Արխիվ Հունիս, 2009

ԴԵՊԻ ՕՖՇՈՐԱՅԻՆ ՀԱՅԱՍՏԱՆ

nikol-pashinyan-at-a-rallyՀայաստանի մասին ԵԽԽՎ ընդունած հերթական` 1677 բանաձեւը, իհարկե, տեղավորվում է կանխատեսելիության շրջանակներում։ Նրա բովանդակության մեջ հետաքրքիր նրբերանգներ կան, բայց քաղաքական իմաստով փաստաթուղթն այնպիսին է, ինչպիսին եւ սպասվում էր։ ՀՀ իշխանությունների հասցեին ուղղված եվրաողջույնները ընդամենը արձանագրումն են այն բանի, որ սերժանտական իշխանությունը հնազանդ է եվրոպական բոսերին։ Բայց եվրոպացի բոսերը, այնուամենայնիվ, չեն պատրաստվում կորցնել ազդեցության լծակները եւ ուրեմն` արձանագրում են այն բազմաթիվ խնդիրները, որ անհրաժեշտության դեպքում կկարողանան Հայաստանի իշխանությունների աչքը մտցնել։ Եթե անգամ իշխանությունը ազատ արձակեր բոլոր քաղբանտարկյալներին, Հայաստանը, միեւնույն է, մնալու էր մոնիտորինգի տակ, եւ 1677 բանաձեւի առանձնահատկությունը հենց սրանում է. արտաքուստ քաղցր-մեղցր լինելով` այն ի ցույց է դնում հետագա բանաձեւերի խստացման, կոշտացման ողջ պոտենցիալը։ Թե երբ կկոշտանան դիրքորոշումները, կախված է արդեն տասնյակ գործոններից. մասնավորապես` նաեւ այն գործընթացներից, որ տեղի կունենան Ղարաբաղի հարցի կարգավորման շուրջ` մինչեւ ԵԽԽՎ աշնանային նստաշրջանը։ Կարդալ շարունակությունը …

ՀՈԴՎԱԾՆԵՐ , ,

ՆԻԿՈԼ ՓԱՇԻՆՅԱՆԻ ՊԱՏԱՍԽԱՆՆԵՐԸ «ԺԱՄԱՆԱԿ» ՕՐԱԹԵՐԹԻ ՀԱՐՑԵՐԻՆ

Հունիս 30, 2009

Նիկոլ Փաշինյանը ելույթ ունենալիս«Ժամանակ» - Պրն. Փաշինյան, Դուք որոշում եք կայացրել դուրս գալ ընդհատակից: Որքանով է Ձեր քայլը պայմանավորված նախորդ շաբաթ օրենքի ուժ ստացած համաներման ակտով: Եթե այո` ապա հավատո՞ւմ եք, որ «ամենաըմբոստ» ակտիվիստի, այսինքն` Ձեր հանդեպ իշխանությունն ավելի մեղմ կվարվի, քան Սասուն Միքայելյանի հետ վարվեց, եթե ոչ` ապա Ձեր որոշումը կապ ունի՞ ազատ արձակված տղաների օգնությամբ եւ օժանդակությամբ ՀԱԿ օրակարգի հնարավոր փոփոխության եւ Շարժմանը հնարավոր դինամիզմ հաղորդելու հնարավորության հետ, որն անկասկած առավել կարագացնի Ձեր եւ անազատության մեջ մնացած մյուս քաղբանտարկյալների ազատ արձակման գործընթացը:

