> ՀՈԴՎԱԾՆԵՐ > ՆԻԿՈԼԻ ՆԱՄԱԿԸ ԸՆՏՐՈՂՆԵՐԻՆ

ՆԻԿՈԼԻ ՆԱՄԱԿԸ ԸՆՏՐՈՂՆԵՐԻՆ

Հաշվի առնելով հանրային ահռելի հետաքրքրությունը, որոշեցի հրապարակել Երեւանի թիվ 7 ընտրատարածքի ընտրողներին ուղղված իմ նամակը: Ասեմ, որ յուրաքանչյուր ընտանիքի հասցեագրված է հենց իրեն ուղղված նամակ. ծրարի վրա գրված է կոնկրետ հասցե եւ հասցեատեր:

Հարգելի Հարությունյաններ.

Իմ անունը Նիկոլ Փաշինյան է: «Հայկական ժամանակ» թերթի գլխավոր խմբագիրն եմ, Հայ ազգային կոնգրեսի անդամ, նախկին քաղբանտարկյալ: Հիմա պատգամավորի թեկնածու եմ Երեւանի թիվ 7 ընտրատարածքում, որի ընտրող եք Դուք: Իմ անունը առկա է նաեւ Հայ ազգային կոնգրեսի համամասնական ցուցակի 7-րդ տեղում:

Գիտեմ` հոգնել եք, երբեմն` զզվել պատգամավորի զանազան թեկնածուներից, որ գալիս են ու գնում, իսկ Դուք մնում եք Ձեր հոգսերի ու խնդիրների հետ: Եւ չնայած սրան, ուզում եմ լինել Ձեր պատգամավորը: Ոչ թե «դեպուտատ» եմ ուզում դառնալ, այլ ուզում եմ լինել Ձեր պատգամավորը, որովհետեւ պատգամավոր` նշանակում է լինել ընտրատարածքի մարդկանց հավաքական կամքի, ցանկությունների, երազանքների կրողը, պայքարել նրանց պրոբլեմների լուծման համար:

Չեմ խոստանում ասֆալտ փռել, որովհետեւ դա պատգամավորի գործ չէ: Խոստանում եմ պարտադրել քաղաքապետարանին, որ անեն ավելի շատ ասֆալտ, քան անում են ընտրությունից ընտրություն: «Օգնություն» չեմ բաժանում. դա պատգամավորի գործ չէ: Բայց խոստանում եմ հետեւողական լինել, որ «բարեգործները» վճարեն օրենքով սահմանված հարկերը, եւ այն, ինչ Ձեզ առաջարկվում է որպես «լավություն», ստանաք որպես վաստակած հասանելիք` թոշակի, նպաստի, աշխատավարձի, ձեւով: Պրոթեզ, կամ ակնոցներ չեմ բաժանում, վիրահատության չեմ տանում, բայց խոստանում եմ հետեւողական լինել, որ պետպատվերով հասանելիք արժանապատիվ բուժսպասարկումից օգտվեք առանց ծանոթի: Իմ խնդիրն է դառնալ Ձեր «ծանոթն» ու բարեկամը կառավարության, թաղապետարանի, պետական ու տեղական ինքնակառավարման մարմինների հետ Ձեր օրինական հարաբերություններում:

Չեմ ասում, թե ընտրատարածքը դրախտ եմ դարձնելու: Սխալ չհասկանաք: Մի բանում վստահ եղեք. իմ ընտրության դեպքում Ձեզ հետ հաշվի են նստելու. երաշխավորում եմ: Ձեզ լսելու են, Ձեր ասածները ականջի ետեւ չեն գցելու, ու մենք իրար հետ լինելու ենք դուխով եւ ուժեղ:

Եթե պատգամավոր ընտրվի Լֆիկ Սամոն, ոչ ոք չի զարմանա: Երբ Դուք ինձ դարձնեք Ձեր պատգամավորը, Հայաստանն ալեկոծվելու է զարմանքից, Ձեր շնորհիվ, Ձեր որոշմամբ` նորոգվելու է Հայաստանի հավատը: Հիմա մի որոշեք ոչինչ. մինչեւ մայիսի 6-ը ժամանակ կա: Ու եթե մտքներովդ անցավ ինձ դարձնել պատգամավոր, ոչ ոքի մի ասեք այդ մասին: Դա թող լինի մեր գաղտնիքը: Ժպտացեք խորհրդավոր: Եկեք անակնկալ մատուցենք Հայաստանին:

Ձեր` Նիկոլ Փաշինյան

Հայ ազգային կոնգրես

www.nikol.am

ՀԱՐԿ ԵՄ ՀԱՄԱՐՈՒՄ ՆԱԵՎ ԸՆԴԳԾԵԼ

ԱԺ պատգամավորը ուրիշ աշխատանք ունենալու իրավունք չունի: Նրա բանուգործը ԱԺ-ում օրենքներ ընդունելն ու ընտրողների հարցերի լուծմամբ զբաղվելն է: Երբ որեւէ պատգամավորի թեկնածու ասֆալտ է անում կամ փող բաժանում, ընտրողին զրկում է հետագա հինգ տարիներին իրենից բան պահանջելու բարոյական իրավունքից, որովհետեւ փող-ասֆալտով քվեարկողը գործարքի է գնացել, ձայնը տվել է` փողը ստացել: Այսինքն, այն ինչ պետք է ստանար ձայնի դիմաց, ստացավ-պրծավ: Վերջ:

Ձեր ձայնը ակնկալելով, ես փաստորեն պարտք եմ վերցնում Ձեզնից, պարտքով վերցնում եմ Ձեր ձայն-վստահությունը: Ու քանի որ հիմա չեմ վճարում դրա համար, պարտքը պիտի վերադարձնեմ առաջիկա հինգ տարվա ընթացքում, որ Ձեր վստահության քվեի տակից դուրս գամ: Ինչպե՞ս: Եթե Ձեր որեւէ խնդրի լուծում կապված է օրենքի փոփոխության հետ, պիտի ԱԺ-ում փոփոխություն առաջարկեմ օրենքի մեջ: Եթե Ձեր որեւէ խնդիր կապված է կառավարության գործունեության հետ, ԱԺ-ում կառավարության հետ հարցուպատասխանի օրերին Ձեր հարցը պիտի բարձրացնեմ, օր ու արեւ չտամ կառավարությանը, մինչեւ այդ հարցը չլուծվի:

Եթե Ձեր հարցը կապված է թաղապետարանի, ոստիկանության, հարկայինի, բանակի հետ, որպես Ձեր ներկայացուցիչ պետք է գնամ հարկային, ոստիկանություն, թաղապետարան, կադաստր, զինկոմիսարիատ, զորամաս: Ու սա, ուշադրություն, պիտի անեմ, որովհետեւ դա իմ աշխատանքն է լինելու: Մեծամասնական ընտրակարգով ինձ պատգամավոր ընտրելով, Դուք ինձ աշխատանքի եք ընդունում Ձեր բակերում, Ձեր թաղերում: Ընտրվելու դեպքում, ես պիտի ընկնեմ Ձեր թաղերը, Ձեր պրոբլեմները հավաքեմ ու դրանց լուծման համար կռիվ տամ, որ Դուք գոհ մնաք իմ աշխատանքից եւ ինձ աշխատանքից չազատեք: Սա կարեւոր նրբություն է, խնդրում եմ մտածել այս մասին:

Հրատապ հարցեր - Այսօրվա դրությամբ հրատապ եմ համարում ԱՊՊԱ վճարի կրճատումը առնվազն 30 տոկոսով: Բնական գազի սակագնի աուդիտը` պարզելու համար, թե որքանով է այդ սակագինը ուռճացված: ԽՍՀՄ Խնայբանկերի ավանդների ձեւակերպումը որպես պետական պարտք եւ ողջամիտ վերադարձը` ոչ միայն անձամբ ավանդատուներին, այլեւ նրանց ժառանգներին, եթե ավանդատուն մահացել է (ԽՍՀՄ 5 ռուբլին` 1 դոլար փոխարժեքով): Փոքր եւ միջին բիզնեսի հարկային բեռի թեթեւացում, որոշ դեպքերում հարկերի զրոյացում: Մեծահարուստների նկատմամբ ճոխության հարկի ընդլայնված կիրառումը, եւ ստացված եկամուտների ծախսումը բացառապես սոցիալական նպատակներով (բուժսպասարկում, նպաստներ, թոշակներ, անվճար կրթություն):

Ի դեպ - Թիվ 7 ընտրատարածքի գործող պատգամավոր Սամվել Ալեքսանյանը (Լֆիկ Սամո) ոչ մի անգամ Ազգային ժողովում ելույթ չի ունեցել, ոչ մի հարց չի տվել կառավարությանը, ԱԺ-ում տեղի ունեցած 1991 քվեարկություններից բացակայել է 1464 անգամ (բացակայությունը 73.5 տոկոս), իր մասնակցությամբ հատուկենտ քվեարկությունների 99.9 տոկոսում «կողմ» է եղել: Դեռ պետք է պարզել` ի՞նքն է քվեարկել, թե իր փոխարեն են քվեարկել:

Տպագրված է Ն. Փաշինյանի նախընտրական շտաբում: Տպաքանակը` 1 օրինակ:

ՈՉ ՄԻ ՁԱՅՆ ՍԵՐԺԱՔՈՉԱՐՅԱՆԱԿԱՆ ՀԱՆՑԱՎՈՐ ԿԼԱՆԻՆ

  • Print this article!
  • E-mail this story to a friend!
  • Facebook
  • TwitThis
  • Google
  • MySpace
  • Technorati
  • LinkedIn
  • del.icio.us
  • Digg
  • StumbleUpon
  • Tumblr

ՀՈԴՎԱԾՆԵՐ , , , ,


  1. Ապրիլ 25th, 2012 at 16:49 | #1

    NIKOL jan inz tvum e malatyan 4i sahmanapakvum mi xumb vampir lrberov…entexi joxovurdnel e hognel lfikic u ir bandaic…Mer joxovrdin xelq-QEZ el hajoxutyun…

