Արխիվ 2012

ՆԻԿՈԼ ՓԱՇԻՆՅԱՆԻ ԱՄԱՆՈՐՅԱ ՇՆՈՐՀԱՎՈՐԱՆՔԸ

Դեկտեմբեր 31, 2012

opimagesՍիրելի ժողովուրդ, Հայաստանի Հանրապետության հպարտ քաղաքացիներ.

Շնորհավորում եմ ձեզ Ամանորի եւ Սուրբ Ծննդյան հրաշալի առիթով: Յուրաքանչյուր ընտանիքի մաղթում եմ խաղաղություն, երջանկություն, բարեկեցություն, վստահություն՝ ապագայի նկատմամբ:

Մենք ապրում ենք դժվար մի ժամանակահատվածում, եւ մեր 21-ամյա Հանրապետության պատմությունն իմաստավորելու, վերլուծելու ժամանակն է: Երրորդ Հանրապետության պատմությունն ինքնին դժվարությունների մի անվերջանալի թվացող շղթա է, եւ ցավալիորեն՝ առաջիկա ապագան լավատեսությամբ լցվելու ազդակներ չի հաղորդում:

Կարդալ շարունակությունը …

ՀՈԴՎԱԾՆԵՐ

ՆԻԿՈԼԸ ԱԽՔ-Ի ՀԱՅՏԱՐԱՐՈՒԹՅԱՆ ՄԱՍԻՆ

Դեկտեմբեր 23, 2012

zvԱԽՔ Արթուր Բաղդասարյանի, ՕԵԿ համագումարում ունեցած ելույթի ինձ վերաբերվող հատվածի վերաբերյալ լրագրողների բազմաթիվ հարցումներին ի պատասխան հարկ եմ համարում հայտարարել հետեւյալը.

Հասկանում եմ, որ ԱԽՔ Արթուր Բաղդասարյանը տարբեր քաղաքական գործիչների դիֆերամբներ ձոնելու միջոցով  կարիերա անելու 20-ամյա հարուստ փորձ ունի, բայց այս անգամ խստորեն սխալվել է հաշվարկներում: Քաղաքական գործունեության ընթացքում երբեք չեմ առաջնորդվել ու չեմ առաջնորդվելու ինձ «դիֆերամբներ» ձոնողներին բարեկամ, իսկ քննադատողներին թշնամի համարելու գործելակերպով:

Կարդալ շարունակությունը …

ՀՈԴՎԱԾՆԵՐ , ,

ՆԻԿՈԼ ՓԱՇԻՆՅԱՆԻ ԵԼՈՒՅԹԸ ԱԺ ԱՐՏԱՀԵՐԹ ՆԻՍՏՈՒՄ

Դեկտեմբեր 17, 2012

17nikol-pashinyan_by-azuraՍտորեւէ բերվող ելույթը հնչել է ԱԺ 17.12.12 արտահերթ լիագումար նիստում.

Տիկնայք եւ պարոնայք.

Այս պատմությունը սկսվեց այն ժամանակ, երբ Ազգային ժողովի Էթիկայի հանձնաժողովը որոշեց քննություն սկսել ԱԺ թվով 83 պատգամավորների նկատմամբ, որոնցից 74-ը ներկայացնում են իշխանական կոալիցիան: Որոշումն, ընդ որում, մեղադրական կանխավարկած չի պարունակում, եւ միայն քննությունը պիտի պարզի՝ արդյոք 83 պատգամավորներից որեւէ մեկը խախտել է պատգամավորի էթիկայի կանոնները, թե ոչ:

Էթիկայի կանոնները խախտելու մասին որոշումն, ընդ որում, իրավական որեւէ հետեւանք չի ունենում, եւ եթե անգամ ենթադրենք, որ հանձնաժողովի որոշումը լինելու էր կոալիցիան ներկայացնող 74 պատգամավորների կողմից էթիկայի կանոնները խախտելու վերաբերյալ, դրանից խորհրդարանական մեծամասնությունը չէր կազմաքանդվի: Այսուհանդերձ, Հանրապետական կուսակցության արձագանքը 83 պատգամավորների նկատմամբ քննություն սկսելու մասին Էթիկայի հանձնաժողովի որոշմանը՝ ըստ էության կայծակնային էր:

Կարդալ շարունակությունը …

ԵԼՈՒՅԹՆԵՐ, ՀՈԴՎԱԾՆԵՐ , , ,

ՆԻԿՈԼ ՓԱՇԻՆՅԱՆԻ ՀԱՅՏԱՐԱՐՈՒԹՅՈՒՆԸ

Դեկտեմբեր 16, 2012

images16ԱԺ պատգամավորներ Վարդան Օսկանյանի եւ Լեւոն Զուրաբյանի խոսակցության՝ համացանցում հայտնված ձայնագրության կապակցությամբ լրագրողների բազմաթիվ հարցումներին ի պատասխան հարկ եմ համարում հայտարարել.

ա) խստորեն դատապարտում եմ երկու պատգամավորների խոսակցության ապօրինի ձայնագրումը եւ տեղադրումը youtube-ում, որը խորհրդային ԿԳԲ-ի գործելակերպի արատավոր դրսեւորում է, ինչը չպետք է տեղի ունենա մեր իրականության մեջ:

բ) ՀՀ իրավապահ մարմինները պարտավոր են անհապաղ քրեական գործ հարուցել ՀՀ Քրեական օրենսգրքի 146 հոդվածի հատկանիշներով՝ ձայնագրությունը իրականացրած եւ youtube-ում տեղադրած անձանց բացահայտելու եւ քրեական պատասխանատվության ենթարկելու համար:

գ) մենք՝ Հայ ազգային կոնգրեսի, ընդդիմության ներկայացուցիչներս, ընթացիկ ցավոտ հարցերը քննարկելիս պետք է պահպանենք զսպվածություն, տուրք չտալով էմոցիաներին՝ հանրության առաջ մեր ունեցած պարտավորությունները պատվով կատարելու համար:

դ) ընթացիկ քաղաքական իրավիճակը թելադրում եւ պահանջում է Հայ ազգային կոնգրեսի առաջնորդ, ՀՀ առաջին նախագահ Լեւոն Տեր-Պետրոսյանի առաջադրումը ՀՀ նախագահի թեկնածու, եւ սերժանտական կործանարար իշխանության հեռացման նպատակ ունեցող բոլոր քաղաքական ուժերի համախմբումը նրա թեկնածության շուրջ:

ՆԻԿՈԼ ՓԱՇԻՆՅԱՆ

ՀՈԴՎԱԾՆԵՐ , , ,

ՆԻԿՈԼԸ ՀԱՇՎԵՀԱՐԴԱՐԻ Է ԵՆԹԱՐԿՈՒՄ Դ. ՀԱՐՈՒԹՅՈՒՆՅԱՆԻ՞Ն

Դեկտեմբեր 8, 2012

111111111images«Հայկական ժամանակ» օրաթերթի թղթակիցը երեկ Նիկոլ Փաշինյանին է դիմել հետեւյալ հարցով.

- Պ-ն Փաշինյան, ԱԺ էթիկայի ժամանակավոր հանձնաժողովի անդամ, ՀՀԿ պատգամավոր Դավիթ Հարությունյանն ասում է, որ հանձնաժողովի նախագահը՝ այսինքն դուք, կոպտորեն խախտել եք օրենքը եւ քաղաքական հաշվեհարդար եք տեսել, երբ Արմեն Ռուստամյանի դիմումի քննության ժամանակ նրան զրկել եք ձայնի իրավունքից: Ըստ Հարությունյանի՝ նա իրավունք չունի մասնակցելու իրեն վերաբերող հարցի քննարկմանը, բայց իրավունք ունի մասնակցելու մյուս 82 պատգամավորների հարցի քննարկմանը (Ռուստամյանի դիմումը վերաբերվում է 83 պատգամավորի, այդ թվում՝ Դավիթ Հարությունյանին): Հանձնաժողովի անդամին զրկելով ձայնի իրավունքից՝ օրենքի ո՞ր կետով եք առաջնորդվել: Խնդրում եմ ներկայացրեք ստեղծված իրավիճակի ձեր հիմնավումը:

Կարդալ շարունակությունը …

ՀԱՐՑ-ՊԱՏԱՍԽԱՆ, ՀՈԴՎԱԾՆԵՐ

ԵՐՐՈՐԴ ՀԱՆՐԱՊԵՏՈՒԹՅԱՆ ԱՌԱՋԻՆ ԲԱԺԱՆՈՒՄԸ

Նոյեմբեր 10, 2012

picture-4116Այն, ինչ վերջին ամիսներին տեղի է ունենում Հայաստանի քաղաքական վերնախավում, հավակնում է հետագայում, պատմության մեջ՝ վերնագրվել Երրորդ Հանրապետության առաջին բաժանում՝ նմանությամբ առաջին հազարամյակում Հայաստանի հետ տեղի ունեցած իրադարձությունների:

Ընթացիկ պատմությունը սկիզբ է առնում 2006 թվականից, երբ «Իմ կուսակցությունը ժողովուրդն է» կարգախոսի շղարշի տակ իշխանության հասած Ռոբերտ Քոչարյանը նախաձեռնեց «Բարգավաճ Հայաստան» կուսակցության ստեղծումը, իսկ Քոչարյանի նախընտրական շտաբի պետ, տխրահռչակ Սերժ Սարգսյանը իր տակ մտցրեց Հանրապետական կուսակցությունը, որն իշխանական կարգավիճակ էր ստացել 1999 թվականին, Վազգեն Սարգսյանի առաջնորդության պայմաններում:

Կարդալ շարունակությունը …

ՀՈԴՎԱԾՆԵՐ , ,

ՆԻԿՈԼ ՓԱՇԻՆՅԱՆԻ ՀԱՅՏԱՐԱՐՈՒԹՅՈՒՆԸ

Հոկտեմբեր 18, 2012

images«168 ժամ» թերթի 2012թ. հոկտեմբերի 18-19-ի համարում  լույս տեսած «Քաշքշել են ԲՀԿ-ի պատճառով» , «ԲՀԿ-ի պատճառով իրար են ծեծում» հրապարակումներում որպես փաստ ներկայացվել են իրականության հետ կապ չունեցող տեղեկություններ: Այդ կապակցությամբ հարկ եմ համարում ընդգծել մի քանի փաստեր, սեփական խոսքով երաշխավորելով դրանց անառարկելիությունը.

1.Հայ ազգային կոնգրեսի քաղաքական խորհրդի վերջին նիստերին մասնակցություն չեմ ունեցել, որովհետեւ չեմ հանդիսանում քաղաքական խորհրդի անդամ: Կոնգրեսի խորհրդարանական խմբակցության անդամները քաղխորհրդի նիստերին մասնակցում են ըստ անհրաժեշտության:

Կարդալ շարունակությունը …

ՀՈԴՎԱԾՆԵՐ

ՄԵՐՁԴՈԴՅԱ ԿԱՅՔԵՐԻ ԱՌՆՉՈՒԹՅԱՄԲ

Հոկտեմբեր 6, 2012

images-1Դոդամերձ կամ մերձդոդյա մի շարք կայքեր վերջերս հատուկ ուշադրության կենտրոնում են պահում իմ համեստ անձը: Իրենց նպատակները անիրագործելի գտնելով «քաղաքագիտական վերլուծությունների» ժանրում՝ նոքա անցել են այլեւս լկտի շանտաժի լեզվին: Ինչպես պարզվեց օրերս, սկսել են սպառնալ, թե ինձ վարկաբեկող տեղեկություններ կհրապարակեն եւ սա անում են ընդամենը մեկ ամիս անց այն բանից, երբ նման մի տապալված փորձեց արեց Նեմեց Ռուբոն՝ իր տխրահռչակ հարցազրույցում: Դոդամերձ կամ մերձդոդյա կայքերի շանտաժի հետ կապված հարկ եմ համարում ընդգծել հետեւյալը.

