Սիրելի ժողովուրդ, Հայաստանի Հանրապետության հպարտ քաղաքացիներ:

Մեր նախորդ հանրահավաքից անցել է գրեթե մեկ ամիս, եւ այս ընթացքում քաղաքական իրավիճակը Հայաստանում էական փոփոխություն է կրել: Հոկտեմբերի 28-ի հանրահավաքում, հենց այս հարթակից Հայ ազգային կոնգրեսի առաջնորդ Լեւոն Տեր-Պետրոսյանը իշխանության ներսում խայտառակ պաշտոնանկություններ կանխատեսեց: Այդ օրը մենք Երեւանի փողոցներով երթ անցկացրինք «Ալիկ խուլիգան» վանկարկումներով: Եւ դրանից ընդամենը չորս օր հետո խայտառակ ձեւով պաշտոնանկ արվեց ոստիկանության պետ Ալիկ Սարգսյանը: Ասում եմ խայտառակ կերպով, որովհետեւ նա իր պաշտոնանկության մասին իմացել էր լրագրողներից:

Ու սա այն մարդն է, որ բանտերը նետեց ընդդիմության տասնյակ ակտիվիստների` Սամսոն Խաչատրյանին, Վարդգես Գասպարիին, Դավիթ Քիրամիջյանին, Վահագն Գեւորգյանին Սահակ Մուրադյանին, Արեգ Գեւորգյանին, Արտակ Կարապետյանին,  Սարգիս Գեւորգյանին, լրագրող Անի Գեւորգյանին: Քաղբանտարկյալ Տիգրան Առաքելյանը այսօր էլ գտնվում է անազատության մեջ:

Ալիկ Սարգսյանը հույս ուներ, թե իր հանցագործ ղեկավար Սերժիկ Սարգսյանին այս պիղծ ծառայությունները մատուցելով նրա երախտիքին է արժանանալու, մինչդեռ ընդամենը արժանացավ նրան, ինչին արժանի էր իրականում, օգտագործվեց եւ դեն շպրտվեց, չստանալով նույնիսկ մարդավայել վերաբերմունք: Կարդալ շարունակությունը …

ԵԼՈՒՅԹՆԵՐ, ՀՈԴՎԱԾՆԵՐ

Սիրելի ժողովուրդ, Հայաստանի Հանրապետության հպարտ քաղաքացիներ:

11 տարի առաջ, 1999 թվականի հոկտեմբերի 27-ին զինված ավազակախումբը մուտք գործեց ՀՀ Ազգային ժողով, եւ գնդակահարեց Հայաստանի Հանրապետության ժողովրդի վստահության քվեն ստացած քաղաքական առաջնորդներին`ի դեմս Հայաստանի Հանրապետության Ազգային ժողովի նախագահ Կարեն Դեմիրճյանի, եւ վարչապետ Վազգեն Սարգսյանի: Այդ օրվա ոճիրի հետեւանքով զոհվեցին նաեւ ԱԺ փոխնախագահ Յուրի Բախշյանը, ԱԺ փոխնախագահ Ռուբեն Միրոյանը, նախարար Լեոնարդ Պետրոսյանը, ԱԺ պատգամավորներ Միքայել Քոթանյանը, Հենրիկ Աբրահամյանը, Արմենակ Արմենակյանը:

Մեկ րոպե լռությամբ հարգենք նրանց հիշատակը: Կարդալ շարունակությունը …

ԵԼՈՒՅԹՆԵՐ, ՀՈԴՎԱԾՆԵՐ, ՄԱՐՏԻ 1

Սիրելի ժողովուրդ, Հայաստանի Հանրապետության հպարտ քաղաքացիներ:

Ազատության հրապարակի մեր ութնօրյա նստացույցը բառիս բուն իմաստով դարձավ ջրբաժան: Մենք բաժանվեցինք ինքներս մեր վախերից, կասկածներից, երկմտությունից, եւ ինքներս մեզ, առաջին հերթին ինքներս մեզ ապացուցեցինք, որ դեռ կարող ենք կտրվել մեր տաք տներից եւ անկողիններից եւ անձրեւի մեջ, արեւի տակ, իշխանական ուղղակի եւ անուղղակի սպառնալիքների ներքո բարձրաձայնել.

