5. Խըշ, խըշ… օբյեկտը ձանձրանում է

2009-ի հուլիսի 1-ին ընդհատակից դուրս գալով` այցելեցի ՀՀ գլխավոր դատախազություն, եւ մինչ ՀՀ իրավապահ համակարգը մարսում էր իմ` դատախազության շենքում գտնվելու փաստը, մոտ 20 րոպե պատասխանեցի լրագրողների հարցերին։ Այս ծավալուն հարցուպատասխանի ընթացքում ըստ էության շրջանցեցի Ազգային անվտանգության ծառայության թեման։ Այսպես վարվեցի` ի հեճուկս այն բանի, որ դեռեւս 2008-ի փետրվարից հենց ԱԱԾ-ին էին տրվում ինձ հետ կապված բոլոր հանձնարարականները, այդ թվում եւ` հնարավոր «զախվատի» ժամանակ ինձ ֆիզիկապես ոչնչացնելու մասին։ Հենց ԱԱԾ-ում է մշակվել իմ կողմից «իրավապահներին» զինված դիմադրության իմիտացիա ստեղծելու եւ իմ «չեզոքացումը» դրանով բացատրելու պլանը։

Այս ծրագրի շրջանակներում է, որ 2008-ի մարտի 2-ին մեր տանը խուզարկություն իրականացնող ԱԱԾ-ականները փորձել են ատրճանակ տեղադրել լոգարանակոնքի տակ։ Սա անհրաժեշտ էր` իշխանությունների կողմից ինձ համար նախապատրաստվող «զինված հանցագործի» իմիջն ամբողջացնելու համար։ Ատրճանակի տեղադրումը, սակայն, կանխվել էր իմ հարազատների կողմից։

Կարդալ շարունակությունը …

ՀՈԴՎԱԾՆԵՐ Անձնական, Ավազակապետություն, Բանտային օրագիր, Երկրի հակառակ կողմը

3. Առանց դեմքի

Կալանքի երկրորդ օրը, անսպասելիորեն, ինձ տարան Երեւանի Կենտրոն եւ Նորք-Մարաշ համայնքների ընդհանուր իրավասության դատարան։ Միայն դատարանում տեղեկացա, որ իմ կալանքի հարցն է քննվելու. ոչ ոք հարկ չէր համարել ինձ նախապես ծանուցել։ Երբ դատարանի դահլիճ մտա, դատավոր Էդիկ Ավետիսյանը նստած էր դատավորի համար նախատեսված տեղում եւ ինձ տեսնելով` ոտքի չկանգնեց։ Ես էլ հետագայում նրա ելումուտը դիմավորեցի ոչ միայն նստած, այլեւ ոտքս ոտքիս գցած։

Ամենասկզբում Ավետիսյանը հարցրեց, թե արդյո՞ք իրեն բացարկ հայտնելու ցանկություն ունեմ։ Ես բացասական պատասխան տվեցի, ինչի արդյունքում դատավորի դեմքին գոհունակ ժպիտ խաղաց։ Բայց ես առանձնակի դաժանությամբ կասեցրեցի այդ ժպիտի հետագա զարգացումը եւ բացատրեցի, թե ինչու բացարկ չեմ հայտնում։ Հայաստանում բոլոր դատավորները նույն մարդն են, բայց չունեն անուն եւ ազգանուն, այսինքն` զուրկ են ինքնությունից։ Դատավորը հասկացավ իմ բացատրությունը եւ այդ պահից` մինչեւ դատական պրոցեսի ավարտը, սփրթնած էր եւ ժամանակ առ ժամանակ դող էր տանում։ Երբ հարցի քննարկման երկրորդ օրը Ավետիսյանը դողացող ձեռքերով հրապարակեց իր որոշումը` ինձ կալանավորելու թույլտվություն տալու մասին, ես միայն մեկ նախադասություն արտասանեցի.

Կարդալ շարունակությունը …

ՀՈԴՎԱԾՆԵՐ Անձնական, Ավազակապետություն, Բանտային օրագիր

Նախաբան

Սիրելի ընթերցող. ահա սկսում եմ իմ նոր հոդվածաշարը, որ վերնագրել եմ «Բանտային օրագիր», եւ որը ստեղծելու եմ «Երեւան-Կենտրոն» քրեակատարողական հիմնարկի իմ խցում։ Հոդվածաշարը կոնկրետ թեմատիկա չի ունենալու, այն կընդգրկի ամենատարբեր հարցեր, եւ ես կփորձեմ ներկայացնել իմ բոլոր մտքերն ու տպավորությունները, որ ունենում եմ կալանքի տակ գտնվելու այս ընթացքում։ Դրանք կվերաբերեն ինչպես արտաքին աշխարհին, այնպես էլ բանտային եւ մերձբանտային թեմաներին։

1. Օ~, քամի, քամի…

«Մարտի 1-ի» գործը վարող քննչական խմբի ղեկավար` ՀԿԳ ավագ քննիչ Վահագն Հարությունյանի եւ քննիչ Վաղինակ Մկրտչյանի հետ ունեցած առաջին հանդիպումից, որ տեղի ունեցավ ինձ «Երեւան-Կենտրոն» ՔԿՀ տեղափոխելուց մի քանի ժամ անց, դրական տպավորություններ ստացա։ Կարդալ շարունակությունը …

ՀՈԴՎԱԾՆԵՐ Անձնական, Ավազակապետություն, Բանտային օրագիր, Մարտի 1

Ներբեռնել հայտարարության տեսագրությունը (.ZIP file)

Սիրելի ժողովուրդ.