Նիկոլ Փաշինյան - Ինձ համար, ճիշտն ասած, հասկանալի չէ ձեր հարցի այն հատվածը, թե արդյոք ես մեղմ վերաբերմունք եմ ակնկալում հանցագործ իշխանությունից: Սերժանտական իշխանությունը ես համարում եմ մարդասպան, հանցագործ իշխանություն, որի գնալով ավելի ու ավելի մեծ թվով ներկայացուցիչներ ենթակա են քրեական պատասխանատվության, այդ թվում եւ այն քննիչներից եւ օպերատիվ աշխատողներից ոմանք, ովքեր առաջիկա օրերին կիրականացնեն իմ ձերբակալությունը, կփորձեն հարցաքննել ինձ: Թող անհամեստ չհնչի, ես իմ որոշումները չեմ կայացնում իշխանական այս կամ այն հանցագործի հնարավոր վերաբերմունքի հաշվարկով: Կարդալ շարունակությունը …

ՀԱՐՑ-ՊԱՏԱՍԽԱՆ, ՀԱՐՑԱԶՐՈՒՅՑՆԵՐ, ՀՈԴՎԱԾՆԵՐ ,

ՆԻԿՈԼԻ ՊԱՏԱՍԽԱՆԸ ՏԱԹԵՎԻԿ ՆԻԿՈԼԱԿԱՆԻՆ

Նամակ TATEVIK NIKOLAKAN)))))-ից

Տաթեւիկ Նիկոլականը եւ Լեւոն Տեր-ՊետրոսյանըNIKOL JAN ERKAR EM SPASEL AYS ORVAN! SHAT U SHAT TARBERAKNEROV EM PATKERACREL AYD TESARAN@! KAROTEL ENQ QEZ, SPASUM ENQ, ARANC QEZ DJVAR E, SAKAYN SARSAPUM EM MI MTQIC… AYD MTQIC… BAYC… BAYC… BAYC CH@NKRKES VOREVE UJI ARAJ!!!!!!!!!!!!!!
BARI GALUST NIKOL JAAAAAAAAAAAAN!!!!!!!!!!!))))))))

Նիկոլի պատասխանը - Թանկագին Տաթեւիկ. կարծում եմ իմ հայտնի որոշման արդյունքում ստեղծված իրավիճակը ավելորդ դրամատիզացնելու կարիք չկա: Ի վերջո, ես ոչ առաջին լրագրողն եմ, ոչ էլ առաջին քաղաքական գործիչը, որ պիտի անցնի բանտով, եւ Հայաստանում հաստատված ռեժիմից շատ ավելի ուժեղ եւ դաժան ռեժիմներ են տապալվել քաղբանտարկյալների գործունեության արդյունքում: Այս ամենին պետք է վերաբերվել որպես պայքարի հերթական փուլի, որպես հերթական հանգրվանի: Ամեն ինչ լավ է լինելու, թանկագին Տաթեւիկ: Հաղթելու ենք:

ՀԱՐՑ-ՊԱՏԱՍԽԱՆ , ,

ՆԻԿՈԼԻ ՊԱՏԱՍԽԱՆԸ ANITA-Ի ԿՈՉԻՆ

Կոչ Anita-ից

Nikol, es voch te harz ktam ajl uxxaki kasem - Mi gna ajd qajlin, nranq erkar en erazel dra masin, mi erjankazru nranz, kneres, bajz es dem em !!!!!!!

Նիկոլի պատասխանը - Թանկագին Անիտա. քաղաքականության մեջ երբեմն անհրաժեշտ է կայացնել դժվար, ոչ միանշանակ որոշումներ, եւ ես համոզված եմ, որ ճիշտ որոշում եմ կայացրել` անկախ հետագա իրադարձությունների նրբերանգներից: Ես ընդհատակում գտնվել եմ ոչ թե իշխանություններին «դժբախտացնելու», այլ մեր Շարժմանը առավելագույնս օգտակար լինելու համար: Եւ կրկնում եմ, ընդհատակից արել եմ առավելագույնը, ինչը նշանակում է, որ այս կարգավիճակում մնալը այլեւս կորցրել է իմաստը: Իսկ սրանից տրամաբանորեն բխող որոշումը հենց այն է, որ կայացրել եմ, եւ միայն այդ որոշումն է ինձ հնարավորություն տալու շարունակել արդյունավետ քաղաքական գործունեությունը, Համաժողովրդական շարժման համար առավել մեծ օգտակար գործողության գործակցով: Ես, իհարկե, հարգում եմ ձեր կարծիքը, բայց իմ որոշումը արդեն իսկ կայացրել եմ, եւ նաեւ ձեզնից է կախված, թե այն, ի վերջո, որքանով արդյունավետ կստացվի: Լավագույն մաղթանքներս:

ՀԱՐՑ-ՊԱՏԱՍԽԱՆ , ,

ՆԱԽԱԴԵՊԸ ՀԶՈՐ ԶԵՆՔ Է

Հունիս 27, 2009

Իշխանական իրավաբանները զարմանալի ոչինչ չեն տեսնում նրանում, որ Երեւանի քաղաքապետի ընտրությունների ընթացքում կեղծիքներ թույլ տված եւ ձեւի համար ձերբակալված մի քանի անձինք կալանավորվելուց մի քանի օր հետո ազատ արձակվեցին։ Համաներումը, ասում են, տարածվեց նրանց վրա, դրա համար էլ ազատվեցին։ Իշխանական իրավաբանները զարմանալի ոչինչ չեն տեսնում նաեւ նրանում, որ Սասուն Միքայելյանը մնաց բանտում. «Համաներումը չտարածվեց նրա վրա»,- ասում են նրանք։ Եւ այս ամենը ասում են մի այնպիսի լուրջ տեսքով, կարծես Մոզամբիկի իշխանություններն են որոշել, թե համաներումը ինչ հոդվածների վրա տարածվի, ինչ հոդվածների վրա չտարածվի։ Եւ փաստորեն, Ղարաբաղի պատերազմի հերոսի ունեցած զենքը, որ վերջին տասը տարում տեղից չի էլ շարժվել, եւ որի գոյության մասին ինքը` Սասուն Միքայելյանն է հայտնել` խարխլում է պետականության հիմքերը, իսկ ահա ընտրակեղծիքները` չեն խարխլում։ Կարդալ շարունակությունը …

ՀՈԴՎԱԾՆԵՐ , , ,

ՆԻԿՈԼԻ ՊԱՏԱՍԽԱՆԸ ԿԱՐԻՆԵԻ ԵՐԿՐՈՐԴ ՀԱՐՑԻՆ

Հարց Կարինեից

Դուք ժամանակին ընկերություն էիք անում ՄԻԱԿ-ի ղեկավար կազմի՝ մասնավորապես Լևոն Մարտիրոսյանի, Սամվել Ֆարմանյանի, Արա Հովսեփյանի և այլոց հետ, համենայնդեպս Ձեր շփումներին բազմաթիվ անձինք են ականատես եղել: Կարծում եմ՝ Ձեր բարեկամությունը վերջին շրջանում թշնամության վերածված պետք է որ լինի, բայց այնուամենյնիվ ընդհատակից որևէ կերպ առնչվե՞լ եք վերոնշյալ անձանց հետ:

Նիկոլի պատասխանը - Թանկագին Կարինե, Սամվել Ֆարմանյանի հետ երբեւէ չեմ հանդիպել, կամ եթե նույնիսկ հանդիպել եմ, համենայնդեպս` չեմ նկատել: Ինչ վերաբերում է Արա Հովսեփյանին եւ Լեւոն Մարտիրոսյանին, մենք երբեք ընկերներ չենք եղել. 2007-ի սկզբին նրանք հետաքրքրված էին իմ քաղաքական ծրագրերով: Մի քանի հանդիպումների ընթացքում ես նրանց եմ ներկայացրել հետագա քաղաքական զարգացումների մասին իմ պատկերացումները, իրենք էլ ինձ են ներկայացրել իրենց պատկերացումները, եւ ընդամենը: Մեր հարաբերությունները այդ կետում ավարտվել են, եւ ուստի` չէին կարող վերածվել նույնիսկ թշնամության: Ձեր նշած անձանց հետ 2007-ի գարնանից ի վեր որեւէ կերպ չեմ առնչվել: Լավագույն մաղթանքներս:

ՀԱՐՑ-ՊԱՏԱՍԽԱՆ ,

ՆԻԿՈԼԻ ՊԱՏԱՍԽԱՆԸ ԿԱՐԻՆԵԻ ՀԱՐՑԻՆ

Հարց Կարինեից

Ձերբակալվելուց հետո անպայման իրավապահները հարցաքննության ժամանակ հարցնելու են, թե որտե՞ղ էիք թաքնվել: Ի՞նչ եք պատասխանելու: Ինչու՞ եք մեկ ամիս ժամանակ հատկացրել ինքներդ Ձեզ՝ մտորելու համար:

Նիկոլի պատասխանը - Թանկագին Կարինե. ձերբակալվելուց հետո չեմ պատրաստվում պատասխանել սերժանտական իրավապահների որեւէ հարցի, եւ նախընտրում եմ օգտվել ցուցմունք տալուց հրաժարվելու իմ իրավունքից: Այսպես կլինի առնվազն մինչեւ դատավարություն: Ինչ վերաբերում է իմ հայտարարության մեջ հիշատակված մեկամսյա ժամկետին, այդ ժամկետը ամենեւին էլ մտորելու համար չեմ վերցրել: 2008 թվականի Մարտի 1-ից հետո մտորելու բավարար ժամանակ ունեցել եմ, եւ հավատացեք` արդյունավետ եմ օգտագործել այդ ժամանակը: Այդ մեկ ամիսը նշել եմ` ընդհատակից իմ դուրս գալու կոնկրետ օրը առայժմ գաղտնի պահելու համար: Ասել եմ, որ ընդհատակից դուրս եմ գալու ամենաուշը մինչեւ հուլիսի 24-ը, բայց դա չի նշանակում հուլիսի 24-ին: Դա կարող է տեղի ունենալ հենց այսօր, կամ վաղը, կամ մյուս օրը, եւ օրվա ընտրությունը ամենեւին կախված չէ որոշում կայացնել-չկայացնելու հետ: Որոշումը արդեն իսկ կայացված է, եւ հիմա ընդամենը տեխնիկական հարցեր լուծելու խնդիր ունեմ: Լավագույն մաղթանքներս:

ՀԱՐՑ-ՊԱՏԱՍԽԱՆ , ,

«ՆԵՐՈՒՄԸ» ՔԱՂԱՔԱԿԱՆ ԿԱՏԵԳՈՐԻԱ ՉԷ

Հունիս 26, 2009

Եթե վիճակագրություն լիներ, թե վերջին մեկ տարվա ընթացքում քանի հոգի եւ քանի անգամ է ներքաղաքական վիճակի մասին խոսելիս «ներելու» աջուձախ կոչեր հնչեցրել, տնտեսական երկնիշ անկումը, թերեւս, այդքան սարսափելի չլիներ: Մենք կմխիթարվեինք գոնե այն մտքով, որ Հայաստանը ներման կոչերի առատության համաշխարհային ռեկորդ է սահմանում: Ոմանք իշխանությանը կոչ են անում ներել ընդդիմությանը, ոմանք ընդդիմությանը կոչ են անում ներել իշխանությանը, ոմանք երկուսին էլ կոչ են անում ներել իրար, ոմանք բոլորին կոչ են անում ներել բոլորին: Վիճակագրությունը ցույց է տալիս, որ առաջիկայում այսօրինակ սրտաճմլիկ տեսարանների պակասություն չի զգացվելու: Բայց սա ամենեւին էլ նրանից չէ, որ հայ ժողովուրդը դեմքով շրջվել է դեպի քրիստոնեական արժեքները: Ոչ ամենեւին. պարզապես ճոռոմ եւ վեհահունչ բառերով պարուրված դատարկաբանությունը Հայաստանում երկրպագուների կայուն բանակ ունի: Կարդալ շարունակությունը …

