> ՀՈԴՎԱԾՆԵՐ > ՀԱՎԱՏԱԼ ԵՎ ՊԱՅՔԱՐԵԼ

ՀԱՎԱՏԱԼ ԵՎ ՊԱՅՔԱՐԵԼ

Նիկոլ Փաշինյան«Հայկական Ժամանակ» օրաթերթը երեկ դարձավ 12 տարեկան: Այս 12 տարիների ընթացքում մեր թերթի մոտավորապես 12 միլիոն օրինակ է վաճառվել, այսինքն` Հայաստանի բնակչությունը չորս անգամ գերազանցող մի թիվ: Ոչ պաշտոնական հաշվարկներով սա աննախադեպ թիվ է մեր երկրի նորանկախ պատմության մեջ: Հիմա, սակայն, երբ հետադարձ հայացք եմ ձգում մեր թերթի պատմությանը, հասկանում եմ, որ գոյության 12 տարիների ընթացքում այն մշտապես գործել է արտակարգ պայմաններում: Նաեւ հիմնադրվել է արտակարգ պայմաններում: Հիմնադրման պահին ունեցել ենք երկու օգտագործած համակարգիչ, մեկ օգտագործած տպիչ` բոլորը տեխնիկապես ոչ բարվոք վիճակում, եւ մի քանի օրվա տպագրության փող: Թե ինչ էր լինելու այդ մի քանի օրվանից հետո, հնարավոր չէր հաշվարկել: Հնարավոր էր միայն հավատալ ու պայքարել: Մենք հավատացինք ու պայքարեցինք: Ու նվիրվեցինք: Ինչի՞ն: Մեր ասելիքը ունենալու եւ այդ ասելիքը բարձրաձայնելու մե՛ր իրավունքին: Ընդամենը. ոչ ավելի, եւ ոչ պակաս: Ընդամենը մեր սիրած աշխատանքը մեր պատկերացումներին համապատասխան անելու իրավունքին: Այս դիրքորոշման դիապազոնը շատ մեծ է` կենցաղայինից մինչեւ գաղափարական: Իմ պատկերացմամբ` քաղաքացու ամենամեծ առաքելությունը սեփական իրավունքին տեր կանգնելն է, սեփական իրավունքը պաշտպանել կարողանալը` սկսած հաց վաստակելու իրավունքից մինչեւ արժանապատվության եւ իշխանություն ձեւավորելու իրավունք: Սրանով է քաղաքացին տարբերվում հպատակից. վերջինս տրված է տիրոջ քմահաճույքին, քաղաքացին գիտի իր իրավունքը եւ կարողանում է տեր կանգնել նրան: Մեր թերթի 12-ամյա գոյությունն, ահա, ամենօրյա պայքար է իրավունքի համար: Այս 12 տարվա ընթացքում իշխանությունը տապակվել է թերթը փակելու երազանքով: Տասնյակ դատական հայցերը, բազմաթիվ քրեական գործերը, բազմաթիվ հարձակումները խմբագրության եւ նրա աշխատակիցների վրա այդ երազանքի արգասիքն են: Իշխանությունը տապակվել է «Հայկական ժամանակը» փակելու երազանքով, բայց չի կարողացել ու չի կարողանալու իրականացնել այդ երազանքը, որովհետեւ սա թերթ չէ ընդամենը, այլ առաքելություն, որ պետք է իրականացվի անխուսափելիորեն եւ անկախ ամեն ինչից: Մեր թերթը 12 տարեկան է: 12 տարեկան է Ձեր թերթը: Իմ միտքը այսօր այն մարդկանց հետ է, ովքեր 12 տարի շարունակ գրեթե ամեն օր մոտեցել են նույն կրպակին եւ արտասանել` հայկական ժամանակ: Այս 12 տարվա մեջ նրանք բազմիցս հիացել են եւ բազմիցս հիասթափվել, բազմիցս ոգեւորվել են եւ բազմիցս հուսահատվել, բազմիցս ջղայնացել են եւ բազմիցս ուրախացել: Իրադարձությունը հենց այստեղ է ներփակված. 12 տարի մենք ապրում ենք իրար հետ, եւ ամենօրյա հանդիպումների մեր ծարավը չի հագեցել: Մենք հավատում ենք իրար, մենք հավատում ենք Աստծուն: Հենց սա է իրադարձությունը, որ 12 տարվա ընթացքում տեղի է ունեցել ամեն օր:
ՆԻԿՈԼ ՓԱՇԻՆՅԱՆ

  • Print this article!
  • E-mail this story to a friend!
  • Facebook
  • TwitThis
  • Google
  • MySpace
  • Technorati
  • LinkedIn
  • del.icio.us
  • Digg
  • StumbleUpon
  • Tumblr

ՀՈԴՎԱԾՆԵՐ , , ,


  1. Mleh Ishkhanian (Beirut)
    Սեպտեմբեր 24th, 2010 at 11:54 | #1

    Nikol jan, srdants g@ shnorhavorem qez yev “Haykakan Zhamanak”-i polor ashkhadagitsnerun, im sireli terti 12-rt daretartsin artiv. G@ maghtem vor nayev HZh-i antoul bayqari shnorhiv gerdveliq Nor ou Yerchanig Hayasdanin mech abrin qou yev im zavagner@. Haradev dogunutyun yev gorov qez, sireli Nigol. Haghtelou enq. +1

  2. Mleh Ishkhanian (Beirut)
    Սեպտեմբեր 24th, 2010 at 15:39 | #2

    Henc nor “Lragir”-um kartatci hanrahayt iravapashtpan Arthur Sakunci hartsazrouyts@ Zhanna Alexanyani het http://www.lragir.am/armsrc/country38805.html. Mianshanak hamadzayn em khizakh iravapashtpani tvadz ganahatakanneri het nakhkin zindatakhaz, “kataryal iravaban” Gagik Jhangiryani gordzuneyutian veraberyal (”Hoktember 27″-i gaghtniqneri partakum` sepakan anvtanguyan vorpes yerashkhiq + “Mataghisi Gordz”-i datakan @ntatsqi mech hantsavor derakatarutyun…) HAK-@ petq e hashvi arni ays hangamanq@. Parkesht martkantsov e petq payqarel.

  3. MM
    Սեպտեմբեր 26th, 2010 at 09:50 | #3

    Sireli Nikol, srtanc shnorhavorum em qez Haykakan Jhamanaki 12 tarva kapakcutyamb, maxtum bexmnavor ashxatanq, bayc amenic aravel QEZ AZATUTYUN!

  4. Anushik
    Սեպտեմբեր 27th, 2010 at 11:35 | #4

    Nikol jan es el em mianum bolor shnorhavoranqnerin, “Haykakan Zamanak@” iroq vor amenakardacvox terteri sharqerum e, havata vor motenum enq terti krpakin vochinch chenq el hascnum artasanel, ashxatox@ arden hervic tesnuma u “Haykakan Zamank@” dnuma “Chorord ishxanutyan” mej, anhamber spasum enq ayn hamarin vortex petqe grvac lini qo azatutyan lur@, menq el enq havatum Astcun, mer erkri paylun apagayin u qez, u gitenq vor amenaarjeqavor baner@ ays kyanqum dzerqa bervum payqari mijocov, hamozvac em vor mer sireli tert@ der erkar janaparh uni ancnelu vorovhetev ayn krtume hay qristonya serund, ayn krtum e iskakan hay qaxaqaci vori kariq@ vaxva Hayastan@ shat e unenalu

  1. No trackbacks yet.