Մենք քաղաքացի ենք, Հայաստանի Հանրապետության հպարտ քաղաքացի, մենք ուժ ենք, մենք ուժեղ ենք եւ երբեք չենք հրաժարվի Հայրենիքին տեր լինելու մեր իրավունքից ու պարտականությունից, երբեք չենք հրաժարվի Հայաստանի այսօրվա վիճակի համար մեր ունեցած պատասխանատվությունից, երբեք չենք հրաժարվի Հայաստանը հանցագործ իշխանությունից ազատելու եւ երկրում օրինական իշխանություն հաստատելու մեր առաքելությունից: Կարդալ շարունակությունը …

ԵԼՈՒՅԹՆԵՐ, ՀՈԴՎԱԾՆԵՐ 1+, Ազատ եւ Երջանիկ Հայաստան, Ավազակապետություն, ՀԱԿ, Հեղափոխություն, Սահմանադրություն

Նիկոլ Փաշինյանի ելույթը Ազատության հրապարակում

Սիրելի ժողովուրդ, Հայաստանի Հանրապետության հպարտ քաղաքացիներ. Հայաստանը բռնազավթած հանցագործ վարչախումբը ընդամենը 74 օր գոյատեւեց քաղբանտարկյալ չունեցող Հայաստանում: Սերժանտական խունտան ի վերջո չդիմացավ ընդդիմության հետ ուժի, լկտիության, սանձարձակության լեզվով խոսելու գայթակղությանը, եւ օգոստոսի 9-ին Հայաստանի Հանրապետության յոթ քաղաքացիներ կրկին խոշտանգվում էին Կենտրոնի ոստիկանություն կոչվող հանցավոր որջում:

Սերժանտական վարչախումբը չունի ուրիշ լեզու սեփական քաղաքացիների հետ խոսելու, շփվելու, հարաբերվելու: Ոստիկանական բաժիններում ամեն օր ծեծվում, խոշտանգվում, խեղվում են Հայաստանի Հանրապետության քաղաքացիներ, ովքեր գտնվում են Հայաստանի Հանրապետության Սահմանադրության եւ օրենքների պաշտպանության ներքո: Միայն Երեւանի քաղաքապետարանի ծիծակներին հայտնի գեղագիտական հիմնավորումներով Հայաստանի Հանրապետության հարյուրավոր քաղաքացիներ զրկվում են օրվա հացից, աշխատանքից, ապրուստից, որովհետեւ մի ինչ-որ չինովնիկ նրանց կրպակները ապամոնտաժելու բանավոր հրահանգ է տվել, եւ ոստիկանական բռնի ուժով իրագործում է ապօրինի այդ հրահանգը: Կարդալ շարունակությունը …

ԵԼՈՒՅԹՆԵՐ, ՀՈԴՎԱԾՆԵՐ Ազատ եւ Երջանիկ Հայաստան, Ավազակապետություն, Լեւոն Տեր-Պետրոսյան, ՀԱԿ, Հեղափոխություն, Մարտի 1

ԵԼՈՒՅԹՆԵՐ, ՀՈԴՎԱԾՆԵՐ video, Ավազակապետություն, ՀԱԿ, Հարցազրույց, Հեղափոխություն, տեսանյութ

Պատրաստված է Ն. Փաշինյանի` 2011 թ. հունիսի 10 -ին Երեւանի Սարյանի պուրակում ունեցած ելույթի հիման վրա:

Այսօր ոչ միայն Սարգիս Հացպանյանին դիմավորելու օրն է, այլեւ մի օր, երբ Հայաստանում այլեւս չկան քաղբանտարկյալներ: Եվ այս առիթով ընդամենը մի բան եմ ուզում ասել: (…) էս իշխանությունը, ցանկացած իշխանություն պետք է հասկանա, որ Հայաստանի բազմաթիվ քաղաքացիներ պատրաստ են լինել քաղբանտարկյալ, պատրաստ են կրել ցանկացած զրկանք, բայց չեն հանդուրժի ապօրինությունը, չեն հանդուրժի բեսպրեդելը: Նրանք պատրաստ են մինչեւ վերջ պայքարել հանուն Սահմանադրության, հանուն օրինականության: Իսկ երբ գործում է Սահմանադրությունը, երբ գործում է օրենքը, քաղբանտարկյալ լինել չի կարող:

Բանտում, իմացեք, մեզ ուժ է տվել այն զգացողությունը, որ մենք ունենք հազարավոր ընկերներ, ովքեր չեն ընկրկի եւ ցանկացած պահի պատրաստ են լինել քաղբանտարկյալ, հայտնվել բանտում` կողքի խցում, մի ուրիշ խցում: Ու սա է եղել մեզ ուժ տվող ամենակարեւոր ազդակը: Սա է մեզ ազատություն պարգեւած հիմնական գործոնը:

Մեր նախորդ հանդիպման օրն էլ ասացի` մեզնից որեւէ մեկը որեւէ մեկին շնորհակալություն հայտնելու կարիք չունի: Եթե մեզնից որեւէ մեկը համարում է, որ ինքը ուրիշ մեկի համար է ինչ-որ բան արել, ինքը սխալ է մտածում: Կարդալ շարունակությունը …

ԵԼՈՒՅԹՆԵՐ, ՀՈԴՎԱԾՆԵՐ 1+, Ազատ եւ Երջանիկ Հայաստան, Հայտարարություն, Քաղբանտարկյալներ

Սիրելի ժողովուրդ,

Հայաստանի Հանրապետության հպարտ քաղաքացիներ.
Ես սիրում եմ ձեզ, հպարտանում եմ ձեզանով, որովհետեւ մեր պայքարի այս տարիները ապացուցեցին, որ այս հրապարակում դավաճան չկա, այս հրապարակում կասկածող չկա, այս հրապարակում Հայաստանի Հանրապետության հաղթական քաղաքացին է, ում պայքարը անկասելի է, ում հաղթանակը անխուսափելի է:

Եւ ուրեմն` Պայքար, պայքար մինչեւ վերջ:

Սիրելի ժողովուրդ.

Այս հրապարակում գտնվող յուրաքանչյուր ոք գիտե, որ մեր պայքարի վերջնական նպատակը Ազատ եւ Երջանիկ Հայաստանն է, այնպիսի Հայաստանը, որտեղ հաստատված իրականությունը ճշգրտորեն համապատասխանում է այն նկարագրությանը, որ առկա է Հայաստանի Հանրապետության Սահմանադրությունում:

Ամեն անգամ, սակայն, «ՊԱՅՔԱՐ, ՊԱՅՔԱՐ ՄԻՆՉԵՒ ՎԵՐՋ» կարգախոսը վանկարկելիս մենք նկատի ենք ունենում ոչ միայն այդ վերջնական նպատակը, այլեւ այն հանգրվանային կետերը, մարտավարական նպատակները, որոնց նվաճումով մոտենում ենք վերջնական եւ գերագույն հաղթանակին: Մի դեպքում մարտավարական այդ նպատակը Ազատության հրապարակի վերանվաճումն էր, մյուս դեպքում քաղբանտարկյալների ազատ արձակումը, հարցեր, որ այս պահի դրությամբ գործնականում լուծված կարելի է համարել` ամբողջապես: Կարդալ շարունակությունը …

