www.nikol.am կայքի այցելու Վաղինակը Ն. Փաշինյանին է ուղղել հետեւյալ հարցը. «Նիկոլ, ասում էիր` Կոնգրեսն է ընդդիմությունը: Էլ ի՞նչ ընդդիմություն, որ գնացել եք էս իշխանության հետ սեղանի շուրջ նստել: Բա դա ընդդիմությու՞ն է»:

Նիկոլի պատասխանը - Սիրելի Վաղինակ, չգիտեմ ինչ նկատի ունեք, բայց ձեր հարցի բառացի իմաստի հետ համաձայն եմ: Գործող իշխանության հետ բանակցային պրոցեսի մեկնարկի պահից Հայ ազգային կոնգրեսը համարյա ընդդիմություն չէ: Նկատի ունեմ` Կոնգրեսը համարյա իշխանություն է: Եթե փաստացի իշխանությունը գնում` հավասարը հավասարի հետ սկզբունքով նստում-բանակցում է արտախորհրդարանական ընդդիմության հետ, ուրեմն չի կարող չբանակցել, ուրեմն չի կարողանում որպես իշխանություն տիրապետել իրավիճակին, նշանակում է` իրավիճակի միայն մի մասին է տիրապետում, ուրեմն իրավիճակի մյուս մասին բոլորովին ուրիշ ուժ է տիրապետում, նշանակում է` երկրում հաստատված է երկիշխանություն:

Օրենսդիր, գործադիր, նախագահական իշխանության կողմից լիազորված պատվիրակության մակարդակով կարելի է բանակցել միայն ուրիշ իշխանության հետ: Եւ Կոնգրեսի հետ բանակցելով, գործող իշխանությունն էլ ընդունում է, որ երկրում կա եւս մեկ իշխանություն: Կարդալ շարունակությունը …

ՀԱՐՑ-ՊԱՏԱՍԽԱՆ, ՀՈԴՎԱԾՆԵՐ Ազատ եւ Երջանիկ Հայաստան, Երկխոսություն, ՀԱԿ, Հայաստանցու մասին, Հեղափոխություն

www.nikol.am կայքի այցելուն, որ ներկայացել է Sego անունով, Նիկոլ Փաշինյանին է ուղղել հետեւյալ հարցը.

«Նիկոլ ջան, դու ասում ես, որ 700 հազար մարդ հավաքվի Ազատության հրապարակում, որ լինի իշխանափոխություն: Չե՞ս կարծում, որ իշխանափոխության ավելի էֆեկտիվ եւ կարճ ձեւեր կան, որ ենթադրում է մարդկանց շատ ավելի փոքր, բայց ավելի վճռական եւ կոնկրետ մասնակցություն: Հասկացար, չէ՞, ինչի մասին եմ հարցնում»:

Նիկոլի պատասխանը - Սիրելի բարեկամ, անշուշտ, կան իշխանափոխության այնպիսի սցենարներ, որ հնարավոր է իրականացնել նույնիսկ մի քանի հարյուր կամ մի քանի տասնյակ հոգով: Այսօր Հայաստանում կա՛ն մարդիկ, ովքեր համոզված են, թե պետք է գործել հենց այդպիսի սցենարով: Եթե դուք անձամբ ինձ նկատի ունեք կամ քաղաքական մեր թիմին, հակադարձ հարց եմ ձեզ տալիս. իսկ ինչո՞ւ պիտի մենք նման սցենար իրագործենք կամ մտածենք նման սցենար իրագործելու մասին: Որ հասնենք իշխանությա՞ն: Այդ դեպքում մի՞թե ճիշտ չեն լինի նրանք, ովքեր համարձակվում են պնդել, թե մենք իշխանամոլներ եւ իշխանատենչներ ենք, թե մենք ձգտում ենք ամեն գնով հասնել աթոռների:

Հիմա էլ, ահա, դուք ինքներդ կարող եք հակադարձ հարց տալ ինձ. այդ դեպքում, եթե չեք ձգտում իշխանության, ինչո՞ւ է Հայ ազգային կոնգրեսը իշխանափոխությունը հայտարարել որպես քաղաքական նպատակ, ինչու ենք մենք` Հայ ազգային կոնգրեսի ներկայացուցիչներս, հայտարարում, թե վճռական ենք իշխանափոխության համար պայքարում: Կարդալ շարունակությունը …

ՀԱՐՑ-ՊԱՏԱՍԽԱՆ, ՀՈԴՎԱԾՆԵՐ 1+, ՀԱԿ, Հեղափոխություն, Նամակ

Հարգելի այցելուներ.

