> ՀՈԴՎԱԾՆԵՐ > ԽՄԲԱԳՐԱԿԱՆ. ՋԱՎԱԽՔ` ՂԱՐԱԲԱՂԻ ԴԻՄԱՑ

ԽՄԲԱԳՐԱԿԱՆ. ՋԱՎԱԽՔ` ՂԱՐԱԲԱՂԻ ԴԻՄԱՑ

Հրանտ Տեր-Աբրահամյանի «Չուժոյ պախմել» հոդվածաշարը ըստ էության փակեց հայ-թուրքական հարաբերությունների ջերմացման շուրջ կառուցվող վերլուծությունների շղթան: Հեղինակը համոզիչ կերպով փաստարկում է, որ այսպես կոչված «ֆուտբոլային դիվանագիտության» մեկնարկը տվել է Ռուսաստանը` նպատակ ունենալով Հայաստանը օգտագործել Վրաստանի մասնատման իր ստրատեգիական պլանի իրագործման համար: Մինչեւ օրս Ռուսաստանը չի կարողանում Հայաստանը իր համար ցանկալի չափով ներքաշել իր հակավրացական քաղաքականության հորձանուտ, որովհետեւ հենց Վրաստանով է անցնում Հայաստանը սնուցող կյանքի ճանապարհը: Այսպիսով, ռուս-թուրքական մերձեցման արդյունքում փորձ է արվում նոր «կյանքի ճանապարհ» բացել «ռուսական ֆորպոստ» Հայաստանի համար: Եւ երբ բացված կլինի հայ-թուրքական սահմանը, կաշխատեն երկաթուղին եւ ավտոճանապարհները` Ռուսաստանը Հայաստանից հակավրացական կոնկրետ գործողություններ ակնկալելու հնարավորություն կունենա: Այդ գործողությունների սխեման չափազանց պարզ է եւ բնականաբար` կապվելու է Ջավախքի հարցի արծարծման հետ: Բայց դրա իրագործումը որոշակի հավելյալ բարդությունների հետ է կապվում: Մասնավորապես` եթե Հայաստանի թուրքական զարկերակը բացվի ԼՂ հակամարտության գոտում հաստատված ստատուս-քվոյի պայմաններում, այսինքն` առանց դրա փոփոխության, Հայաստանի ներքաշումը վրացական արշավի հորձանուտ կշարունակի մնալ ստրատեգիական առումով խոցելի մտադրություն, որովհետեւ կնշանակի երկրորդ ճակատ բացել Հայաստանի համար: Այսինքն` Վրաստանի հետ հակամարտության մեջ մտնելով` Հայաստանը ղարաբաղյան ճակատում կարող է ադրբեջանական հարձակման թիրախ դառնալ: Ու եթե Թուրքիան սրան արձագանքի ոչ վաղ անցյալում բացված սահմանը փակելով` Հայաստանի վիճակը կդառնա ոչ նախանձելի: Այսինքն` Հայաստանին Վրաստանի դեմ գործողությունների մղելու պայմաններ ստեղծելու համար Ռուսաստանին հարկավոր է ոչ միայն հայ-թուրքական սահմանի բացմանը հասնել, այլեւ ԼՂ հակամարտության կարգավորմանը, ընդ որում` այնպիսի կարգավորման, որ կապահովի թուրք-ադրբեջանական կողմի չեզոքությունը հակավրացական նոր արշավի ժամանակ: Սա էլ նշանակում է, որ Ռուսաստանը նվիրված է լինելու ԼՂ հակամարտության կարգավորման «Մադրիդյան սկզբունքներին», որ ենթադրում են «Ադրբեջանի 7 գրավյալ շրջանների» վերադարձ ալիեւյան հանրապետությանը: Այս ամենը, ահա, հիմք է տալիս ենթադրել, որ հայ-թուրքական հարաբերությունների եւ ԼՂ հակամարտության փաթեթային կարգավորման կողմնակից են ոչ միայն Թուրքիան եւ Ադրբեջանը, այլեւ Ռուսաստանը: Եւ ինչպես անձեռոցիկի վրա ՌԴ ԱԳ նախարար Սերգեյ Լավրովը ՀՀ ԱԳ նախարարին ուղղված հանձնարարական գրեց` ստորագրել հայ-թուրքական արձանագրությունները, այդպես էլ «Մադրիդյան սկզբունքներին» համաձայնելու հանձնարարական է տրվելու` ազատագրված տարածքները լքելու հանձնարարական: Ռուսաստանի տեսակետից` այդպիսով հայերը ոչինչ չեն կորցնում. հեռանում են ազատագրված տարածքներից եւ գուցե` Ղարաբաղից, փոխարենը ստանում են Ջավախքը, եթե, իհարկե, դեպի Թիֆլիս գրոհելու վճռականություն ունենան:

ՆԻԿՈԼ ՓԱՇԻՆՅԱՆ

  • Print this article!
  • E-mail this story to a friend!
  • Facebook
  • TwitThis
  • Google
  • MySpace
  • Technorati
  • LinkedIn
  • del.icio.us
  • Digg
  • StumbleUpon
  • Tumblr

ՀՈԴՎԱԾՆԵՐ , ,


  1. Չեխիայից
    Հոկտեմբեր 31st, 2009 at 07:16 | #1

    Մեր նաղդը թողնենք, ընկնենք նիսիայի հետևի՞ց …

  2. Marianna
    Նոյեմբեր 1st, 2009 at 00:07 | #2

    Iskakanic vor Hayastani vichak@ CANRA……

  3. Armen M.
    Նոյեմբեր 1st, 2009 at 22:57 | #3

    GHarabagh@ azatagrvec—inch unenq hima,da Hayastani xagh@ cher,andrkovkasum ir mshtakan nerkayutyunn apahovelu hamar “mets eghbayrn” aydpes uzec,zinec,strkacrec…hima el javaxq@…
    Esh@ vor esh e–cexic durs galuc heto………..menq der naxord cexic durs chenq ekel.

  4. Հայկ–PL
    Նոյեմբեր 2nd, 2009 at 14:36 | #4

    Թքելա պետք Ռուսաստանի վրա։
    Մեր դարավոր հարևան ու բարեկամ Վրաստանի հե՛տ պետք է ավելի ու ավելի սերտացնել հարաբերությունները! Ոչ թե երկերեսանու նման վարվել։
    Եթե Հայաստանն ու Վրաստանը ուժերը համախմբեն ու միավորված գործեն կարծում եմ Կովկասում թելադրող ուժերի ազդեցությունը զգալիորեն կպակասի։

  5. Armen M.
    Նոյեմբեր 2nd, 2009 at 20:02 | #5

    @Հայկ–PL
    rus@ aynpisi &ahi& e sarqel mez hamar,vor hnaravor che nranic azatvel, aravel evs ays kompromatnerov zombiacvac “ishxanutyan” arkayutyamb.HH -i poqr i shate arjeq nerkayacnogh amen inch TRVEL e inch vor anhayt partqi dimac…isk ashxarhn aysor aynpisin e ,vor ete “grpannert datark “en kam vacharelu ban chunes—djvar te mardu tegh dnen,manavand vor ayd vichaki ekel es bolori achqi araj.

  6. Marianna
    Նոյեմբեր 2nd, 2009 at 21:56 | #6
  1. No trackbacks yet.