են ասելու ենք, ով ա փող տվել քեզ…

  4. naira
    Հոկտեմբեր 8th, 2012 at 21:22 | #4

    kecce Nikol, karces te sksum em dzez hatgel, i tarberutyun naxkin antarberutyan:

  5. Hakob
    Հոկտեմբեր 9th, 2012 at 14:05 | #5

    Ays ishxanutyunner@ 4exac texn en baner hraparakum, hima el asum en te nyuter unen u chen hraparakum sut a te nranq nman baner unenayin nor ein hraparakel da kanein 5 tari araj chavataq

  6. lili
    Հոկտեմբեր 9th, 2012 at 18:54 | #6

    yes hpart em ,vor qez pes hay em,Nikol jan!

  7. Այո-ոչ
    Հոկտեմբեր 10th, 2012 at 06:59 | #7

    Սիրելի Նիկոլ, ում մտքից կանծներ որ ազգի “ճակատագիրը” կգար ու դեմ կառներ մի դոդ քարի…ուղակի մի ողբալի, աբսուրդ իրավիճակ…
    Այն որ շատերի հայացքը և հույսը դուրս գալու էս ճահճային “քաղաքականա-քյաբաբային” իրավիճակից իմ խորհին համոզմամբ կենտրոնացել է քո անձի վրա…
    1+1+1-ի վերսկեսելու “jump start”-ի ժամն է եկել եղբայրս…

  8. Սամվել
    Հոկտեմբեր 11th, 2012 at 01:00 | #8

    Նիկոլ ջան,ընդհանրապես կա մի այսպիսի արտահայտություն “բանի տեղ մի դիր”,ես քեզ մի փոքր ձևափոխված խորհուրդ կտամ “բանի տեղ դիր”

  9. Հոկտեմբեր 11th, 2012 at 23:47 | #9

    Nikol, es vonts a linum miayn drakan commentner en grvum.

    Kardatsel es qo masin lur@ Vladimir Gasparyani masov? Tesnenq vonts es herqelu.

  10. Հոկտեմբեր 15th, 2012 at 23:41 | #10

    demq a demq! Nikol@ taxandavor qaxaqakan gortsich a

  11. Hakob
    Հոկտեմբեր 16th, 2012 at 07:13 | #11

    Mernem axporsss… vonc vor misht mzzzcnuma :)

  12. Numan-rights
    Հոկտեմբեր 19th, 2012 at 18:15 | #12

    Ես պր-ն Փաշինյանին շատ եմ հարգում,բայց ժամանակն գնւմա ւ դեռ արդյունք չեմ տեսնւմ իրենց քաղաքական պայքարի մեջ.Անընդհատ խոստումներ ու անարդյունք,ավազակապետներն նստած են գահին ւ դժվար էլ իջնեն:Իսկ ՀԱԿ ակտիվիստներն անվերջ խոստանւմ են թե ավազակների վերջն եկել է,քիչ մնաց:Բայց այստեղ հարց է առաջանւմ,ում համար քիչ մնաց…..Արդեն հիասթափվել եմ….

  13. Փետրվար 20th, 2013 at 12:14 | #13

    ES CZEM KASKACUM DZER AZNVUTJAN VRA U KARCUM EM INDZ HET EL MI VOXCZ HAJASTAN!

  1. No trackbacks yet.