Հայտնի հանգամանքների բերումով վերջին ամիսներին իմ կայքի աշխատանքները «կանգ էին առել»: Իմ ազատության մեջ հայտնվելը հնարավորություն է տալիս, որ կայքի աշխատանքները շարունակենք նախկին ակտիվությամբ: Շնորհակալություն հայտնելով Ձեզ կայքի նկատմամբ այս ընթացքում ցուցաբերած հետաքրքրության համար, պատրաստակամություն եմ հայտնում պատասխանել նաեւ Ձեզ հուզող կամ հետաքրքրող հարցերին: Հույս ունեմ մեր շփումը վիրտուալ տարածության մեջ կլինի արդյունավետ եւ հետաքրքիր:

Լավագույն մաղթանքներով

ՆԻԿՈԼ ՓԱՇԻՆՅԱՆ

Կարդալ շարունակությունը …

ՀԱՐՑ-ՊԱՏԱՍԽԱՆ, ՀՈԴՎԱԾՆԵՐ Հայտարարություն

Ստորեւ ներկայացնում ենք եւս մեկ հարցուպատասխան www.nikol.am վեբկայքից:

ԱՐՏԱԿԻ ՀԱՐՑԸ - Բարեւներս, պարոն Փաշինյան. Դուք կարո՞ղ եք մի խորհուրդ տալ, թե ինչպես վարվել այնպիսի դեպքերում, որ հիմա կներկայացնեմ, նամանավանդ, որ նման դեպքեր Հայաստանում շատ-շատ են լինում: Իմ հորեղբոր տղան աշխատում է ոստիկանությունում, միջին պաշտոն է զբաղեցնում: Ընտրություններից առաջ վարչության պետը նրան կանչել էր ու ասել, որ եթե մեր գյուղում Սերժ Սարգսյանը չանցնի, իրա գլխին գործ կսարքեն ու կնստացնեն ( չեմ կասկածում, որ կանեին): Խեղճ մարդը ծնկաչոք բոլորին աղաչում էր, որ Սերժին ընտրեն: Իրա երեխաներին խղճալով (3 անչափահաս երեխա ունի) ես գնացել ու ընտրել եմ Սերժին, երբ որ ինձ համար Սերժը ավելի անընդունելի էր, քան Սուլթան Համիդը:

ՆԻԿՈԼԻ ՊԱՏԱՍԽԱՆԸ - Սիրելի Արտակ, Ձեր հարցը այնքան խոսուն է, որ կարելի է դրան պատասխանել լռությամբ: Ձեր նկարագրած մոտեցման մեջ է Հայաստանի դժբախտությունը այսօր եւ պատմության ողջ ընթացքում: Ինչո՞ւ է Ձեզ թվում, որ ընտրակեղծարարները, սափրագլուխները եւ այսօրինակ տականքը տապակվում է Սերժ Սարգսյանի նկատմամբ տածած սիրո մեջ: Կարդալ շարունակությունը …

ՀԱՐՑ-ՊԱՏԱՍԽԱՆ, ՀՈԴՎԱԾՆԵՐ Ավազակապետություն, ՀԱԿ, Հեղափոխություն, Մարտի 1

www.nikol.am վեբկայքում «ՀԺ»-ի գլխավոր խմբագիր, քաղբանտարկյալ Նիկոլ Փաշինյանը շարունակում է պատասխանել իրեն ուղղված հարցերին: Ստորեւ ներկայացնում ենք մի այդպիսի հարցուպատասխան:

Աննայի հարցը- Հարգելի Նիկոլ, 2008թ. փետրվարի 26-ին ժողովուրդը ձեր կողքին էր` ի՞նչ արեցիք որ…
Նիկոլի պատասխանը - Թանկագին Աննա, 2008 թվականի փետրվարի 26-ը գայթակղության քար է դարձել մեր նորագույն քաղաքական պատմության մեջ: Ձեր հարցի բովանդակությամբ հայտարարություններ, հարցապնդումներ վերջին երկուսուկես տարվա ընթացքում հաճախ են արվել, եւ փետրվարի 26-ը շատերի գիտակցության մեջ «պետության փրկության» հնարավորության կորստի խորհրդանիշ է դարձել, մինչդեռ նման մոտեցումն ընդամենը բացահայտում է, որ մենք, որպես հանրություն, որպես ժողովուրդ բավարար չափով չենք գիտակցում մեր առջեւ ծառացած խնդիրների լրջությունը: Ասվածը ապացուցելու համար եկեք վերհիշենք, թե ինչ է տեղի ունեցել 2008 թվականի փետրվարի 26-ին: Այդ օրը Սերժ Սարգսյանը մի քանի հարյուր հազար մարդու` հիմնականում պետական մարմինների, բյուջետային հիմնարկությունների, օլիգարխներին պատկանող ձեռնարկությունների աշխատակիցների, վարչական լծակների գործադրմամբ քշել-բերել էր Երեւանի Հանրապետության հրապարակ, իբր` իրեն աջակցության հանրահավաք կազմակերպելու: Կարդալ շարունակությունը …

