> ՀԱՐՑ-ՊԱՏԱՍԽԱՆ > ՆԻԿՈԼԻ ՊԱՏԱՍԽԱՆԸ ՀՈՎՍԵՓ ՂՈՒՄԱՇՅԱՆԻՆ

ՆԻԿՈԼԻ ՊԱՏԱՍԽԱՆԸ ՀՈՎՍԵՓ ՂՈՒՄԱՇՅԱՆԻՆ

Հարց Հովսեփ Ղումաշյանից

Բարև Նիկոլ: Շատ հաճելի է քեզնից տեղեկություն ստանալը: Անձամբ ես համարում եմ, որ դու Համաժողովրդական Շարժման ծանր հրետանին ես: Ընդհատակից դուրս գալուդ որոշումն իհարկե քոնն է: Սակայն, ինչ ես կարծում, կնպաստի՞ արդյոք դա շարժմանը: Մյուս կողմից, ժողովուրդն արդեն վաղուց է ցանկանում լսել քո ձայնը: Միգուցե այդկերպ հնարավոր լինի նոր թափ հաղորդել շարժմանը, քանի որ իշխանություններն անում են ամեն ինչ մարդկանց բողոքի ձայնը խեղդելու համար` չգիտակցելով, որ դրանով իրենք նոր պարարտ հող են հաղորդում նոր “մարտի մեկերի” համար:

Նիկոլի պատասխանը - Սիրելի Հովսեփ, իմ կարծիքով այս քայլը Շարժմանը կօգնի այնքանով, որ ի ցույց կդնի մեր հաստատակամությունն ու վճռականությունը, մեր հավատը մեր պայքարի հաղթական ելքի նկատմամբ: Ի վերջո, ես այսօր կամավոր գնում եմ բանտ. ի՞նչ եք կարծում, ես մազոխի՞ստ եմ: Հույս ունեմ այդ կարծիքին չեք: Եւ ուրեմն, ես կամավոր բանտ եմ գնում` բոլորին ի ցույց դնելու համար, որ կասկած չունեմ, որ հաղթելու ենք, կասկած չունեմ, որ մեր պայքարը բարձր պայքար է, պայքար է հանուն արժեքների, հանուն ազատության, հանուն Ազատ եւ Երջանիկ Հայաստանի: Ի վերջո, այս պայքարում շատ կարեւոր է հոգեբանական պահը: Այսօր շատ են ասում վախի մթնոլորտ, ասում են, որ մարդիկ վախենում են իշխանությունից: Ես կամավոր բանտ եմ գնում ի ցույց դնելու, որ թքած ունեմ վախի մթնոլորտի վրա, որ հումորով եմ վերաբերվում իշխանության «սարսափազդու» լինելու մասին առասպելին: Սա թույլ, ճղճիմ, անօգնական, տգետ եւ անբարո իշխանություն է, եւ մենք ուժեղ ենք իրենցից, մենք միշտ ուժեղ ենք եղել իրենցից: Եւ ես այսօր այս քայլը անում եմ դա ապացուցելու համար: Ահա թե ինչով է իմ քայլը նպաստելու Շարժմանը: Հաղթելու ենք:

  • Print this article!
  • E-mail this story to a friend!
  • Facebook
  • TwitThis
  • Google
  • MySpace
  • Technorati
  • LinkedIn
  • del.icio.us
  • Digg
  • StumbleUpon
  • Tumblr

ՀԱՐՑ-ՊԱՏԱՍԽԱՆ , ,


  1. MERY
    Հունիս 26th, 2009 at 18:44 | #1

    Haxtelu emq!!!!!!!!!!!!!PAYQAR,PAYQAR MINCHEV VERCH!!!!!!!HASTAT HAXTELU ENQ!!!!!!!100% kaskacox chka!!!!1

  2. Սուրեն
    Հունիս 27th, 2009 at 00:23 | #2

    “Սա թույլ, ճղճիմ, անօգնական, տգետ եւ անբարո իշխանություն է, եւ մենք ուժեղ ենք իրենցից, մենք միշտ ուժեղ ենք եղել իրենցից:”

    +1+1+1+1+1+1+1+1

  1. No trackbacks yet.