> ՀՈԴՎԱԾՆԵՐ > ՆԻԿՈԼ ՓԱՇԻՆՅԱՆԻ ՈւՂԵՐՁԸ

ՆԻԿՈԼ ՓԱՇԻՆՅԱՆԻ ՈւՂԵՐՁԸ

Սիրելի ժողովուրդ.

Նիկոլ Փաշինյան. Ազատության հրապարակ. փետրվար, 2008 թ.Երեւանի թիվ 10 ընտրատարածքում 2010 թ. հունվարի 10-ին կայանալիք լրացուցիչ ընտրություններում ԱԺ պատգամավորի թեկնածու եմ առաջադրվել: Այս ընտրատարածքում պատգամավորական մանդատը թափուր է մնացել այն բանից հետո, երբ ընտրված պատգամավոր, իմ բարեկամ Խաչատուր Սուքիասյանը վայր դրեց իր լրազորությունները:

Ընտրական այս գործընթացին մասնակցելու որոշումը կայացրել եմ` ի կատարումն հանուն օրինականության եւ արդարության, հանուն իշխանություն ձեւավորելու ժողովրդական իրավունքի, հանուն հայաստանցու արժանապատվության` բոլոր հասու միջոցներով պայքարելու իմ խոստման:

Առաջիկա ընտրությունները ՀՀ քաղաքացուն հնարավորություն են տալու ճեղքել օր օրի իրեն պարուրող ամենաթողության ու բռնության շղթան, եւ այդ հնարավորության իրացմանը ծառայելը իմ պարտքն եմ համարում` որպես «Երեւան-Կենտրոն» քրեակատարողական հիմնարկում (ԿԳԲ-ի բանտ) պահվող քաղբանտարկյալ, որպես Հայաստանի Հանրապետության քաղաքացի: Պատգամավորի թեկնածու առաջադրվելու այս քայլին դիմում եմ` հանուն 2008 թ. մարտի 1-ի տասը անմեղ զոհերի հիշատակի, հանուն բռնապետության զնդաններում պահվող քաղբանտարկյալների, հանուն բոլոր այն քաղաքացիների, ում իրավունքները ոտնահարված են, ում արժանապատվությունը խոցված է բեսպրեդելի կողմից: Այս քայլը անում եմ հանուն մեր երեխաների, ովքեր Ազատ եւ Երջանիկ Հայաստանում ապրելու մեր խոստումն ունեն:

Սույն ուղերձով նաեւ`

- եղբայրական ողջույններ եմ հղում Հայ ազգային կոնգրեսին մաս կազմող քաղաքական կուսակցությունների անդամներին, այդ կուսակցությունների եւ Կոնգրեսի առաջնորդներին, ովքեր առաջիկա ընտրություններում իմ թեկանծությունը պաշտպանելու որոշում են կայացրել.

- իմ երախտիքն եմ հայտնում «Հանրապետություն» կուսակցությանը, նրա Քաղաքական խորհրդին, ՔաղԽորհրդի անդամ Սուրեն Սուրենյանցին, ովքեր հնարավոր համարեցին իրենց սկզբունքների եւ արժեքների պաշտպանությունը` իմ թեկանոծությանը աջակցելու միջոցով.

- ակնկալում եմ, որ Հայ ազգային կոնգրեսի մաս չկազմող ընդդիմադիր ուժերը նույնպես հստակ դիրքորոշում կարտահայտեն սպասվող ընտրությունների վերաբերյալ.

- բարձր եմ գնահատում նույն ընտրատարածքում ԱԺ պատգամավորի թեկնածու առաջադրված, Հայաստանի քաղաքագետների միության նախագահ Հմայակ Հովհաննիսյանի հայտարարությունը` մեր հնարավոր համագործակցության մասին, եւ դրանք ընդունում եմ ի գիտություն:

Սիրելի ժողովուրդ.

Ես հավատում եմ մեր հաղթանակին ոչ միայն հունվարի 10-ի ընտրություններում, այլեւ` հանուն Սահմանադրության, օրինականության, ժողովրդի իշխանության մեր մղած պայքարում: Համոզված եմ, որ Հաղթանակը իրաղություն կդառնա այն պարագայում, երբ Ազատ, Հզոր, Երջանիկ Հայաստանի երազանք ունեցող ամեն ոք` անկախ քաղաքական եւ քաղաքացիական դիրքից, հանուն հաղթանակի, իրենից կախված հնարավորը անի:

Եւ ուրեմն`

Կեցցե´ Հայաստանի Հանրապետությունը,
Կեցցե´ Ազատությունը,
Կեցցե´ն մեր երեխաները, որ ապրելու են Ազատ եւ Երջանիկ Հայաստանում:

Աստված մեզ օգնական:

ՆԻԿՈԼ ՓԱՇԻՆՅԱՆ

ԱԺ պատգամավորի թեկնածու
քաղբանտարկյալ, «Երեւան-Կենտրոն» ՔԿՀ-ից

  • Print this article!
  • E-mail this story to a friend!
  • Facebook
  • TwitThis
  • Google
  • MySpace
  • Technorati
  • LinkedIn
  • del.icio.us
  • Digg
  • StumbleUpon
  • Tumblr

ՀՈԴՎԱԾՆԵՐ , , ,


  1. nono
    Նոյեմբեր 2nd, 2009 at 21:33 | #1

    Նիկոլ, ես ողջունում եմ այս քայլը, միանշանակ շատ ճիշտ է եւ երկրորդ կարծիք լինել չի կարող:

  2. Սուրեն
    Նոյեմբեր 2nd, 2009 at 22:04 | #2

    +1000000000000000000000000000000000000

  3. Սուրեն
    Նոյեմբեր 2nd, 2009 at 22:09 | #3

    Նիկոլ ջան, ազգը քո կողքին է: Հաղթելու ենք, մաքրելու ենք:

  4. Արամ
    Նոյեմբեր 3rd, 2009 at 01:33 | #4

    Միևնույն է հաղթելու ենք…

  5. Նոյեմբեր 3rd, 2009 at 17:15 | #5

    payqar payqar minchev verj
    NIKOL HAXTANAK

  6. yervand
    Նոյեմբեր 3rd, 2009 at 19:50 | #6

    Nikol@ hay azgi parosna! ete Nikol@ chlner menk hastat korac enk!

  7. Marianna
    Նոյեմբեր 3rd, 2009 at 20:49 | #7

    Hamadzayn em Nikoli voroshman het.+1

  8. Mery
    Նոյեմբեր 4th, 2009 at 07:23 | #8

    Yete, inch-inch dzeverov ays @ntrutyan@ Nikol@ chancni, uremn mer azg@ prkvelu yelq chuni.Bolors mek mardu nman petq e anenq amen inch azniv @ntrutyan hamar! PAYQAR, PAYQAR MINCHEV HAXTANAK!

  9. Armen M.
    Նոյեմբեր 4th, 2009 at 10:34 | #9

    Nikoli @ntrutyunov verjapes kparzvi arje inch vor bani vra huys dnel ???ete Levoni hamar asum ein keghciqneri himq@ na e drel,Zurabyanin el te sandzardzakutyunne el irenic——–hima tesnenq -Nikoln el ho maqur e…..hima kereva Erevanum ovqer en aprum.Isk erevancin togh chmorana,vor MAYR qaghaqi bnakich e ev patasxanatu e bolor Hayeri arjev-lini marzic te spyurqic.

  10. Marianna
    Նոյեմբեր 4th, 2009 at 14:50 | #10
  1. No trackbacks yet.