> ՀՈԴՎԱԾՆԵՐ > ԲԱՆՏԱՅԻՆ ՕՐԱԳԻՐ. ՕՊԵՐԱՑԻԱ «Ճ»

ԲԱՆՏԱՅԻՆ ՕՐԱԳԻՐ. ՕՊԵՐԱՑԻԱ «Ճ»

«Կոշ» քրեակատարողական հիմնարկում էլ ակտիվորեն նախապատրաստվում են հոկտեմբերի 15-ի հանրահավաքին: Իմ նկատմամբ «ոստիկանական» հսկողությունը է´լ ավելի է ուժեղացել: Եթե, ասենք, գնում եմ չիշիկ անելու, արտաքնոցի մոտ ուժեղացված պոստեր են հայտնվում: Եթե զբոսնում եմ, «Կոշ» ՔԿՀ օպերները դիրքավորվում են մոտակա թփերի տակ, ու երբ անզգույշ մի շարժումով խշխշոց են առաջացնում եւ գրավում ուշադրությունս, տուտժե բեղմնավորման շրջանում գտնվող որձ կատուների ձեներ են հանում, կամ էլ` հնդկահավի բլբլոց: Օպերատիվ այս միջոցառումները կանխարգելիչ նշանակություն ունեն. ՔԿՀ ղեկավարությունը վախենում է, թե չլինի` այս ընթացքում քայքայիչ գործունեություն ծավալեմ, իսկ հոկտեմբերի 15-ին բռնեմ` ուղիղ կապ հաստատեմ Մատենադարանի հետ, եւ Սերժիկը հիպերտոնիկ կրիզ ունենա` սրանից բխող բոլոր հետեւանքներով: Ահա նման տխրամած հեռանկարը կանխելու համար «Կոշ» ՔԿՀ վարչակազմը կանխարգելիչ միջոցառումներ է ձեռնարկել: Հոկտեմբեր ամսվա ընթացքում, օրինակ, ինձ չի ընձեռել քարտֆոնից զանգելու եւ ոչ մի հնարավորություն: ՔԿՀ պետի հաստատած ցուցակը կախված է հայտարարությունների տախտակին: Այդ ցուցակում գրված է, թե հոկտեմբեր ամսվա ընթացքում «Կոշ» ՔԿՀ որ դատապարտյալը, ո՞ր օրերին եւ ո՞ր ժամերին պետք է զանգելու հնարավորություն ստանա: Իմ անունը ընդհանրապես չկա: Այսինքն` հոկտեմբեր ամսվա ընթացքում ես քարտֆոնից թեկուզ մեկ անգամ զանգելու հնարավորություն չեմ ունենալու: Բացի այս, «Կոշ» ՔԿՀ օպերները օրվա մեջ մի քանի անգամ խուզարկության են ենթարկում ինձ: Այդպիսի խուզարկություններից մեկը շատ հետաքրքիր ընթացք ունեցավ: Իրենց բոզերից մեկի միջոցով օպերատիվ տվյալ ուղարկեցի, թե իբր գլխարկիս մեջ փաթաթած բջջային հեռախոս եմ պահում: Իրենց բոզը չկռահելով, որ բազմաթիվ խուզարկություններից հոգնած պարզապես կուտ եմ տալիս իրեն` վազեց եւ զեկուցեց ՔԿՀ օպերներին: Շատ չանցած օպերները ինձ շրջափակեցին հենց այն վայրում, որտեղ եւ նախատեսել էի: Պահանջեցին ցույց տալ գլխարկս, որը փաթաթած պահել էի ձեռքիս մեջ: Մի~ գույնս գցեցի, մի~ խառնվեցի իրար, մի~ լեզու եմ թափում օպերներիս առաջ, թե բա` ձեր ցավը տանեմ, ինչ կլինի, մի բուռ հայ ենք, խնայեք ինձ, մի պահանջեք իմ գլխարկի պարունակությունը ցույց տալ, մի կործանեք ինձ: Սրանից օպերների դեմքի արտահայտությունը կտրուկ փոխվեց, նրանք երջանիկ էին. կապիտան Արման Գեւորգյանն, օրինակ, արդեն պատկերացնում էր, թե ինչպես է Սերժիկը «սուրբ Սաշիկ» մեդալ կախում իր դոշից եւ քնքշորեն քաշում թշերը: Իսկ մյուս օպերը` Վալերիկ Մամիկոնյանը իր վրեժը լուծելու ծարավից ճպճպացնում էր բերանը: Իսկ վրեժխնդրության առիթ նա ունի. վերջերս մի առիթով բացատրություն էր վերցնում ինձնից եւ տիտղոսաթերթին պիտի գրեր. «դատապարտյալ Նիկոլ Փաշինյանի բացատրության շարունակությունը»: Այս ընթացքում նրան պարզաբանել էի, որ ոչ թե դատապարտյալ եմ, այլ` քաղբանտարկյալ:
- Հիմա ի՞նչ, բացատրության մեջ ես պիտի գրեմ քաղբանտարկյա՞լ,- հարցրեց նա:
- Բա իհարկե,- համոզված տոնով ասացի ես:
Գրեց` «քաղբանտարկյալ Նիկոլ Փաշինյանի բացատրության շարունակությունը»: Պարզ է, թե հետո ինչ սկանդալ էր եղել ՔԿՀ պետի կաբինետում, երբ վերջինս տեսել էր, որ իր ղեկավարած ՔԿՀ աշխատակիցը պաշտոնական փաստաթղթի մեջ ինձ անվանել է քաղբանտարկյալ: Բացատրության այդ էջը չգիտեմ ուր էին տարել` հատուկ քիմիական մշակման ենթարկել, քաղբանտարկյալը դարձնելով «դատապարտյալ»: Բայց փոփոխությունը չեն կարողացել աննկատ անել, եւ միջամտության հետքերը ակնհայտ երեւում են փաստաթղթի վրա:
Հա, ուրեմն, զույգ օպերներին համոզում եմ, թե բա` մի ստուգեք իմ գլխարկի պարունակությունը, ձեր ցավը տանեմ, մի կործանեք ինձ: Սրանք` երջանկությունից ոգեւորված, թե բա` վարյանտ չկա, պիտի գնանք անվտանգության ապահովման սենյակ: Ճանապարհին էլի լեզու եմ թափում: Չէ որ չէ: Սենյակ մտանք` Մամիկոնյանը Շտիռլիցի ոճով կանգնեց դռան դեմը եւ ձեռքերը խաչեց: Գեւորգյանը նստեց սեղանի մոտ` որպես ավելի մեծ ամբիցիաներ ունեցող: Ի վերջո, փաթաթած գլխարկս դրեցի սեղանին. երկուսով մի հարձակվել են` հո~ չեն քանդում, հո~ չեն քանդում գլխարկը: Բայց այնտեղ, ավաղ, ոչինչ չկար, բացի «սուրբ Սաշիկ» շքանշանի հալվող տեսլականից:
ՆԻԿՈԼ ՓԱՇԻՆՅԱՆ