Կարդալ շարունակությունը …

ՀՈԴՎԱԾՆԵՐ

Ի ՊԱՏԱՍԽԱՆ ԼՐԱՏՎԱՄԻՋՈՑՆԵՐԻ

Հոկտեմբեր 4, 2012

«Ժողովուրդ» թերթի թղթակիցը հետաքրքրվել է, թե ԱԺ այսօրվա լիագումար նիստում ինչու է Նիկոլ Փաշինյանը դեմ քվեարկել ՀՀ 2011 թ. բյուջեի կատարման հաշվետվությանը, երբ ՀԱԿ խմբակցության քարտուղար Արամ Մանուկյանը ամբիոնից հայտարարել էր, թե ՀԱԿ խմբակցությունը չի մասնակցի քվեարկությանը: Քանի որ այս հարցով դիմել են այլ լրատվամիջոցներ եւս, ստորեւ ներկայացնում ենք Նիկոլ Փաշինյանի պատասխանը.

Կարդալ շարունակությունը …

ՀՈԴՎԱԾՆԵՐ ,

ԱԺ ՆԱԽԱԳԱՀԸ ԽԱԽՏԵԼ Է ԿԱՆՈՆԱԿԱՐԳԸ

Այսօրվա ԱԺ հայտարարությունների ժամին Նիկոլ Փաշինյանը Աժ ամբիոնից հանդես է եկել հետեւյալ հայտարարությամբ:

Հայաստանի Հանրապետության Ազգային ժողովի կանոնակարգ օրենքի 35-րդ հոդվածի 3-րդ եւ 4-րդ մասերով իմպերատիվ կերպով սահմանվում է, որ ԱԺ չորսօրյա նիստերի յուրաքանչյուր երեքշաբթի օրվա պատգամավորական հայտարարության ժամը եւ չորեքշաբթի օրը տեղի ունեցող կառավարության հետ հարցուպատասխանը չորեքշաբթի օրը պետք է ամբողջությամբ, ուշադրություն դարձրեք՝ ամբողջությամբ եթեր հեռարձակվեն:

Ի հեճուկս այս օրենսդրական հրամայական պահանջի Հինգերորդ գումարման Ազգային ժողովի 2012թ. աշնանային նստաշրջանի առաջին քառօրյայի հայտարարություններն ու հարցուպատասխանը Հանրային հեռուստատեսությամբ եթեր են հեռարձակվել հատվածաբար:

Կարդալ շարունակությունը …

ՀՈԴՎԱԾՆԵՐ

Ն. ՓԱՇԻՆՅԱՆԻ ՀԱՅՏԱՐԱՐՈՒԹՅՈՒՆԸ. 01.10.2012

Հոկտեմբեր 2, 2012

n_nՔանի որ բազմաթիվ լրագրողներ եւ հանրությունը հետաքրքրված են, թե արդյոք մասնակցելու եմ Վարդան Օսկանյանի հարցով քվեարկությանը, հարկ եմ համարում հայտարարել հետեւյալը.

2008թ. հունիսի 16-ի «Ցպահանջ արդարադատություն» հոդվածում հայտարարել եմ, որ եթե գլխավոր դատախազը Օսկանյանի հարցով գա Ազգային ժողով, ես կողմ եմ քվեարկելու:

Նույն հոդվածում, կամ երբեւէ չեմ հայտարարել, սակայն, որ պատրաստվում եմ սերժանտական կոալիցիայի անդամ կամ մաս դառնալ:) Քանի որ հանգամանքների բերումով ընթացիկ քվեարկությանը մասնակցում են միայն իշխող կոալիցիայի անդամները, հասկանալիորեն չեմ կարող այդ ամբողջության մաս կազմել եւ, ինչպես որոշել ենք Հայ ազգային կոնգրես խմբակցությունում, խմբակցության բոլոր պատգամավորներով կբոյկոտենք քվեարկությունը:

Այսուհանդերձ, համոզված եմ, որ Վարդան Օսկանյանին եւ «մյուսներին» Մարտի 1-ի գործով որպես մեղադրյալ ներգրավելու որոշում, քվեարկություն անպայման լինելու է: Տվյալ թեմայի շուրջ խոսակցությունը ոչ միայն չի ավարտվել, այլեւ մեկնարկում է նոր թափով: Վկան՝ Ազգային ժողովում եւ սոցիալական ցանցերում ծայր առած քննարկումները:

ՆԻԿՈԼ ՓԱՇԻՆՅԱՆ
01.10.2012

Լուսանկարը՝ Գագիկ Շամշյանի

ՀՈԴՎԱԾՆԵՐ , ,

ԵՍ ԴԵՄ ԵՄ ՀԱՊԿ ՆՈՐ ԱՐՁԱՆԱԳՐՈՒԹՅԱՆԸ

Սեպտեմբեր 29, 2012

imagesԿարեւո՞ր է արդյոք Հավաքական անվտանգության պայմանագրի կազմակերպությունը (ՀԱՊԿ) Հայաստանի համար: Արդյո՞ք այս կազմակերպությունը էական նշանակություն է ունեցել Հայաստանի անվտանգության ապահովման եւ Հայաստանի շուրջ հարաբերական կայունության ապահովման գործում:

Հայաստանի Երրորդ Հանրապետության պատմության շատ թե քիչ օբյեկտիվ գնահատողը չի կարող վերը շարադրված հարցերին դրական պատասխան չտալ: ՀԱՊԿ-ն ինչպես եղել, այնպես էլ տեսանելի ապագայում լինելու է Հայաստանի անվտանգության կարեւորագույն բաղկացուցիչ եւ Հայաստանը հենց այս նկատառմամբ է դարձել ռազմաքաղաքական այդ դաշինքի հիմնադիր անդամ: Բայցեւայնպես, պետք չէ մոռանալ, թե ինչու է Հայաստանը դարձել ՀԱՊԿ անդամ, ինչ նպատակ է հետապնդել այդ քայլն անելիս, ինչ նպատակ է հետապնդում որեւէ երկիր, անվտանգության որեւէ համակարգի մաս կազմելիս: Բոլոր դեպքերում նպատակը նույնն է, եւ երկրները, պետությունները ռազմաքաղաքական դաշինքներ են կազմում իրենց ինքնիշխանությունը պահպանելու, պաշտպանելու համար:

Կարդալ շարունակությունը …

ՀՈԴՎԱԾՆԵՐ

ԱՆՑԱԳԻՐ ԵՄ ԻՋԵՑՐԵԼ ՄԱՐԶՊԵՏԻ ՀԱՄԱՐ

Սեպտեմբեր 26, 2012

scan1«Առավոտի» կայքում ընթերցեցի Կոտայքի մարզպետ Կովալենկո Շահգալդյանի խրոխտ մեկնաբանությունը http://www.aravot.am/2012/09/25/113133/, որ նա արել էր ԱԺ ֆինանսավարկային եւ բյուջետային հարցերի ու տարածքային կառավարման եւ տեղական ինքնակառավարման հարցերի մշտական հանձնաժողովների սեպտեմբերի 25-ին տեղի ունեցած համատեղ նիստից (տես՝ http://www.armtimes.com/36444 ) հետո՝ լրագրողի հարցերին ի պատասխան: Այդ մեկնաբանության կապակցությամբ հարկ եմ համարում անել մի քանի արձանագրումներ:

Կարդալ շարունակությունը …

ՀԱՐՑ-ՊԱՏԱՍԽԱՆ, ՀՈԴՎԱԾՆԵՐ

ԵԼՈՒՅԹ ՍԱՐՅԱՆԻ ԱՐՁԱՆԻ ՄՈՏ, ԱՆԿԱԽՈՒԹՅԱՆ ՕՐՎԱ ԱՌԻԹՈՎ

Սեպտեմբեր 22, 2012

ելույթ Մ. Սարյանի արձանի մոտՍիրելի ժողովուրդ, Հայաստանի Հանրապետության հպարտ քաղաքացիներ.

