> ԵԼՈՒՅԹՆԵՐ, ՀՈԴՎԱԾՆԵՐ > ՈՉ ՈՔ ԻՆՁ ՊԱՐՏԱԿԱՆ ՉԷ

ՈՉ ՈՔ ԻՆՁ ՊԱՐՏԱԿԱՆ ՉԷ

Նիկոլ Փաշինյան, Սարգիս ՀացպանյանՊատրաստված է Ն. Փաշինյանի` 2011 թ. հունիսի 10 -ին Երեւանի Սարյանի պուրակում ունեցած ելույթի հիման վրա:

Այսօր ոչ միայն Սարգիս Հացպանյանին դիմավորելու օրն է, այլեւ մի օր, երբ Հայաստանում այլեւս չկան քաղբանտարկյալներ: Եվ այս առիթով ընդամենը մի բան եմ ուզում ասել: (…) էս իշխանությունը, ցանկացած իշխանություն պետք է հասկանա, որ Հայաստանի բազմաթիվ քաղաքացիներ պատրաստ են լինել քաղբանտարկյալ, պատրաստ են կրել ցանկացած զրկանք, բայց չեն հանդուրժի ապօրինությունը, չեն հանդուրժի բեսպրեդելը: Նրանք պատրաստ են մինչեւ վերջ պայքարել հանուն Սահմանադրության, հանուն օրինականության: Իսկ երբ գործում է Սահմանադրությունը, երբ գործում է օրենքը, քաղբանտարկյալ լինել չի կարող:

Բանտում, իմացեք, մեզ ուժ է տվել այն զգացողությունը, որ մենք ունենք հազարավոր ընկերներ, ովքեր չեն ընկրկի եւ ցանկացած պահի պատրաստ են լինել քաղբանտարկյալ, հայտնվել բանտում` կողքի խցում, մի ուրիշ խցում: Ու սա է եղել մեզ ուժ տվող ամենակարեւոր ազդակը: Սա է մեզ ազատություն պարգեւած հիմնական գործոնը:

Մեր նախորդ հանդիպման օրն էլ ասացի` մեզնից որեւէ մեկը որեւէ մեկին շնորհակալություն հայտնելու կարիք չունի: Եթե մեզնից որեւէ մեկը համարում է, որ ինքը ուրիշ մեկի համար է ինչ-որ բան արել, ինքը սխալ է մտածում: Ես ինչ-որ անում եմ, անում եմ` ելնելով Աստծո եւ Հայրենիքի, իմ երեխաների ապագայի առաջ ունեցած իմ անձնական պատասխանատվությունից… Բանտում շատ էին լինում դեպքեր, երբ իշխանության ներկայացուցիչները տարբեր ձեւերով փորձում էին մեզ լարել մեր ընկերների դեմ` էդ ո՞նց է, դուք բանտում եք, ուրիշները ազատության մեջ եւ այլն, եւ այսպես շարունակ:

Ես միշտ համարել եմ ու համարում եմ, որ իմ բանտում լինելը եղել է ի՛մ անձնական ընտրությունը: Մեզնից յուրաքանչյուրը կատարել է իր անձնական ընտրությունը: Մեզնից ոչ ոք այս իմաստով ուրիշի համար որեւէ բան չի արել: Եթե մեզնից որեւէ մեկը համարում է, որ ինքը ուրիշի համար է ինչ-որ բան արել, զրկանք կրել, ես չեմ ընդունում այդ մոտեցումը: Իմ կրած զրկանքների համար ոչ ոք ինձ պարտական չէ: Ես զրկանքներ կրել եմ իմ անձնական որոշմամբ եւ ընտրությամբ` դա համարելով իմ քաղաքացիական պարտքը ապագայի առաջ: Սրանում է ամբողջ խնդիրը: Եվ հենց այդ մոտեցման մեջ է մեր ուժը, որովհետեւ մենք 100 հազար լինենք, 500 հազար լինենք, մեկ միլիոն լինենք, որքան էլ լինենք, մենք այնուամենայնիվ ամբոխ չենք, մենք 1+1 ենք:

Սա նշանակում է, որ յուրաքանչյուր անհատ ինքն է որոշում պայքարին ներգրավվելու իր ձեւը, պատասխանատվության եւ նվիրումի իր չափը: Այս է պատճառը, որ միշտ համարել եմ, որ ինչքան էլ մեծ լինի մեր Շարժումը, դա մեկ մարդու, ընդամենը մեկ մարդու պայքար է, եւ այդ մեկ մարդը մեզանից յուրաքանչյուրն է:

Եվ այդ մեկ մարդը դու ես:

  • Print this article!
  • E-mail this story to a friend!
  • Facebook
  • TwitThis
  • Google
  • MySpace
  • Technorati
  • LinkedIn
  • del.icio.us
  • Digg
  • StumbleUpon
  • Tumblr

ԵԼՈՒՅԹՆԵՐ, ՀՈԴՎԱԾՆԵՐ , , ,


  1. Aram
    Հունիս 13th, 2011 at 20:27 | #1

    Барев Никол!
    ми бан а танджум индз
    хи ми нат димаворох чкар Саркис Нацпаняни азаатман жаманак

    Ба амот чи

  2. LEVON
    Հունիս 14th, 2011 at 12:33 | #2

    1+1+1+1+1+1+1+1

  3. Гаго
    Հունիս 14th, 2011 at 20:08 | #3

    Aram ba SASUN MIQAELYANIC EL LAV dimavorox linuma????????

  4. Հունիս 15th, 2011 at 02:38 | #4

    “Ես միշտ համարել եմ ու համարում եմ, որ իմ բանտում լինելը եղել է ի՛մ անձնական ընտրությունը:” Aram jan ays xosqerum e Dzer harcipatasxany…

  5. Aramazd
    Հունիս 17th, 2011 at 23:24 | #5

    есим е
    Артур ардарацнум ес бауц паст@ да е

  6. Hakob Hakobyan
    Հունիս 22nd, 2011 at 01:43 | #6

    inch e karcum Nikol jan et erxosutyunic mi ban durs kga te che

  7. levon heracir
    Հունիս 22nd, 2011 at 01:52 | #7

    nikol et inch gorc unes davachan levoni koxqin

  1. No trackbacks yet.