ՀՈԴՎԱԾՆԵՐ ,

ՆԻԿՈԼԻ ՊԱՏԱՍԽԱՆԸ KAREN-Ի ՀԱՐՑԻՆ

Հունիս 26, 2009

Հարց Karen-ից

Barev im shat sireli Nikol jan. Es arajin angam em qez grum (tuyl tur “du” ov xosel qez het). Nikol jan vorosheci grel qez vorovhetev qich araj kardaci vor du uzumes durs gal @ndhatakic. Nikol jan es canotem hamarya bolor qo hodvacnerin, grete amen or kardum em “haykakan jamanak” oratert@, mi xosqov hetevum em qez :). Nikol jan mek harc @ndamen@, es hargum em qo voroshum@ da im karciqov shat chisht voroshume , uxxaki Nikol jan ches karcum vor qez fizikapes vochnchacnel@ ays ishxanutyunneri hamar der orakargayin harce? aysqan@, shnorhakalutyun…. lavaguyn cankutyunnerov Karen.

Նիկոլի պատասխանը - Սիրելի Կարեն, ես համաձայն չեմ, որ մենք այս իշխանությանը ավանսով վերագրենք ամենազորություն: Նրանք շատ բան կարող են ունենալ իրենց օրակարգում, բայց մենք էլ մեր օրակարգն ունենք, ու համոզված եմ, որ մենք հասնելու ենք մեր օրակարգի լրումին, իսկ իրենց օրակարգը մնալու է «բեմուրազ»: Լավ եղեք, պինդ կացեք, ամեն ինչ կարգին է:

ՀԱՐՑ-ՊԱՏԱՍԽԱՆ ,

ՆԻԿՈԼԻ ՊԱՏԱՍԽԱՆԸ ՀՈՎՍԵՓ ՂՈՒՄԱՇՅԱՆԻՆ

Հունիս 26, 2009

Հարց Հովսեփ Ղումաշյանից

Բարև Նիկոլ: Շատ հաճելի է քեզնից տեղեկություն ստանալը: Անձամբ ես համարում եմ, որ դու Համաժողովրդական Շարժման ծանր հրետանին ես: Ընդհատակից դուրս գալուդ որոշումն իհարկե քոնն է: Սակայն, ինչ ես կարծում, կնպաստի՞ արդյոք դա շարժմանը: Մյուս կողմից, ժողովուրդն արդեն վաղուց է ցանկանում լսել քո ձայնը: Միգուցե այդկերպ հնարավոր լինի նոր թափ հաղորդել շարժմանը, քանի որ իշխանություններն անում են ամեն ինչ մարդկանց բողոքի ձայնը խեղդելու համար` չգիտակցելով, որ դրանով իրենք նոր պարարտ հող են հաղորդում նոր “մարտի մեկերի” համար:

Նիկոլի պատասխանը - Սիրելի Հովսեփ, իմ կարծիքով այս քայլը Շարժմանը կօգնի այնքանով, որ ի ցույց կդնի մեր հաստատակամությունն ու վճռականությունը, մեր հավատը մեր պայքարի հաղթական ելքի նկատմամբ: Ի վերջո, ես այսօր կամավոր գնում եմ բանտ. ի՞նչ եք կարծում, ես մազոխի՞ստ եմ: Հույս ունեմ այդ կարծիքին չեք: Կարդալ շարունակությունը …