Անկախության ձեռքբերումից 21 տարի անց մենք կրկին կանգնած ենք անկախություն, այսինքն ինքնիշխանություն ձեռքբերելու հրատապ խնդրի առաջ: Դաժան երազի է նման մեր այսօրվա իրականությունը, երբ անկախության ձեռքբերման առաջին տարիներին ավելի շատ ինքնիշխանություն, անկախություն ունեինք քան այսօր:

Անկախ պետականությունը՝ Խորհրդային Հայաստանում Հայ ժողովրդի աննախադեպ մշակութային զարգացման գագաթնակետը դարձավ: Անկախությունը նման է մի գանձարանի, որ իրենից ներս, անառիկ ամրոցի նման, պահում-պահպանում է ժողովրդի ստեղծած ամենակարեւոր ու թանկագին արժեքները: Անկախությունը մի ամրոց է, որ ժողովուրդները կերտում են իրենց ամենանվիրական երազանքները, ապագայի նկատմամբ իրենց հավատը, սեփական ուժերի նկատմամբ վստահությունը փայփայելու, պահպանելու համար:

1991-ին Հայ ժողովուրդը կերտեց անկախություն, որովհետեւ հավատում էր ինքն իրեն, հավատում էր ապագային: Հայ ժողովուրդը անկախություն կերտեց, որովհետեւ 20-րդ դարում ստեղծել էր մտավոր, գիտական, մշակութային հսկայական, հսկայական կապիտալ, եւ դարասկզբի աղետից հետո վստահություն ձեռքբերել սեփական ուժերի նկատմամբ: Անկախությունն ահա, պիտի դառնար այն անառիկ ամրոցը, որ պատմական աղետներից մազապուրծ հայ ժողովրդի՝ այնքան թանկագին ինքնավստահությունը, որ կոփվեց-թրծվեց Ղարաբաղյան պատերազմի փառապանծ հաղթանակով, ահա այդ հաղթական վստահությունը պահպաներ, բազմապատկեր եւ փոխանցեր սերնդեսերունդ:

Կարդալ շարունակությունը …

ԵԼՈՒՅԹՆԵՐ, ՀՈԴՎԱԾՆԵՐ ,

ՀԱՅԱՍՏԱՆԸ ԿՐԻՆԻՑԱՅԻՑ ՀԵՏՈ

Սեպտեմբեր 18, 2012

ceeaeuro_011Սեպտեմբերի 4-ից 7-ը Լեհաստանի Կրինիցա-Զդրույ քաղաքում տեղի ունեցած տնտեսական ֆորումը օգտակար ստացվեց: Օգտակարությունն, ընդ որում, կոնկրետ էր:

Ֆորումին մասնակցում էին Ռուսաստանի, Եվրոպայի հասարակական-քաղաքական վերնախավի երկու հազար եւ ավելի ներկայացուցիչներ, եւ միջոցառումն ինձ օգնեց մեր տարածաշրջանին, մեր երկրին, մեր միջազգային դերակատարությանը, Ղարաբաղի հարցին նայել Եվրամիության եւ Ռուսաստանի քաղաքական էլիտայի ներկայացուցիչների աչքերով եւ հասկանալ, որ Եվրոպայի կամ Ռուսաստանի հետ խոսելիս պետք է խորությամբ գիտակցել, թե ինչու են նրանք շահագրգիռ մեր տարածաշրջանի հետ կապված հարցերում, այս պահին կոնկրետ ի՞նչ են ակնկալում տարածաշրջանից եւ Հայաստանից, ինչն է նրանց հետաքրքիր եւ ինչը հետաքրքիր չէ, ինչպես են ընկալում մեր ասածներն ու փաստարկները:

Կարդալ շարունակությունը …

ՀՈԴՎԱԾՆԵՐ