  • Print this article!
  • E-mail this story to a friend!
  • Facebook
  • TwitThis
  • Google
  • MySpace
  • Technorati
  • LinkedIn
  • del.icio.us
  • Digg
  • StumbleUpon
  • Tumblr

ՀՈԴՎԱԾՆԵՐ , ,


  1. Սուրեն
    Հոկտեմբեր 14th, 2010 at 13:32 | #1

    Վայ, Նիկոլ ջաաան :DDD

  2. Anonymous
    Հոկտեմբեր 14th, 2010 at 16:59 | #2

    հիմա

  3. Anonymous
    Հոկտեմբեր 14th, 2010 at 18:54 | #3

    Nikol jan mer jahelneri huyse du es.

  4. Հոկտեմբեր 14th, 2010 at 18:56 | #4

    apres cavd tanem.

  5. Հոկտեմբեր 14th, 2010 at 18:57 | #5

    Nikol jan jahelneri huyse du es, husaxab chanes.

  6. hamo
    Հոկտեմբեր 14th, 2010 at 23:56 | #6

    Nikol jan, qez hamberutyun!!!gevorgyan ,mamikonyannerin el hete

  7. MM
    Հոկտեմբեր 16th, 2010 at 08:38 | #7

    Nkol jan, Du HRASHQ es!

  8. Գոհար
    Հոկտեմբեր 21st, 2010 at 16:13 | #8

    Ապրես Նիկոլ ջան ճշգրիտ պատկերացում տվեցիր վարձու խեղկատակների առօրիայի մասին:Քեզ նման մի քանիսն ել պիտի լինեին,ես երջանիկ կլինեմ կյանքում քո ձեռքը սեղմելու համար,

  9. Armen
    Հոկտեմբեր 22nd, 2010 at 14:43 | #9

    ДА ХРАНИТ ВАС БОГ!
    красавчик
    ГОДА!!!!! МИСТЕР
    МИРА!!! ЛЮБОВЬ ВСЕЛЕННОЙ… ВСЕ ЭТО ТЫ!!!

  10. arminka
    Հոկտեմբեր 22nd, 2010 at 14:52 | #10

    Duq shat lavn eq, ankeghtsoren hiacats em, ham el shat gravich tghamard eq, isk hodvatsnery kardaluc heto el aveli gravich eq darnum achqis, shnorhakalutyun…
    Knereq, ete inch-vor avelord ban em grel…

  11. Armen
    Հոկտեմբեր 26th, 2010 at 11:46 | #11

    Es lriv Odnoklassnik. ru exav

  12. Susanna
    Դեկտեմբեր 15th, 2010 at 19:51 | #12

    Nkol jan hishir, vor ko tikunkin shat mard ka kangnac. Ham el du ho gites tshnaminer@ npastum en hanrajanach darnalun.Kez hamberutyun.CH@nkjves!

  13. vard
    Հունիս 24th, 2011 at 13:18 | #13

    Նիկոլ ջան ախր շատ տաղանդավոր ես հո զոռով չէ.

  1. No trackbacks yet.