Քիչ հետո ես կլքեմ այս տարածքը, որ հանգամանքների բերումով ստիպված եմ ընդհատակ անվանել, եւ ուղղություն կվերցնեմ դեպի ՀՀ գլխավոր դատախազության շենք, որտեղ գտնվում է Հատուկ քննչական ծառայությունը: Այս քայլին դիմում եմ ի կատարումն ընդհատակից դուրս գալու եւ հատագա քաղաքական պայքարս բանտում շարունակելու խոստման: Այս ծրագրի իրագործման համար ինձ անհրաժեշտ է Հատուկ քննչական ծառայության օգնությունը, եւ ես մի քանի ժամից կլինեմ այնտեղ:

Ընդհատակից դուրս գալու որոշման հիմնավորումներին անդրադարձել եմ հունիսի 24-ի հայտարարության մեջ, եւ չեմ կարծում, թե այդ թեմային կրկին անդրադառնալու կարիք կա: Այս ուղերձով ուզում եմ ուղիղ նայել ՀՀ յուրաքանչյուր քաղաքացու աչքերի մեջ, եւ ընդգծել, որ մեր պայքարը հանուն Ազատ եւ Երջանիկ Հայաստանի է, հանուն այնպիսի Հայաստանի, որ ապահով տուն եւ տաք օջախ լինի յուրաքանչյուր քաղաքացու համար` անկախ քաղաքական հայացքներից, սոցիալական եւ հանրային դիրքից:

Եւ ուրեմն` հանուն Ազատ եւ Երջանիկ Հայաստանի մղվող մեր պայքարը անկասելի է, մեր հաղթանակը անխուսափելի է, մենք պայքարելու ենք մինչեւ վերջ ու հաղթելու ենք:

Կեցցե Ազատությունը, կեցցե Հայաստանի Հանրապետությունը, կեցցեն մեր երեխաները, որ ապրելու են Ազատ եւ Երջանիկ Հայաստանում:

Հ.Գ. Տեղյակ եմ, որ մեր շատ համախոհներ ինձ սպասում էին վաղը կայանալիք հանրահավաքում: Նման հնարավորության շուրջ երկար եմ մտածել, բայց ի վերջո բացառել եմ այդ տարբերակը, որովհետեւ չեմ ցանկանում տպավորություն ստեղծվի, թե մեր Շարժման տասնյակ հազարավոր կողմնակիցների թիկունքում թաքնվելու փորձ եմ անում: Հնարավոր շահարկումներից խուսափելու համար, ահա ընտրեցի իրադարձությունների զարգացման հենց վերը նշված տարբերակը:

01.07.09

ՀՈԴՎԱԾՆԵՐ Ազատ եւ Երջանիկ Հայաստան, Անձնական, Երկրի հակառակ կողմը

Այսօր, 2009 թ. հուլիսի 1-ին ընդհատակից դուրս եկավ Համաժողովրդական շարժման ներկայացուցիչ, «Հայկական ժամանակ» օրաթերթի գլխավոր խմբագիր Նիկոլ Փաշինյանը:

Նախ նա ներկայացել է ՀՀ Գլխավոր դատախազություն: Այնտեղից Ն. Փաշինյանին տեղափոխել են ՀՀ Ոստիկանության Կենտրոնի բաժին:

Նրան ուղեկցում են երեք փաստաբաններ: Դատախազության մոտ եւ ապա` Ոստիկանության Կենտրոնի բաժանմունքի դիմաց ներկա են եղել բազմաթիվ լրագրողներ, համակիրներ, Համաժողովրդական շարժման ներկայացուցիչներ:

ՀՈԴՎԱԾՆԵՐ Ազատ եւ Երջանիկ Հայաստան, Անձնական, Երկրի հակառակ կողմը

Չնայած շատերը փորձում են կռահել, թե արդյոք Հայ ազգային կոնգրեսի` վաղը կայանալիք հանրահավաքը փոփոխություններ կմտցնի ընդդիմության առաջիկա անելիքների գրաֆիկում, անկախ հանրահավաքի արդյունքներից` քաղաքական գործընթացներն առաջիկայում ընթանալու են ՀՀ առաջին նախագահ Լեւոն Տեր-Պետրոսյանի` հունիսի 12-ին ունեցած ելույթի տրամաբանության շրջանակներում: Այդ ելույթում Տեր-Պետրոսյանը ընդդիմության համագործակցության 12 կետանոց պլատֆորմ առաջարկեց, եւ Հայ ազգային կոնգրեսի հաջորդ հանրահավաքը նշանակեց սեպտեմբերի 18-ին: Սա թերեւս այն ժամկետն է, որի ընթացքում վերջնականորեն պարզվելու է, թե ի վերջո ով է Հայաստանում ընդդիմություն, եւ ով` ոչ, որովհետեւ հենց այդ 12 կետերի նկատմամբ ունեցած վերաբերմունքով է ձեւավորվելու այդ հարցի պատասխանը: Կարդալ շարունակությունը …

ՀՈԴՎԱԾՆԵՐ «Հաճախորդներ», Լեւոն Տեր-Պետրոսյան, ՀԱԿ