ՀԱՐՑ-ՊԱՏԱՍԽԱՆ, ՀՈԴՎԱԾՆԵՐ 1+, Ազատ եւ Երջանիկ Հայաստան, Խմբագրական, Հեղափոխություն

www.nikol.am կայքի այցելու Արթուրը նախօրեին Նիկոլ Փաշինյանին է ուղղել հետեւյալ հարցը. «Հարգելի Նիկոլ, hարցս միգուցե տափակ հնչի, բայց ես ցանկանում եմ հենց քեզանից լսել հնարավորինս օբյեկտիվ եւ ինչու չէ` ` կողմնակալ պատասխան: Քո կարծիքով, երբ կլինի իշխանափոխություն և ինչպես»:

Նիկոլ Փաշինյանը այս հարցին տվել է հետեւյալ պատասխանը. «Սիրելի Արթուր. իմ վեբկայքի բացումից ի վեր «կոնկրետ, երբ է լինելու իշխանափողությունը» հարցին պատասխանել եմ մի քանի անգամ: Այդ պատասխանները տեղադրված են իմ կայքում եւ, եթե ձեզ դժվար չէ, խնդրում եմ ծանոթացեք այդ գրությունների բովանդակությանը: Իսկ ձեր հարցին ի պատասխան` կխոսեմ ոչ թե այն մասին, որ արդեն խոսել եմ, այլ կփորձեմ հարցին մոտենալ մի ուրիշ տեսանկյունից: Հայաստանյան որոշակի շրջանակներ փորձում են մարդկանց գիտակցության մեջ սերմանել, թե իշխանափոխությունը Հայաստանի առաջին նախագահ Լեւոն Տեր-Պետրոսյանին է հարկավոր, կամ` Հայ ազգային կոնգրեսի լիդերներին, ովքեր, իբր, պաշտոնի են ձգտում: Կարդալ շարունակությունը …

ՀԱՐՑ-ՊԱՏԱՍԽԱՆ, ՀՈԴՎԱԾՆԵՐ Լեւոն Տեր-Պետրոսյան, ՀԱԿ, Հայաստանցու մասին, Հեղափոխություն

www.nikol.am կայքի այցելու Հովհաննեսը նախօրեին Նիկոլ Փաշինյանին է ուղղել հետեւյալ հարցը. «Բարեւ, հարգելի Նիկոլ: Ցավով ընդունեցի Հայոց բանակում տեղի ունեցած երկու ողբերգությունները: Ես կուզենայի իմանալ ձեր կարծիքը, թե ինչպես կարելի է վերացնել սպանությունների երեւույթը մեր բանակում: Եվ ընդհանրապես, ինչպե՞ս պետք է բարեփոխվի մեր բանակը: Եվս մեկ հարց` բանակի թեմայով: Արդյո՞ք ճիշտ կլինի բանակը դարձնել պրոֆեսիոնալ` այն դեպքում, որ մենք գտվում ենք կիսապատերազմական վիճակում»:

Նիկոլ Փաշինյանը այս հարցին տվել է հետեւյալ պատասխանը. «Սիրելի Հովհաննես. կարծում եմ` հատկապես կիսապատերազմական վիճակը մեզ պետք է ստիպեր լրջորեն մտածել Հայոց բանակը պրոֆեսիոնալ դարձնելու մասին: Կարդալ շարունակությունը …

ՀԱՐՑ-ՊԱՏԱՍԽԱՆ, ՀՈԴՎԱԾՆԵՐ Ազատ եւ Երջանիկ Հայաստան, Ավազակապետություն, կոռուպցիա, օրենսդրական

www.nikol.am կայքի այցելու Շանթը նախօրեին Նիկոլ Փաշինյանին է ուղղել հետեւյալ հարցը. «Սիրելի Նիկոլ, ճի՞շտ է, որ ԿԳԲ-ն ձեզանից հայկական Սահակաշվիլի է պատրաստում: Կարո՞ղ եք միարժեքորեն հաստատել կամ ժխտել այս ասեկոսեները»:

Նիկոլ Փաշինյանը այս հարցին տվել է հետեւյալ պատասխանը. «Սիրելի Շանթ. նախ ասեմ, որ Սահակաշվիլիի օրինակը ինձ համար այնքան էլ ոգեւորիչ չէ, որովհետեւ չի կարելի Վրաստանի նման պետության ղեկին հայտնվել եւ հակամարտության քաղաքականություն վարել այնպիսի մի հարեւանի հետ, ինչպիսին Ռուսաստանն է: Այդ քաղաքականության հետեւանքները Վրաստանը դեռ երկար չի կարողանալու հաղթահարել: Այնպես որ, եթե ձեր ասած ԿԳԲ-ն ինձնից ինչ-որ հայկական երեւույթ է պատրաստում, երեւի ծանոթ-մանոթ մեջ գցենք, որ ուրիշ տարբերակ ընտրի: Իսկ ընդհանրապես, ձեր առաջադրած հարցի նման հարցեր կարելի է ձեւակերպել հարյուրներով: Վերջին տարիներին ես իմ մասին տասնյակ խոսակցություններ եմ լսել: Կարդալ շարունակությունը …

ՀԱՐՑ-ՊԱՏԱՍԽԱՆ, ՀՈԴՎԱԾՆԵՐ «Հայկական ժամանակ», Ազատ եւ Երջանիկ Հայաստան, Անձնական

Հարց Քանաքեռցուց - Նիկոլ ջան, բարի օր քեզ ու մեզ, բոլորիս ազատություն եմ ցանկանում: Թող հարցս տարօրինակ չթվա. ո՞վ է քո համար Պինոչետը, կամ նրան որպես պատմական դեմք ինչպե՞ս կնկարագրես:

Նիկոլի պատասխանը - Սիրելի քանաքեռցի. Պինոչետը ինձ համար հանցագործ է եւ մարդասպան: Չկա ավելի մեծ հանցանք, քան, իբր պետական որեւէ շահի պատճառաբանությամբ, այդ նույն պետության քաղաքացիների կոտորածը:

ՀԱՐՑ-ՊԱՏԱՍԽԱՆ Անձնական, սպանություն

Վահագնի հարցը - Բարեւ իմ կողմից սիրված և հարգված, անաչառ լրագրող Նիկոլ: Ուզում եմ մի հարց տալ: Ես ՀԱԿ-ի անդամ եմ ու ընդունում եմ ՀԱԿ-ի գաղափարախոսությունը, բայց Նիկոլ ջան կարամ ասեմ` մեր նման մտածող մարդիկ քիչ են, եթե շատ լինեինք մենք շատ շուտ ավազակապետության ավարտը կտայինք: Ի՞նչ կարծիքի ես` նախ մենք պետք է աշխատենք հասարակության վրա՞:

Նիկոլի պատասխանը - Սիրելի Վահագն, Հայաստանի բնակչության 90 տոկոսը հայացքներով ընդդիմադիր է. այս իմաստով մեզ նման մտածողները շատ են: Շատ ավելի քիչ են մարդիկ, ովքեր հավատում են, որ իրենցից ինչ-որ բան կախված է, որ իրենք ինչ-որ բան կարող են փոխել: Իսկ մարդկանց առավել մեծ մի հատվածը որեւէ բան փոխելու հնարավորության վերաբերյալ հավատ ձեռք է բերում կոնկրետ իրադարձությունների համատեքստում, երբ քաղաքական ընդդիմության ակտիվությունը հասնում է պիկերի: Մնացած ժամանակներում մարդիկ դառնում են իներտ, հուսահատ եւ չարացած: Ամփոփելով ասեմ, որ իմ կարծիքով մեզ նման մտածողները շատ են, շատ-շատ: Եվ այդ մարդկանց մեծամասնությունը համապատասխան քաղաքացիական դիրքորոշում դրսեւորվելու համար պահի են սպասում, վճռական պահի: Եվ քաղաքական ընդդիմության խնդիրը այդ պահը հասունացնելն է, եւ այդ ժամանակ մեզ նման մտածողները կբացահայտվեն երկրաչափական պրոգրեսիայով: Ինչ վերաբերվում է հասարակության հետ աշխատանքին, ես համաձայն եմ ձեզ հետ եւ հասարակության հետ աշխատանքը հենց ինքը քաղաքական գործունեությունն է: Լավագույն մաղթանքներս, սիրելի Վահագն:

ՀԱՐՑ-ՊԱՏԱՍԽԱՆ, ՀՈԴՎԱԾՆԵՐ 1+, Ավազակապետություն, ՀԱԿ

Հայկի հարցը - Բարեւ, հարգելի Նիկոլ: Կարծում եմ քաջառողջ ես եւ աննկուն: Հարցս կլինի կարճ եւ շատ հստակ: Ինչպես կվարվես, եթե հանգամանքների բերումով կամ պարզապես մրցակցության մեջ մտնելով` մեկ այլ քաղաքական ուժ ստանձնի առաջին տեղը, ուզում եմ հարցնել, թե դու ինչքանով ես կապված ՀԱԿ-ի հետ եւ որ դեպքում կլքես այդ ուժը: Կանխավ շնորհակալ եմ:

Նիկոլի պատասխանը - Սիրելի Հայկ, Հայ ազգային կոնգրեսը ինձ համար 2008 թվականի փետրվարին Երեւանի Ազատության հրապարակում արձանագրված զարթոնքի, Մարտի 1-ի քաղաքացիական խիզախումի եւ 10 զոհերի հիշատակի խորհրդանիշն է: Ասել է թե` Կոնգրեսը ձեւավորվել է Ազատ եւ Երջանիկ Հայաստանի երազանքն իրագործելու, անմեղ զոհերի հիշատակին արժանի հայրենիք կերտելու համար: Եվ Ձեր հարցը, թե որքանով եմ ես պատրաստ լքել Կոնգրեսը, նույնն է, թե հարցնեիք` որքանո՞վ եք պատրաստ հրաժարվել այն իդեալներից, որոնց համար մենք բոլորս պայքարում էինք 2008թ. փետրվարին:

Կարդալ շարունակությունը …

ՀԱՐՑ-ՊԱՏԱՍԽԱՆ, ՀՈԴՎԱԾՆԵՐ Ազատ եւ Երջանիկ Հայաստան, Անձնական, Խմբագրական, ՀԱԿ, Մարտի 1

Հարց Համոյից - Նիկոլ ջան, չե՞ս զգում , որ էս վերջին հոդվածներում զգացվում է քո՝ Կոշում նստելը: Հոդվածներդ դարձել են մի տեսակ գողական ռեպլիկներով, բառապաշարով հագեցած: Հարգանքներով՝ քեզ շատ սիրող, հարգող Համո:

Նիկոլի պատասխանը - Սիրելի Համո. այն, որ Կոշի գաղութում եմ` օբյեկտիվ իրականություն է, եւ ես «Հայլուրը» չեմ, որ կապ չունենամ օբյեկտիվ իրականության հետ, մանավանդ, որ Հայաստանում կան երեւույթներ, որ ձեր նկատած բառապաշարով ավելի դիպուկ են բնորոշվում: Այսպիսով, ոչ թե իմ գտնվելու վայրն է կանխորոշում տվյալ պահի իմ բառապաշարը, այլ հենց ինքը՝ ասելիքը: Ամեն ասելիք իր բառապաշարն ունի, եւ ես չեմ խուսափում ասելիքը ասել այնպես, ինչպես այն կա` իմ պատկերացմամբ եւ ընկալմամբ: Այս մոտեցումը ինձ համար կարեւոր է եղել Կոշից առաջ, կարեւոր է Կոշում եւ կարեւոր կլինի Կոշից հետո` գրավոր խոսքի իմաստով: Լավագույն մաղթանքներս, սիրելի Համո:

ՀԱՐՑ-ՊԱՏԱՍԽԱՆ, ՀՈԴՎԱԾՆԵՐ «Հայկական ժամանակ», Անձնական, Քաղբանտարկյալներ

Տրդատի հարցը - Նիկոլ, չե՞ք կարծում, որ Հայաստանում իրական իշխանափոխություն կարող է տեղի ունենալ միայն այն ժամանակ, երբ ժողովուրդը, որի մի մասն ենք կազմում նաեւ ես եւ Դուք, հոգեպես պատրաստ կլինի դրան: Այսինքն, իր համար իշխանափոխությունը, հեղափոխությունը կծառայեն իր երազի երկիր Հայաստանի ստեղծմանը: Արդյո՞ք մեր ժողովուրդը ցանկանում է, որ իսկապես այն վայրենի բարոյահոգեբանական մթնոլորտը, որ տիրում է մեզանում, վերանա: Այո, մեզանում, ոչ միայն իշխանությունների ներսում: Միայն իշխանությունը փոխելով չէ, որ երկիրը առաջ կընթանա, դրա համար պետք է որ իր հիմնական ռեսուրսը` ժողովուրդը, ցանկանա հարատեւ հոգեւոր բարիքներ: Ժողովուրդը պետք է իշխանությանը ստիպի փոխվել: Չէ՞ որ նույն ընտրակեղծարարները մեր ժողովրդի մի մասն են, ասել է թե` մեզանից մեկը, չէ՞ որ օլիգարխը եւ նախարարը մեզանից մեկն են:

Նիկոլի պատասխանը - Սիրելի Տրդատ. Կարդալ շարունակությունը …

ՀԱՐՑ-ՊԱՏԱՍԽԱՆ, ՀՈԴՎԱԾՆԵՐ 1+, Ազատ եւ Երջանիկ Հայաստան, Անձնական, ՀԱԿ, Հոգեւոր, Մարտի 1

Տարագիրի հարցը - Barev, Nikol jan. Nax kneres, vor latinatar em grum, ays pahin dzerkis tak hayeren taradzev chka. Im` ko anhati masin patketacumneri u dranc hetevox gnahatakanneri 90%-y himnvac e erku hangamanki vra: arajin, vor zemlyak enk (Ijevanci) ev erkrord ko “erkri hakarak koxmum” aynpes es nerkayacnum mer pokr hayrenik Ijevany, vor indz hamar arden erkrordakan e darnum mnacac amen inch. Bayc amen depkum uzum em mnacac 10%y evs lracnel ays pahin derevs harcov. Du karox es asel, vor ko gorcuneutyamb masnavorapes arden apacucel es anhatid joxovrdavarutyan u hayrenikid handep nvirvacutyuny,bayc es lriv ijevanci em, inchpes ev, hamozvac em, du. Enpes vor minchev mi ban im achkov chtesnem, chem havata, tekuz dra masin obamanern u evropacinery, kam chgitem el ov barcradzaynen. Kuzenayi bacs lracnelu hamar shat harcer tal, bayc terevs aysor bavararvem mekov.

Du mi kani angam asel es, vor joxovrdavarakan institutneri bacakayutyan paymannerum cankacac azniv mard ishxalutyan galov mec havanakanutyamb chi dimana gaytakxutyany ev kvarvi aynpes inchpes varvel en u varvum en mer naxkin u nerkayis ishxanutyunnery. Ynd vorum, nshum es, vor HAKy xndir uni miayn ishxanutyan gal` anhrajesht institutnery stexcelu hamar, voric heto kherana qaxaqakan bemic. Կարդալ շարունակությունը …

ՀԱՐՑ-ՊԱՏԱՍԽԱՆ, ՀՈԴՎԱԾՆԵՐ 1+, Ազատ եւ Երջանիկ Հայաստան, Անձնական, ՀԱԿ

Մացակի հարցը - BAREV DZEZ. HARGELI NIKOL ES ERKU ANGAM PORCEL EM DZEZ HET KAPNVEL HAYKAKAN ZHAMANAKI ( kapi ) MIJOCOV. NIKOL JAN ES USMAN BERUMOV DER MEK AMIS KMNAM TOURS QAKHAQUM SA PARIZ@ CHE SAKAYN AYSTEKH APROKH HAYER@ NUYNPES HAMADZAYN EN BOKHOQI AKCI ANCKACNELU (mot 200 mard ev im usanokh fransiaci @nkerner@ mot 50 mard) ES UZUM EM DZER KARCIQN IMANAL ARZHI AYS QAKHAQUM ANCKACNEL AKCIA (sa Strasburg@ che @ndhamen@ erku iravapashtpan kazmakerputyunner kan) ETE AYO KHNDRUM EM DZER AJAKCUTYUN@ KHORURDI TESQOV … INCH KARGAKHOSOV … EV AYLN…MACAK BERBERYAN. Կարդալ շարունակությունը …

ՀԱՐՑ-ՊԱՏԱՍԽԱՆ, ՀՈԴՎԱԾՆԵՐ 1+, Եվրոպա, մարդու իրավունքներ, Սփյուռք