ՀԱՐՑ-ՊԱՏԱՍԽԱՆ , ,

ՆԻԿՈԼԻ ՊԱՏԱՍԽԱՆԸ ԱՐՏԱՇԻ ՀԱՐՑԻՆ

Հունիս 25, 2009

Հարց Արտաշից

Երթ. Նիկոլ Փաշինյան, Դավիթ Մաթեւոսյան, Պետրոս Մակեյան, այլոքԲարև Նիկոլ ջան: Ո՞նց ես: Վերջին որոշումդ կարդալուց հետո իմ մեջ հարց առաջացավ` արդյո՞ք չես կարծում, որ քո բանտ տեղափոխվելուն պես, ավազակապետերը կարող են հրաման տալ և քեզ վնասել: Արդյո՞ք քո բանտ գնալը ինչ-որ օգուտ կտա մեր պայքարին: Հարգանքներով` անկախ ակտիվիստ Արտաշ…

Նիկոլի պատասխանը - Սիրելի Արտաշ. կարծում եմ, որ այսօր բանտում ավելի վտանգավոր չէ, քան ազատության մեջ, եւ սրանում ոչ մի չափազանցություն չկա: Իսկ ընդհանրապես, եթե իմ անվտանգությունը կարեւոր է Հայաստանի հանրության համար, այդ հանրությունը կգտնի դրա մասին հոգ տանելու ձեւը: Ինքս իմ անվտանգության, կյանքի մասին մտահոգություն չունեմ, որովհետեւ ասել եմ արդեն, դրանք դրված են հանուն Ազատ եւ Երջանիկ Հայաստանի մղվող պայքարի զոհասեղանին: Եւ ես ընդհատակից դուրս գալու ու պայքարս բանտում շարունակելու որոշումը կայացնում եմ նաեւ հանուն նրա, որ իմ նախորդ պնդումը չհնչի որպես դատարկ խոսք: Պինդ կացեք, եւ լավագույն մաղթանքներս:

ՀԱՐՑ-ՊԱՏԱՍԽԱՆ , ,

ՆԻԿՈԼԻ ՊԱՏԱՍԽԱՆԸ ԳԵՈՐԳԻԻ ՀԱՐՑԻՆ

Հունիս 25, 2009

Հարց ԳԵՈՐԳԻԻՑ

Նիկոլ ջան ես ողջունում եմ քո որոշումը, դա ևս մեկ ապացույց է, որ դու «դուխ» ունես` աշխարհը չունի: Սակայն իմ միակ մտավախությունը այն է, որ այս փոքրահոգի և փոքրամարմին իշխանիկները կարող են լուրջ սպառնալիք հանդիսանալ քո կյանքին և առողջությանը: Ի՞նչ ես կարծում …

Նիկոլի պատասխանը - Սիրելի Գեորգի. կարծում եմ, որ «այս փոքրահոգի և փոքրամարմին իշխանիկները» իմ կյանքին ու առողջությանը սպառնում են այնքանով, որքանով քո, մեր շարժման մյուս ակտիվիստների, լիդերների, եւ ընդհանրապես ՀՀ յուրաքանչյուր քաղաքացու կյանքին ու առողջությանը: Եւ քաղաքական ընթացիկ պրոցեսի, մեր Շարժման գաղափարական կարեւոր առանցքներից մեկն այն է, որ մենք պետք է սովորենք պաշտպանել իրար: «Մենք» ասելով նկատի ունեմ ՀՀ քաղաքացիներին: Եւ մենք պետք է ուրիշի անվտանգության մեջ տեսնենք մեր անվտանգությունը, ուրիշի իրավունքը ընկալենք իբրեւ մեր իրավունք, ուրիշի իրավունքի ոտնահարումը իբրեւ մեր իսկ իրավունքի ոտնահարում: Եթե մենք իսկապես հարցերը ընկալենք այսպես, հավատա, որ շատ արագ կհասնենք շատ մեծ փոփոխությունների: Ահա սա է իմ կարծիքը: Լավագույն մաղթանքներս:

ՀԱՐՑ-ՊԱՏԱՍԽԱՆ , ,

ՆԻԿՈԼԻ ՊԱՏԱՍԽԱՆԸ EDGAR M-Ի ՆԱՄԱԿԻՆ

Նամակ EdgarM-ից

NIKOL JAN HAMBURUM EM JERM, QO AZATUTYAN MEJ HAITNVELY ARDEN MEZ PARTAVORECNUM E NAEV AIL HANGAMANQNEROV, HASTAT IMACIR VOR DA STANALU E NAEV MIJAZGAYIN ARDZAGANQ MER NAXADZERNUTYAMB MER KOXMIC BOLOR HNARAVOR EV ANHNAR MIJOCNEROV EV MER BOLOR HNARAVORUTYUNNEROV!!!YES QO HET EM HOGOV EV SRTOV!!!! GLUXNERD BARDZR, DUXNERD TEXY, PAYQARELU ENQ MINCHEV VERJ!!!!!

Նիկոլի պատասխանը - Սիրելի Էդգար, ուրախ եմ քո սրտացավ վերաբերմունքի համար, եւ ուրախ եմ, որ մեզ միավորում են արժեքներ եւ ոչ թե շահեր: Լավագույն մաղթանքներս. Պայքար, պայքար մինչեւ վերջ:

ՀԱՐՑ-ՊԱՏԱՍԽԱՆ ,

ՆԻԿՈԼԻ ՊԱՏԱՍԽԱՆԸ ՍՄԲԱՏԻ ՀԱՐՑԻՆ

Հունիս 25, 2009

Հարց Սմբատից

Աշոտ Նիկոլի Փաշինյանը Հյուսիսային պողոտայումՀարգելի Նիկոլ Փաշինյան, կխնդրեմ, եթե հնարավոր է, մանրամասն բացատրել և հիմնավորել ձեր ընդհատակից դուրս գալու որոշումը և այն զնդաններում շարունակելը, և ինչո՞վ կօգնի դա ՀԱԿ-ին:

Նիկոլի պատասխանը - Սիրելի Սմբատ. նախ արդեն ասել եմ, որ ընդհատակում արդյունավետ գործունեությունը շարունակելու հնարավորությունները սպառված եմ համարում: Ինչ հնարավոր էր անել ընդհատակում գտնվելով, արդեն արել եմ, եւ չեմ կարող ինքս ինձ մատնել պարապության: Սպասվող դատավարությունը նույնպես հարթակ է, եւ այդ հարթակը պետք է օգտագործել: Իսկ Շարժմանը իմ այս քայլը կնպաստի նրանով, որ նոր էմոցիոնալ լիցք կհաղորդի, նոր մոտիվացիաներ, նոր անելիք առաջ կբերի: Իմ այս քայլը բոլորին ի ցույց կդնի, որ մենք չենք նահանջել, չենք պախկվել, ինչպես ուզում են ապացուցել ոմանք, մենք պախկվելու բան չունենք, մենք տեր ենք մեր արած ամեն քայլին, մեր ասած ամեն խոսքին, որ մենք պայքարը շարունակում ենք, եւ շարունակելու ենք ի հեճուկս այն բանի, թե որքանով են պայմանները դրա համար նպաստավոր: Կարդալ շարունակությունը …

ՀԱՐՑ-ՊԱՏԱՍԽԱՆ , ,

ՆԻԿՈԼԻ ՊԱՏԱՍԽԱՆԸ HAKOB-Ի ԵՐԿՏՈՂԻՆ

Երկտող Hakob-ից

Chisht a du en txen es vor Qez petq chi hamanerum@. Chisht el jamanak es @ntrel @ndhatakic durs galu. Du lriv urish txa es

Նիկոլի պատասխանը - Սիրելի Հակոբ, շնորհակալ եմ աջակցության համար: Պայքար, պայքար մինչեւ վերջ!!!!

ՀԱՐՑ-ՊԱՏԱՍԽԱՆ ,