ԵԼՈՒՅԹՆԵՐ, ՀՈԴՎԱԾՆԵՐ 1+, Ազատ եւ Երջանիկ Հայաստան, Ավազակապետություն, ՀԱԿ, Հեղափոխություն, մարդու իրավունքներ, Սահմանադրություն

Տեսանյութը՝  epress.am-ի

ԵԼՈՒՅԹՆԵՐ, ՀՈԴՎԱԾՆԵՐ Անձնական, Ավազակապետություն, Դատ, մարդու իրավունքներ

Տեսանյութերը՝ epress.am-ի (Անկախ լրագրողների ցանց)

ԵԼՈՒՅԹՆԵՐ, ՀՈԴՎԱԾՆԵՐ Ազատ եւ Երջանիկ Հայաստան, Անձնական, Դատ, մարդու իրավունքներ, Մարտի 1

«Կոշ» քրեակատարողական հիմնարկում Արագածոտնի մարզի ընդհանուր իրավասության դատարանի դատավոր Սուրեն Մնոյանի նախագահությամբ ավարտվեց «Հայկական ժամանակ» օրաթերթի գլխավոր խմբագիր, քաղբանտարկյալ Նիկոլ Փաշինյանի` ընդդեմ «Նուբարաշեն» քրեակատարողական հիմնարկի պետ Տիգրան Նավասարդյանի հայցադիմումի քննարկումը: Անակնկալ տեղի չունեցավ: Մնոյանը, համալրելով Նիկոլի դեմ քաղաքական հետապնդում իրագործող պաշտոնյաների շարքը, մերժեց քաղբանտարկյալի հայցադիմումը` համարելով, որ ՔԿՀ պետն իրավասու է իր հայեցողությամբ կատարած թվաբանությամբ Նիկոլի ազատազրկման ժամկետը ավելացնել: Իսկ մինչ դատական նիստը կսկսվեր, Նիկոլ Փաշինյանը հայտարարություն արեց:

«Վերջին օրերին մենք ականատես եղանք կրիմինալի եւ ավազակապետության համատեղ օպերացիային: Ինձանից ի՞նչ էին պահանջում` պահանջում էին, որ հոդվածներ չգրեմ եւ դրոշ չունենամ իմ գլխավերեւում: Հիմա ինձ տարել են պատժախուց, որտեղ թուղթ ու գրիչ ունենալն արգելվում է, դրոշ արգելվում է եւ որեւէ այլ առարկա արգելվում է: Այսինքն, ավազակապետությունը, տեսնելով, որ կրիմինալի միջոցով չի կարողանում իր նպատակներին հասնել, գործի է դնում «օրենքը»: Կարդալ շարունակությունը …

ԵԼՈՒՅԹՆԵՐ, ՀՈԴՎԱԾՆԵՐ Ավազակապետություն, Հեղափոխություն, մարդու իրավունքներ, Մարտի 1, Քաղբանտարկյալներ

Ներկայացնում ենք Նիկոլ Փաշինյանի ելույթը երեկ Արագածոտնի մարզի ընդհանուր իրավասության դատարանում: Պատժախցում գտնվելու պատճառով Նիկոլ Փաշինյանը զրկված է եղել ելույթին գրավոր պատրաստվելու հնարավորությունից` չունենալով ոչ միայն դրա համար անհրաժեշտ փաստաթղթերը, այլեւ նույնիսկ` թուղթ ու գրիչ:

«Հարգելի դատարան, տվյալ իրավիճակում մենք ինչի՞ հետ գործ ունենք. մենք գործ ունենք հետեւյալի հետ, որ 2010 թվականի ապրիլի 30-ին իմ դեմ կայացված վճիռը մտել է օրինական ուժի մեջ, եւ դատարանը քանի որ որոշել էր, որ պատժի չկրած մասը կիսով չափ պիտի կրճատվի, Տիգրան Նավասարդյանը իմ բանտում գտնվելու ժամանակաշրջանը` հուլիսից մինչեւ ապրիլ, հանել է եւ մնացած մասը կիսել է, ստանալով վերջնական պատիժը` հաշվարկելով 3 տարի 10 ամիս 29 օր: Բայց մենք ունենք շատ կարեւոր մի իրավիճակ. որ փաստորեն իմ իրավունքների օգտագործումը, այն փաստը, որ ես իմ իրավունքներից օգտվել եմ, աշխատել է իմ դեմ: Ի՞նչ նկատի ունեմ. այսինքն եթե իմ գործով դատավճիռը արագ ուժի մեջ մտներ, իմ պատժաչափը փաստացի այլ կլիներ: Եթե, ենթադրենք, սեպտեմբերի 1-ի դրությամբ մենք ունենայինք օրինական ուժի մեջ մտած դատավճիռ, իմ պատժաչափը կկրճատվեր կիսով չափ եւ արդյունքում կլիներ 3 տարի ասենք 7 ամիս: Բայց տեղի չի ունեցել: Ինչո՞ւ: Կարդալ շարունակությունը …

ԵԼՈՒՅԹՆԵՐ, ՀՈԴՎԱԾՆԵՐ Ազատ եւ Երջանիկ Հայաստան, Ավազակապետություն, Հեղափոխություն, մարդու իրավունքներ, օրենսդրական

(C) Radio Liberty

ԵԼՈՒՅԹՆԵՐ, ՀՈԴՎԱԾՆԵՐ Անձնական, Ավազակապետություն, Դատ, Մարտի 1

Սիրելի ժողովուրդ.

Լրանում է 2008 թվականի մարտի 1-ի իրադարձությունների երկու տարին:

Պատմական դարձած այս օրը մեզ համակում են բազմակի զգացողություններ: Մենք նախեւառաջ հարգանքի տուրք ենք մատուցում իշխանության դավադիր գործողությունների զոհ դարձած Հայաստանի Հանրապետության տասն անմեղ քաղաքացիների` Գոռ Քլոյանի, Տիգրան Խաչատրյանի, Դավիթ Պետրոսյանի, Համլետ Թադեւոսյանի, Սամվել Հարությունյանի, Տիգրան Աբգարյանի, Գրիգոր Գեւորգյանի, Արմեն Ֆարմանյանի, Հովհաննես Հովհաննիսյանի, Զաքար Հովհաննիսյանի անմար հիշատակին, աղոթում նրանց հոգիների համար եւ ապրում նրանց զավակների ու սգավոր մայրերի առաջ ունեցած անսահման պարտքի գիտակցությամբ:

Մարտի 1-ի խորհրդանիշը, սակայն, ոչ այնքան հրեշավոր հանցագործություն թույլ տված ապօրինի իշխանությունն է, որքան սեփական Ազատության, Արժանապատվության, Իրավունքների համար պայքարի ելած Քաղաքացին: 2008 թվականի Մարտի 1-ին նոր հանգրվանի հասած այդ պայքարը վերջին երկու տարիների ընթացքում չի դադարել ոչ մի օր, ոչ մի ժամ, ոչ մի րոպե, ինչը առաջին հերթին Քաղաքացու, Ապագայի հաղթանակն է:

Կարդալ շարունակությունը …

ԵԼՈՒՅԹՆԵՐ, ՀՈԴՎԱԾՆԵՐ 1+, Ազատ եւ Երջանիկ Հայաստան, ՀԱԿ, Հեղափոխություն, Մարտի 1

ԵԼՈՒՅԹՆԵՐ, ՀՈԴՎԱԾՆԵՐ Ազատ եւ Երջանիկ Հայաստան, Անձնական, Դատ, Մարտի 1

ԵԼՈՒՅԹՆԵՐ, ՀՈԴՎԱԾՆԵՐ Ազատ եւ Երջանիկ Հայաստան, Երկրի հակառակ կողմը, ՀԱԿ