  2. Anonymous
    Ապրիլ 25th, 2012 at 17:11 | #2

    Հահահահ լրիվ Ռոբին Հուդ

  3. Արթուր
    Ապրիլ 25th, 2012 at 17:44 | #3

    Սիրելի թիվ 7 ընտրատարածքի ընտրողներ ու նդհանրապես հայ ժողովուրդ եկեք մայիսի 6-ին ցույց տանք, ապացուցենք,որ մենք ստրուկներ չենք,որ այն մի խումբ կանայք չեն մեր ազգի դեմքը ,որ նրանք մոլորյալներ են պարզապես,մի վախեցեք ձեր այժմյան վախը վաղը շատ վատ է անդրադառնալու սերունդների վրա:
    Հերիք է լացեք
    Մի նվնվացեք,
    Ոչ ոքի առաջ մի նվաստացեք
    Խրոխտ երգեցեք, մի շշնջացեք

  4. Anonymous
    Ապրիլ 25th, 2012 at 18:29 | #4

    es arabkiri yntrataracqi yntror em koch em anum malatyay yntrornerin yntreq posic elq tanor shanapary hakarak yntrutyuny evs mi qani tarov mez kglori andund

  5. Gohar
    Ապրիլ 25th, 2012 at 19:01 | #5

    es inqs aprum em sherami poxocum stacel em cer namak@ u patrastvum em cez het miasin anaknkal matucel Hayastanin.amen or axotum em vor duq inc husaxab chaneq. Nikol jan cez u mez hajoxutyunner.es cer fanatnem

  6. Գեվորգ
    Ապրիլ 25th, 2012 at 23:06 | #6

    հարգելի Մալաթիա-Սեբաստիայի բնակիչներ,ես չավոք սրտի 7-րդ ընտրատարածքի ընտրող չեմ,չէմ կարող զարմացնել Հայաստանին իմ ընտրությամբ,այդ կարող եք անել դուք հպարտությամբ,«դուխով»,եվ ընդամենը 30 վայրկյանում:Եվ հավատացեք Մայիս-7ին ամբողջ Հայաստանը խոսելու է ձեր մասին,ձեր դուխի եվ արժանապատվության մասին,եվ հազարավոր բաժակներ լցված ոչ լֆիկյան օղիով կխմվեն Ձեր կենացը ամբողջ Հայաստանում:Հաղթանակ ձեր մտքին,մեր մտքին եվ գործին:

  7. AHHA MANUKIAN
    Ապրիլ 25th, 2012 at 23:28 | #7

    NIKOL jan me& ushadrutyamb kardum ei u porsum ei viravorakan voreve ban gtnem lfik samoyi hastsein vori hamar na aydpisi vaynasun er arel BAYS ays namakum erevats mi voxchaxoh banimats u qaxaqanapes hasun ir gor&i &anrutyun@ u patasxanatvutyun@ gitaksox joxovrdi dard u savin texyak u nra hogseri beran tak mtnelu patrast mi veh u azniv HAYORDI shnorhakalutyun namakd hraparakelu hamar SA evs mi dipuk harva& er qo ogtin EV bolorovin el zarmanali che vor jshmarit xelatsi u graget xosq@ viravorakan e tvum mekin vor@ erku GRAGET NAXADASUTYUN CHI KAROXANUM IRAR KAPEL NIKOL jan menq qez het enq MENQ SIRUM ENQ QRZ H A X T A N A K

  8. AHHA MANUKIAN
    Ապրիլ 25th, 2012 at 23:31 | #8

    Anonymous :
    Հահահահ լրիվ Ռոբին Հուդ

  9. Gohar
    Ապրիլ 26th, 2012 at 09:32 | #9

    Nikol jan or@ mi 2 angam galis en mer dur@ zangum en u harcnum te um em @ntrelu angam ayd jamanak chem karuxanum asel vor hhk inc tvume vor kdavajanem cez u inc. kneres vor cer xorhurd@ chem katarum.tox pashol linen hhk-aciner@.es hpartem cezanov.cer dux@ inc duxa talis.cer mtqer@ inc ujen talis.duq inc shunch eq talis aprelu u havatalu vor amen inch shat lava linelu.xndrum em patasxanir inc vor imanam kardum es im gracner@.

  10. Andre
    Ապրիլ 26th, 2012 at 17:31 | #10

    PAYQAR PAYQAR MIJEV VERJ

  11. Աննա
    Ապրիլ 29th, 2012 at 00:09 | #11

    Բարև Նիկոլ ջան:Ուզում էի պարտադիր կարդաիր իմ կարծիքն այն մասին, որ ողջ Հայաստանի ազատադեմ Քաղաքացիները միշտ հետևում են Քո քաղաքական գործունեությանը և ցանկացած վայրում հպարտությամբ բարձրաձայնում Քեզ քաղաքական դաշտում աջակցելու պատրաստակամության մասին:
    ԵՊՀ-ի Գյումրեցի ուսանողուհի:

  1. No trackbacks yet.