> ՀՈԴՎԱԾՆԵՐ > ՆԻԿՈԼԻ ՀԱՐՑԸ ԿԱՌԱՎԱՐՈՒԹՅԱՆԸ

ՆԻԿՈԼԻ ՀԱՐՑԸ ԿԱՌԱՎԱՐՈՒԹՅԱՆԸ

ԱԺ «Հայ ազգային կոնգրես» խմբակցության պատգամավոր Նիկոլ Փաշինյանը օգոսոտոսի 24-ին հետեւյալ գրավոր հարցն է ուղղել կառավարությանը.

ՀՀ վարչապետ
Տիգրան Սարգսյանին.

Պարոն Սարգսյան.

«Ազգային ժողովի կանոնակարգ» օրենքի 105-րդ հոդվածի  սահմանված կարգով  կառավարությանն եմ ուղղում հետեւյալ հարցը.

Կառավարության գործունեության ծրագրի (ընդունվել է ԱԺ լիագումար նիստում, 21.06.2012թ.)՝ «3.2.3. Կրթությունը եւ գիտությունը» գլխում նշված է հետեւյալը (մեջբերում եմ).

-յուրաքանչյուր առաջին դասարանի աշակերտին անվճար տրամադրվելու է համակարգիչ (մեջբերման ավարտը):

Պարոն Սարգսյան.

Ե՞րբ եւ ինչպես են 2012-13թթ. ուսումնական տարվա առաջին դասարանցիներին տրամադրվելու խոստացված անվճար համակարգիչները: Կարո՞ղ եք արդյոք երաշխավորել, որ 2012-13թթ. ուս տարվա առաջին դասարանցիները խոստացված համակարգիչները կստանան մինչեւ ձեր կառավարության՝ ՀՀ Սահմանադրության 55 հոդվածի 4) կետով նախատեսված հրաժարականը:

Կանխավ շնորհակալություն:

ՆԻԿՈԼ ՓԱՇԻՆՅԱՆ (114)

Փաշինյանը նույնաբովանդակ հարցում է ուղարկել ԿԳ նախարար Արմեն Աշոտյանին, որում մասնավորապես ասվում է. «Պարոն Աշոտյան, ի՞նչ միջոցներ եք ձեռնարկել մինչեւ ուսումնական տարվա մեկնարկը խոստացված համակարգիչները առաջին դասարանցիներին հատկացնելու համար»: ԿԳ նախարարը հարցմանը պետք է պատասխանի տասն օրվա ընթացքում, իսկ վարչապետը ԱԺ աշնանային նստաշրջանի ԱԺ-կառավարություն հարցուպատասխանի ժամանակ:


  • Print this article!
  • E-mail this story to a friend!
  • Facebook
  • TwitThis
  • Google
  • MySpace
  • Technorati
  • LinkedIn
  • del.icio.us
  • Digg
  • StumbleUpon
  • Tumblr

ՀՈԴՎԱԾՆԵՐ


  1. Օգոստոս 24th, 2012 at 13:52 | #1

    Վարչապետին մի քանի օր է պետք ` էս հարցի տակից դուրս գալու համար:

  2. Միքայել
    Օգոստոս 25th, 2012 at 10:04 | #2

    Իրենց իսկ ներկրած չինական համակարգիչները չեն վաճառվում,իրանք էլ ատկատի ձև են գտել:

  3. Հ.Հովհաննիսյան
    Սեպտեմբեր 3rd, 2012 at 17:51 | #3

    Վարչապետն ուղղակի կպատասխանի,որ համակարգիչները առաջին դասարանցիներին տրամադրված են` դպրոցների համապատասխան դասասենյակներում

  1. No trackbacks yet.